Noticias

Gotzon Goioaga uztailaren 28an hil zan eta bere arimaren aldeko mezea bihar –domekea- ospatuko da Otxandion, 12:30etan. Abuztuaren 8an hil zan Johnny Vargasen aldeko oroimenezko meza datorren zapatuz, irailak 10, ospatuko da eguerdiko 12:00etan, Gurutzetako parrokian.

Azken hamar urteotan ordenatu diran Bartzelonako artxidiozesiko 30 abade bisitan izan dira Bilboko Eleizbarrutian abuztuaren 29tik irailaren 2ra, pandemiak eragindako urte biko etenaldiaren ostean urteroko erromesaldia berreskuratuta.

Web honetan jakitera emon dogunez, irailaren 24an emongo jako hasiera kurtsoari ‘Goazen!’ ekitaldiagaz. Biharamunean, irailak 25, kurtsoko lehenengo jardunaldiak izango dira: Bizkaiko parrokien eta Caritasen aldeko baterako kanpaina eta Etorkin eta Errefuxiatuaren Munduko Eguna.

Gaur Kreazioaren zainketaren munduko otoitz eguna ospatzen dau Eleizeak. Horren harira, Gotzain Konferentziatik mezu bat kaleratu dabe. Honetan, krisi energetikoa, bakea, eta kreazioaren zainketen harteko harremanen inguruan hausnartzen dabe.

“Goazen 2022” jesuitek Indautxun daben ikastetxean ospatuko da irailaren 24an, zapatu goizez. Gaurtik aurrera izena emon daiteke goizeko topaketan zein bazkarian parte hartzeko. Datorren aslelehenetik, irailaren 5etik aurrera egongo da webgune honetan hurrengo Ebanjelizazino Planaren testua ikusgai.

Dimostarra jaiotzez, 94 urte ebazala hil da Narciso Abasolo. Hainbat parrokia eta alkartetan egondakoa izan da. Besteak beste, misiolari modura egon zan Sao Paulon (Brasilen) zortzi urtez. Bestelakoetan, Plentzian, Arizen, Otxarkoagan, Birjinetxen, Santos Juanesen eta Enekuriko Fatimako alkarteetan be badaukie bere barri, Parrokia guzti horreetan egon zan eta Seminarioko irakaslea be izan zan 1959tik 1964ra. Ezagutzen izan dabenek dinoe persona ona, ordenadua eta batez be ezaugarri bat eukana zala: beti eroian korbatea. 

Como cada miércoles último de mes, hoy tendrán lugar los “Círculos de Silencio” para "denunciar unas políticas injustas que disminuyen derechos fundamentales de las personas en situación de movilidad humana forzosa, y para dar voz a quienes no pueden ser escuchados y son silenciados". Los “Círculos de Silencio” se realizarán simultáneamente a las 19:30 h en Bilbao, Galdakao, Durango, Balmaseda, Portugalete, Barakaldo y Getxo. En Bilbao se traslada de la plaza del Arriaga al Kiosko del Arenal.  Este mes el Círculo se organiza desde los GRUPOS INTERCULTURALES, con el apoyo …

Mari Carmen Ruiz hirugarrenez izentau dabe `Misioneras Seculares de Jesús Obrero´ deritxon seglarren erakundeko Zuzendari Nagusi. 14 Misiolari dagoz guztira Madrilen, Valladoliden, Barakaldon eta Perun aurrera daroezan ekimenetan. V. Asanblada Nagusian euren etorkizun eta erronken inguruan hausnartu dabe. Barakaldon 800 ikasle dagozan ` La Inmaculada´ ikastetxearen ardurea daukie. 

Pili Castro, Bizkaiko Caritaseko Nagusien arloko arduradunak kargu barria dauka ekainetik. Espainiako Geriatria eta Gerontologia Alkarteko Batzordearen partaide izentau dabe. Ardura eta erantzukizun barriak dakartzaz baina alkarrizketa baten adierazoten dauanez, pozik dago asko ikasi, ideiak alkarbanatu eta proiektu barriak martxan jartzeko aukerea eukiko dauelako. Caritasen bere orainarteko lanean jardungo dau aurrerantzean be. Bere asmoa, nagusiei esku bat botatea eta bakarrik sentizen diranei laguntzea da.

Balmasedako San Seberino parrokian bertan jaiotako Pedro de Asua y Mendia abade eta arkitektoaren aldeko mezea egongo da. Gaurko egunez, abuztuaren 29 batez hil eben, 1936ko gerra zibilean. Zortzigarren urtez jarraian ospatuko da bere aldeko mezea. Gaur eguerdian, 12ean izango da. Pastoralgintzan hainbat ekimen bultzatu ebazan eta arkitekto modura be guztiz lan garrantzitsuak egin ebazan. Entzutetsuena, Gasteizko seminarioa izan zan.