Umeen eguneko ospakizuna Zornotzan

Datorren asteburuan, maiatzak 25 eta 26, Umeen Munduko Eguna (UME) ospatuko da, Frantzisko Aita Santuak deituta. Ekitaldi nagusia Erroman ospatuko da, baina munduko lekuko Eleiza guztietan ekitaldi hau sustatzeko eskatu da. Fede-zabalkunde eta Katekesirako Ordezkaritzaren barriak eta lagungarriak: hemen. Frantzisko Aita Santuak neskato eta mutikoei bialdu deutsen gutuna aintzat hartuta, atzo kurtsoko azken familia meza ospatu zan Zornotzako Andra Mari eleizan, "Umeak munduaren poza / Los niños la alegría del mundo" goiburuaren haritik.

“Familien POZA zarie, munduaren POZA, Eleizaren POZA” dinotse Frantzisko Aita Santuak bere mezuan neska-mutikoei.

Atzo Zornotzan ospatu zan Eukaristian, Jesusek emoten dauan POZA “euren inguruan, anai-arreben artean zabaltzeko eta Jesusek emoten deuskun maitasuna agertzeko” eskatu jaken umeei.

Umeek “Poza” hitza osotu eben.

Meza amaitzeaz batera, parrokiako lokaletara joan ziran eta Ana Rosa eta Jorge Luis kontu-kontalarien saioaz gozatu eben. Ana Rosa Barrios izan zan 2023.eko martxoaren 8ko “martxoak8emakume” ekitaldian Eleizbarrutiaren autormena jaso eben emakumeetako bat.