Juan Martin Askaiturrieta klaretar fraileak gaur egungo munduan biziera erlijiosoak, fraile edo monja izateak, dauan zentzunari buruz jardun dau, aste honetan Bilbon dala aprobetxatuz, egin jakon eta Eleizbarrutiko aldizkariaren otsaileko alean jasoko dan alkarrizketan.
Onartzen dau, abusuen auzia eskandalagarria izan arren, ekintza positiboak negatiboak baino gehiago dirala erlijiosoen artean. Zentzu horretan, “zentzun guztia dauka gaur egun be biziera konsagaratuak” gizarte honetan.
Gogo-jardunak
Askaiturrieta pozik dago aste honetan gidatzen dabilen abade taldearen jarrereagaz. “Neuk be modu horretara, eurei emondako mezuak neuretzat aplikatu neikez”.
A. Juan Martin (46 urte), 1976.eko ekainaren 10ean jaio zan Donostian. 1995.eko irailaren 8an sartu zan Lojako nobizio-etxean (Granada). 1996.eko irailaren 14an egin eban bere Lehenengo Profesa, Donostian, A. Ramon Najarroren CMF eskuetan.
2003.eko ekainaren 7an egin eban Betiko Botoen Profesa Leioan, A. Joseba Kamiruagaren CMF eskuetan. 2006.eko urriaren 21ean abade egin zan Leioan, orduan Bilboko Eleizbarrutiko Gotzain eta Espainiako Gotzainen Batzarreko Presidente zan Mons. Ricardo Blazquez Perez Kardinal Artzapezpikuaren eskutik.
