Sasoiko artistarik nabarmenenez osatuta, 1966an eratu zan “Emen” Euskal Eskolaren taldeko kideetako bat izan zan Muñoz. Askotariko ezaugarriak ebezan artistak alkartu ziran bizkaitar talde honetan, esate baterako, Agustin Ibarrola eta Maria Dapena, eta honeekaz batera, Dionisio Blanco, Gabriel Ramos Uranga, Javier Urquijo Jose Maria Ucelay. Ricardo Iñurria; Pelayo Olaortua; Roberto Rodet; Jose de Lorenzo-Solís, Anselmo de Guezala, Jose Barcelo, Carmelo Garcia Barrena, Angel Cañada, Alfonso Ramil; Vicente Larrea, Iñaki García Ergüin…, eta tartean zan Jose Maria Muñoz, ordurako makina bat mural eginda eta eraikitzen ziharduen eleiza barrietako edo konpontzen ari ziran eleizetako beirateak diseinatuta eukazana. Abade honek diseinatu ebazan gitxienez Euskadiko beiraterik bizi etaindartsuenak, hain zuzen be, 1960an inauguratu zan Derioko Seminarioko eleiza nagusikoak.
Eraikin erlijiosoetan, argitalpenetan, koadroetan eta koadernoetan jasota dago Jose Maria Muñozen lana, Ekuadorretik hasi eta Frantziaraino, berrogeta hamarreko hamarkadetik larogeta hamarreko hamarkadaraino. Hamaika diseinu egin eban gainera, karteletarako, kanpainetarako, Eleizbarrutiko jardunaldietarako edo Gabon-zorioneratako… Hain zuzen be, Eleizbarrutiak aurten prestatu dauan Gabon-zorioneko irudia Muñozen beirate bat (Jaiotza) da, Ortuellako San Felix Kantalizio eleizako beiratea.
Muñoz, Ekuadorren
Orain dala 5 urte, Muñozen heriotzaren 20. urteurrena betetean, Los Rios misino-aldizkariak JuanRa Etxebarria arabar misiolariaren erreportajea jaso eban, Muñoz eta bere egundoko lana gogora ekarriz: hemen.
