Barriak
Etiquetado como: Abadea
Eleizbarrutiko ordezkaritza 'sacerdotes del Prado' dalakoaren batzar nagusian
Atzo amaitu zan uztailaren lehenengo hamabostaldian Lyonen ospatu dan sacerdotes de Prado erakundearen batzar nagusia. Institutuko 57 kidek parte hartu dabe Europa, Afrika, Hego Amerika-Karibe eta Asiako 20 herrialde ordezkatuz. Bizkaiko eleizbarrutitik Manu de Las Fuentes abadea izan da batzarrean.
Carmelo Maron abadea hil da, gizon zintzo eta prestua
Carmelo Maron Castillo eleizbarrutiko abadea domekan hil zan Bilbon 87 urte ebazala. Bere arimaren aldeko hileta-eleizkizuna gaur arratsaldeko 19:00etan izango da Iratzagorriako San Esteban parrokian.
Venezuelako pastoral inguru batek Gonzalo Tosantos abadearen izena izango dau
Jubileu urte honetan, Luis Rey, San Isidro labrador, Santa Rosalía, Ntra. Sra. de la Luz, Virgen del Valle eta Virgen del Carmen parrokiak barne hartzen dituan pastoral inguruak Mons. Gonzalo Tosantos izena izango dau. Venezuelako Ciudad de Bolivar artxidiozesitik azaldu dabenez, "omenaldia egin jako bere bizitzako urte asko inguru honetako alkarte indigenei eta ahulenei …
"Esker onez agurtzen dogu abade on eta leial hau"
Bariku arratsaldez, On Joseba Segura gotzaina buru zala, Jose Angel Ubieta abadearen hileta-eleizkizuna ospatu zan katedralean. Eleizbarrutiaren historian funtsezkoa izan dan gizon hau 98 urte ebazala hil zan urriaren 23an, eguaztenez. Bilboko gotzainagaz batera, alkar-meza emon eban On Ricardo Blazquez kardinal eta Bilboko gotzain ohiak, Eleizbarrutian egon zan aldian …
Erruki-etxeak 250 urte bete ditu
Eguerdian ospatu da Erruki-etxearen 250. urteurreneko ekitaldi instituzionala. "250 urte Bilbori lotuta" goiburuaren haritik egingo dira urte osoan urteurrena ospatzeko ekitaldiak. Vicente Maria del Arenal erakundeko presidenteak gidatu dau ekitaldia, hasieran bertaratutakoei, besteak beste, On Joseba Segura Bilboko gotzainari, Amaia Antxustegi Gizarte Ekintzarako Foru …
Omenaldia Ander Manterolari Zeanurin
Joan dan maiatzaren 23an 90 urte bete ebazan Ander Manterola Eleizbarrutiko abadeak omenaldia jasoko dau bihar Zeanuri bere jaioterrian. Andra Mari parrokian eguerdiko 11:30etan ospatuko dan Meza Nagusian gogoan izango dabe.
Abadegintzaren Titanio, Platino, Diamante eta Zidarrezko Ezteguen zuzeneko emonaldia
Bilboko Eleizbarrutiak hainbat abade eta fraileren abadegintzaren urteurrenak ospatzen dihardu. On Joseba Segura gotzaina buru dala ospatuko dan Eukaristia 12:30etan izango da Begoñako basilikan eta zuzenean emongo da web honetan.
Eguenez, abadegintzen urteurrenak ospatuko dira
Beste urte batez, pastoral ekiturtearen amaieran eleizbarrutiko hainbaten abadegintzaren urteurrenak ospatuko dira. Aurton, 1954an abade egin ziranek Platinozko Ezteguak ospatuko dabez. 1964. urtean abade egin ziranek Diamantezko Ezteguak, 1974. urtean abade egindakoek Urrezko Ezteguak eta 1999. urtean ordenatutakoek Zidarrezko Ezteguak. Ospakizuna Begoñan izango da datorren …
Erretiroa Eleizbarrutian Felix Larrondo bikarioak gidatuta
Gitxi falta da Ministerio Ordenaturako Idazkaritzak kurtsorako prestatutako egitaraua beteteko. Datorren eguenez, maiatzak 9, Eleizbarrutiko abade eta diakonoek erretiroa egingo dabe, Felix Larrondo VI. bikaritzako lurralde bikarioak gidatuta. Ekitaldian gotzainak be parte hartuko dau eta Begoñako Gogarte Etxean ospatuko da.
"Joan Maria Uriarte: bizitza bete-betea"
Joseba Segurak, Donostiako gotzain erretiratuaren heriotza dala-eta Komunikabideetarako Bilboko Eleizbarrutiko sailari eskainitako alkarrizketan, "bere aita espiritualak" itzi dauan ondarea nabarmendu dau. On Joan Maria Uriarte gotzainaren hil-kapera zabalik egongo da bihar arratsaldeko bostetatik asteleheneko hiru ta erdiak arte, Begoñako Gogarte Etxean. Bilboko gotzaina …
Gotzaina Hanoira doa Berriotxoako San Balentinen erlikia eroatera
Bihar martitzena, Joseba Segura gotzaina Vietnamera joango da Hota Bui vietnameko abadeagaz batera. Santutxun urte batzuetan abade modura egon da berau. Emote ekitaldia abuztuaren 23an egingo da, So Kien santutegi nazionalean egingo dan ospakizunean. Bestalde, Bizkaiko eleizeak Vietnamera bialdu dauz Elorrioko domingotarren komentuan San Balentin agertzen dan margo baten erreplika bi.
Hiru iturri gehiago jarri dabez Begoñako basilikaren inguruetan
Bilboko udalak hiru iturri gehiago jarri dauz Begoñako basilikaren inguruetan gaur bero handia egingo dauala-ta. Euren arteko bi Begoñako kofradiak jarrita daukan karparen ondoan dagoz. Hirugarrena, Juan XXIII plazan. Gaur milazak izango dira Bizkaiko zaindariari bisitea egingo deutsienak. Eleizea zabalik egongo da gau osoan, Begoñako Kofradiak zainduta. Meza Nagusia, gotzaina buru dala, 12:00etan izango da.
Gaueko II. erromesaldia Areetatik Begoñara
Abuztuaren 15ero gertatzen dan modura, milazak lagun joango da Begoñako basilikara eta inguruetara Amatxuren debozinoak eraginda. Guztira 15 meza ospatuko dira egunean zehar, lehenengoa goizeko lauretan. Urtero errepikatzen dan ohikunea gaueko erromesaldiena da. Igaz lehenengoz egin za Areetan antolatutakoa. Parrokoak, Fernando Marcosek,erromesaldiaren inguruko zehaztasunak emon deuskuz.
Hitzordu bi bihar Amatxugaz: itsas prozesinoa eta zirkuaren bisita
Bihar, abuztuak 14, Bilboko itsasadarrean Bizkaian dagozan erlijio ohikune berezien arteko aparteko bat egingo da. Bosgarrenez, Begoñako Amabirjnearen itsas prozesinoa egingo da. Begoñako kofradiak antolatutako erromesaldia goizeko 10:00etan atarako da Santurtziko portutik. Arratsaldez, Begoñako basilikan zirkuaren bisitea jasoko dau Amatxuk. Alkatea be egongo da ekitaldian. Hitzordu bi 15eko jai handia prestetako.
Oroimen Demokratikoaren legearen ondorioak udan
Oroimen Demokratikoaren Legea dala-eta, Bizkaiko Eleizaren Historia Artxiboan bateo-agiriak eskatzen dabez orain be atzerritik. Lege honi esker, gure kasuan, Bizkaian jaiotako aitite-amamak edo birraitite-birramamak dabezala, eta dalako une batean atzerrira joan behar izan ebela, ziurtatu leikienek herritartasun bikotxa jadesteko aukera dabe. Artxiboan eskabideen gehitzea igarri dabe. Batazbeste egunero 35 bat heltzen dira.
Lan mundua eraldatzeko ekintza zehatzak
Maite Valdivieso, Imanol Zubero eta José Luis Iglesias (Pepelu), izan dira, besteak beste, HOACek antolatutako udako ikastaroetako hizlari batzuk.«Ante las nuevas vulnerabilidades en el mundo del trabajo: nuevas sensibilidades y respuestas» izan da Madrilen burutu diran ikastaroen izenburua.
Gaur hasiko da Goiuriko Andra Mariaren aldeko hirurrena
Goiuriko auzoak domekan barriztau eban aspalditik datorren ohikunea. Goiuriko Andra Mariaren irudia prozesinoan eroan eben urtean zehar egoten dan baselizatik parrokiaraino. Bidean zehar errosarioa errezau eta abestu egin eben. Ostean, hitzaren ospakizuna egin zan. Gaur hasiko da hirurrena. Abuztuaren 15ean barriro eroango da irudia bere ohiko tenplura.
Bermeon kanpai-hotsak eta prozesinoa galarrenea gogoan
1912ko abuztuaren 12a egun tamalgarria izan zan ehun arrantzale eta honeen familiartekoentzat. Goizean eguraldi ona egin eban arren, arratsalderako haizea hasi zan eta lainoak agertu ziran. Batzuk, galarrena arriskua egoala-ta portura bueltetea erabaki eben baina beste batzuk, ez eben sinistu. Tamalez, azkenean be enbata itzela etorri zan. Bihar gertaera hartan hildakoak hartuko dira gogoan barriro Bermeon.
Bizkaiko klaratarrak, euren egunean
Basurtu eta Durangoko klaratarrek Santa Klara eguna ospatuko dabe gaur. Durangon, goizeko 9etan eukiko dabe mezea eta ondoren, gaurko eguneko ohiko ogitxo bedeinkatuak banatuko dabez. "Arriaundi ogitegiko Maribeli eskerrak emoten deutsaguz gaurko egunerako ehundazak ogitxo oparitzen deuskuzalako", dino Olatz Arrutik Santa Isabel eta San Antonio komentuko klaratarrak.
Pertseidak eta Erregelak San Lorentzo egunez
Gaur Eleizeak San Lorentzo gomutatzen dau. Lehenengo ekonomoa eta artxibozaina izan zan. III. mendean kristinauen kontrako jazarpenean erahil eben.Bizkaian asko dira santuaren izeneko eleizak eta ermitak be. Gaur, adibidez, Gernikako Lurrgorri auzoko San Lorentzo ermitan mezea egongo da 12etan eta ondoren, Elai Alai dantza taldeak ohiko Erregelak dantzatuko dauz.