Noticias

Bilboko gotzainak ohar bat kaleratu dau `Gaztelueta kasua´ deritxonaren inguruan. Bertan azaltzen dauanez, Aita Santuak 2014an izan eban Gaztelueta eskolako irakasle baten kontra jarritako abusu salaketen barri. Harrezkero, hurretik jarraitu dauz bai Eleizeak zein Auzitegiek kasuaren inguruan hartutako ebatziak. Orain, prozesu kanonikoa zabaltzeko agindu dau erantzukizunak argitzeko eta sortutako zauriak osatzen laguntzeko.

Bizkaiko 13 parrokik baiezkoa emon eutsien ekonomia arloak egindako proposamenari igazko ikasturtean. Guztiak be proba piloto baten sartu ziran ardurakidetasuna sustatzeko asmoz. Asteburu honetan, orduan hasitako bideari berrekingo deutsie eta zazpigarren informazino boletina jasoko dabe elizkizunetarako. Honetan, Aita Santuaren mezua, beste informazino batzukaz batera txertatzen da. Horrez ganera, bideo bat be zabaltzen da gehigarri modura. Honetan Kerman Lopez bikario nagusia azaltzen da ekiturte hasierako jardunaldira konbidatuz.

La Escuela Universitaria de Magisterio Begoñako Andra Mari comenzó los primeros días de septiembre la actividad académica con las sesiones de acogida del alumnado de 1º. Un total de 210 nuevos estudiantes de grado se suman a los más de 600 que ya cursan los Grados de Educación Primaria, Infantil y Doble Grado que imparte BAM actualmente en su campus en Derio.

Gotzainak ondo etorria adierazo deutso Felix Larrondo kontseilari barriari, Eleizbarrutia agurtu dau eta joan dan abuztuan Ekuadorren hil zan Johnny Vargas abadea gogoratu dau.

Ukrainaren aldeko otoitz eguna ospatzen da gaur Europan. Bilboko Elizbarrutiko Liturgia Ordezkaritzak gaurko egun honegaz bat egiten dau eta aurreko domekarako prestautako herri-otoitzean "Ukrainaren eta munduko bakearen alde" otoitz egiteko eskabidea luzatu eban.

Irailaren 24an ospatuko da ‘Goazen’ pastoral kurtsoari hasiera emoteko ekitaldia eta aurretik, hain zuzen be gaur, Gotzain Kontseiluak ekiturteko lehenengo batzarra ospatuko dau On Joseba Segura gotzaina buru dala. Hainbat bai jorratuko dabe, besteak beste, Ebanjelizatzearen Eleizbarrutiko Egitasmoa (EEE) martxan jartearena, eta harrera egingo deutse orain arte VI. bikaritzako bikario izan dan eta Eleizbarrutiko Seminarioko errektore izendatu daben Ignacio Fernandezen lekua hartuko dauan Felix Larrondori.

EBI hezkuntza sareko 11.000 ikasle baino gehiagok eta 1.000 profesional inguruk eskola ikasturte barria hasiko dabe egunotan; nagusiki, normaltasunerako itzulera da ikasturte honen protagonista, pandemiagaitik kaltetutako ia hiru ikasturteren ostean. Aldi berean, eskola ikasturte barriak ikastegien berariazko dinamikak berreskuratuko dauz, azken hilabeteotan EBI sarean egin dan legez.

Egunokaz, irailaren 10etik 14ra, Herbeheretan, Europako Teologia Liburutegian Urteko topaketea egiten dihardue. Bertan dago Jaime Lopez de Eguilaz, Bilboko Elizbarrutiko Liburutegikoa, Espainiako Eleizako Liburutegien Alkartearen ordezkari modura. Han, urteko txostena aurkeztu dau beste herrialdeetatik egin daben modura. Helburua, sarean sakontzen joatea eta alkarragaz bidea egiten jarraitzea da.

Irailaren 24an emongo jako hasiera kurtsoari “La fuerza del testimonio – Lekuan lekuko” VI. EEEtik hartutako goiburuaren eta honi lotutako Egingo dozue autormen, ze, hasieratik Neugaz zagoze (Jn 15, 27)  Bibliako txatalaren haritik ospatuko dan ‘Goazen!’ jardueragaz.

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org