Barriak
Etiquetado como: Abadea
Eguenez, abadegintzen urteurrenak ospatuko dira
Beste urte batez, pastoral ekiturtearen amaieran eleizbarrutiko hainbaten abadegintzaren urteurrenak ospatuko dira. Aurton, 1954an abade egin ziranek Platinozko Ezteguak ospatuko dabez. 1964. urtean abade egin ziranek Diamantezko Ezteguak, 1974. urtean abade egindakoek Urrezko Ezteguak eta 1999. urtean ordenatutakoek Zidarrezko Ezteguak. Ospakizuna Begoñan izango da datorren …
Erretiroa Eleizbarrutian Felix Larrondo bikarioak gidatuta
Gitxi falta da Ministerio Ordenaturako Idazkaritzak kurtsorako prestatutako egitaraua beteteko. Datorren eguenez, maiatzak 9, Eleizbarrutiko abade eta diakonoek erretiroa egingo dabe, Felix Larrondo VI. bikaritzako lurralde bikarioak gidatuta. Ekitaldian gotzainak be parte hartuko dau eta Begoñako Gogarte Etxean ospatuko da.
"Joan Maria Uriarte: bizitza bete-betea"
Joseba Segurak, Donostiako gotzain erretiratuaren heriotza dala-eta Komunikabideetarako Bilboko Eleizbarrutiko sailari eskainitako alkarrizketan, "bere aita espiritualak" itzi dauan ondarea nabarmendu dau. On Joan Maria Uriarte gotzainaren hil-kapera zabalik egongo da bihar arratsaldeko bostetatik asteleheneko hiru ta erdiak arte, Begoñako Gogarte Etxean. Bilboko gotzaina …
"Heriotza, bIzitzako aldi natural lez hartu behar dogu"
Santurtziko San Juan de Dios ospitaleko 'Hobeto zaintzeko' Institutuko zuzendari dan Jacinto Batiz medikuak gidatu dau gaur Bilbon Ministerio Ordenatuari zuzendutako saioa. "Biziaren azkena: Bioetika, zaintza aringarriak eta akonpainamendua" goiburuaren haritik, kultura aringarrien inguruan jardun dau: "nire ustez, gure gizartean, jenteak ondo daki zer dan medikuntzaren …
Elezkanok Bilbon abestuko ditu disko barriko abestiak
Bermeoko abade, musikagile eta abeslariak Bizkaia Irratia eta Radio Popular-Herri Irratia hedabideei eskainitako alkarrizketatan emon ditu ezagutzera 'Txori kantari' diska barriaren nondik norakoak. Eleizako homilietatik harago helarazo gura dituan mezuak musikaz jantzi eta jentaurrean aurkezen dauan hamalaugarren diskoa da. Askotariko gaiak ikutzen ditu: bidegabekeriak, osoko …
Luis Alberto Loyo abadeak gidatuko dau bihar erretiroa ministerio ordenatuarentzat
Bihar -urriak 19, eguena-, ministerio ordenatuak kurtsoko lehenengo erretiroa ospatuko dau Begoñako Gogarte Etxean, 10:00etatik 14:00etara. Bihar, Santiago katedraleko dean eta Alde Zaharra Pastoral Barrutiko (PB) arduradun dan Luis Alberto Loyo abadeak gidatuko dau erretiroa. Ostean, alkarregaz bazkaltzeko aukera izango dabe eta horretarako ezinbestekoa da izena emotea, 94 …
Jose Mari Rementeria, euskerazko kristau-ikasbideen ikerketaren zale amorratua zan abadea hil da
Gaur goizean hil da Bilbon Jose Mari Rementeria Ibarlucea Eleizbarrutiko abadea, 83 urte ebazala. Bere arimaren aldeko hileta-eleizkizuna bihar -eguaztena- ospatuko da Ondarroako Andra Mari parrokian, 19:00etan.
Jose Luis de la Fuente abadea hil da, "lagun ona eta gazteen ondoan egoten ekiana"
Atzo -eguena-, Jose Luis de la Fuente Alvarez Eleizbarrutiko abadea hil zan Areetan, 90 urte ebazala. Bere arimaren aldeko hileta-eleizkizuna datorren astelehenez, irailak 11, ospatuko da Areetako Mesedetako Ama parrokian, 19:00etan.
Iñaki F. Capetillo hil da, gizon adeitsu, hurkoa eta beti besteez arduratzen zana
Atzo -uztailak 17, astelehena-, Iñaki Franco Capetillo Eleizbarrutiko abadea hil zan Bilbon, 90 urte ebazala. Bere arimaren aldeko hileta-eleizkizuna gaur arratsaldeko zazpietan ospatuko da Sopuertako Mercadilloko parrokian, Kerman Lopez Eleizbarrutiko bikario nagusia buru dala.
Gotzaina eta azken ordenatuak, Nafarroan
On Mario Izeta Bilboko gotzain zanetik ohitura bihurtu da kursoaren amaieran gotzainak eta Eleizbarrutiko azken ordenatuek pare bat eguneko konbibentzia egitea. Aurton, hain zuzen be, hogei lagun inguruko taldea Nafarroara joan da.
Garizuma eta Pazkoa Jesusegaz, Playmobil irudiez, Plentzia
Garizuma-aldiaren hasieratik dago ikusgai Plentziako Andra Maria Magdalena parrokian (Uribe Kosta behekoa PB) Playmobil irudiez egindako Garizuma eta Pazkoaren irudikapen berezia: "Garizuma Jesusegaz eta Pazkoa Jesusegaz".
Emakumeen omenezko ekitaldi hunkigarria Balmasedan, Santanderren hildako gaztea gogoan
Hunkidura, aldarrikapena eta oroimena buztartu ziran atzo Balmasedako Klaret antzokian egin zan ekitaldian. II. bikaritzak eta Langile Pastoraltzak, Emakumearen Nazinoarteko Egunaren inguruko jarduera antolatu eben eta, lehenengo aldiz, uriburutik kanpo egin zan. Atsekabea izan zan nagusi bertaratutakoen artean, aste honetan Santanderren gertatutako zoritxarreko ezbeharra dala-eta, bertan Xabi eskualdean estimu handian eukien 21 urteko mutila eta beste bost lagun hil ziran-eta, bi Barakaldokoak.
Erlejino-musikako kontzertua bihar, Begoñan, Txipli-Txapla zortzikotearen eskutik
Orain dala 24 urte hasita, Begoñako kofradiak erlejino-musikako kontzertua antolatzen dau Garizumako bariku baten Begoñako Andra Mari bere zaindariari eskeinitako santutegian. "Miserere" ekitaldi kultural eta erlijiosoa ohiko bihurtu da Aste Santuaren aurreko asteetan. Hogeta laugarren ekitaldi honetan,1996an sortu zan eta gehien bat Abokatutzaren Bizkaiko Kolegioko kideez osotuta dagoan Txipli-Txapla zortzikotea izango da protagonista, Karmele Barrenaren zuzendaritzapean.
Asteburuan, musika eta alkartasuna
Datorren zapatuz, martxoak 7, "Etorkizuna musikatan" ume eta gazteen orkestraren emonaldia izango da Zurbaranbarri auzoko Goiuriko Andra Mari parrokiako lokaletan. Arratsaldeko 18:00etan hasiko da ekitaldia, Norai taldean musika landuz, ahuleziazko egoeran edo gizarte bazterketa jasateko arriskuan dagozan neskato, mutiko eta nerabeen bizitza eraldatzea helburutzat dauan irabazi-asmo bako alkartearen aurkezpenagaz. Kontzertua bera, 19:00etan hasiko da. Sarrera doan da eta diru-laguntzak egin daitekez.
Bihar bistaratuko da Balmasedan Enkarterriko emakumeen arrastoa
Gotzaina izango da bihar Klaret antzokian, 18:30etan ospatuko dan ‘Lorratz biziak - Huellas en comunidad’ ekitaldian. II. bikaritzak eta Langile Pastoraltzak antolatutako ekitaldiak azken hamarkadetan lan, gizarte eta eleiz aldaketa sakonak bizi izan dituan Enkarterriko landa-eremuko emakume langileengan jarriko dau arreta.
"Hegoaldeko Ahotsak" Eleizbarrutietako Misinoen kanpainan
“Alza la mirada/Ikus haratago” goiburuaren haritik ospatuko da aurton, martxoaren 15ean -domeka-, Euskal Eleizbarrutietako Misinoen Eguna. Misinoetarako Ordezkaritzatik hainbat jarduera sustatzen dihardue misino-sentsibilizazinorako, besteak beste, "Hegoaldeko Ahotsen" lekukotasunak eskeiniz. Cojimiesiko Ketty Vidal, San Isidroko Karina Veliz eta Kenyako Kaikorreko misinoan diharduan Matilde Rivera ekuadortar emakumeak dira ahots horreek eta hilabete emongo dabe Gasteiz, Donostia eta BIlboko eleizbarrutietan, Ekuador eta Kenyako alkarteetan egiten daben lana eta euren bizipenak batera …
'Vedruna' kongregazinoaren 200. urteurrena
1826an, Santa Joaquina de Vedrunak, "ume eta gazteen heziketa guztiz preminazkoa zala jabetuta", Karitatearen Karmeldar Ahiztak kongregazinoa sortu eban, kristau emakumearen heziketa beren-beregi helburutzat hartuz. Ordenak bere bigarren mendeurrena ospatzen dihardu eta hori ospatzeko ekimenen artean, joan dan atean Eukaristia ospatu eben Indautxuko Karmengo Ama parrokian, On Joseba Segura gotzaina buru zala.
Zine-foruma "Semillas de Kivu" pelikulagaz, Indautxun
Euskal Eleizbarrutietako Misinoen kanpainaren testuinguruan, “Semillas de Kivu” dokumental zirraragarriaren inguruko zine-forum a egingo da datorren martxoaren 18an, 18:30etan, Indautxuko Karmengo Ama parrokiako areto nagusian. Dokumentalean, Kongoko Errepublika Demokratikoko ekialdean, urteak joan, urteak etorri, indarrean dan gatazka armatuaren erdian zuzentasun, duintasun eta itxaropenaren alde borrokatzen diharduen emakumeen errealitatea agertzen da. Sarrera doan.
Gazte-jentea martxan da
III. eta VII. bikaritzetako gazte-jentearen BIka Eguna, Ekintza Katoliko Orokorreko gazteen konbibentzia Altsasun, eleizbarrutiko ordezkaritza partaide dala, kurtso honetan, Portugaleteko Ama Lur eta Andra Mari, Sestaoko Gaztederrak eta Bilboko San Vicente taldeek bazterketa-egitasmoaren ibilbidea egiten dihardue
Mungialdeko emakumeek eskualdeko ospakizunen etorkizuna eztabaidatu dabe
Mungialdeko parrokietako erreferenteak eta Jaunaren Eguneko ospakizunetan gidari-lanetan dabiltzan pertsonak batu ziran joan dan zapatuz Meñakan. Azken 30 urtez parroko izan dan Txabi Ikobaltzetak erretiroa hartuko dau laster eta aitatutako batzarrean hemendik aurrera ospakizunen kontua antolatzeari begira proposamenak egiteko antolatu zan batzarra. Felix Larrondo lurralde bikarioak, Txabi Ikobaltzetak berak eta Roberto Jauregibeitiak be parte hartu eben.