Noticias

Erraza da ‘bono denda’ erabiltea. Beherapen-txartelak dendan bertan trukatuko dira erositako gauzak edo jasotako zerbitzuak ordaintzean. Ezinbestekoa da NANa aurkeztea. Lagun bakotxak 5 bonu eskuratu leikez. Beherapenaz gozatu ahal izateko, erosketa-tiketa 30 eurotik gorakoa izango da.

Gaur Eleizbarrutiko Teologia eta Pastoraltza Institutuaren inaugurazino ekitaldia egin da. On Joseba Segura gotzainaren berbaldiak emon deutso hasierea ekiturtearen programazinoari. Atzo Institutuko zuzendariari, Carlos Garcia de Andoaini alkarrizketea egin eutsen Herri Irratian.

Atzo Bilbon, BBK aretoan proiektatu zan `Berpiztu´, Kepa Junkeraren bizitza batzen dauan pelikulea. Lekeition, Ikusgarri aretoan, Benito Ansola abadearen bizitzearen nondik norakoak jasoten dauazan pelikulea aurkeztu zan Zine Bileraren barruan. Bata eta bestea be, Bizkaiko eta Euskadiko bizitza kulturalaren eragile. Sasoi eta bizimodu ezbardinetakoak baina maitasuna eta talentua beste batzukaz alkarbanatzen jakin izan dabenak biak be. 

Asteburuan, Ondarearen Europako Jardunaldietan, Busturia, Arrieta eta Bilbon izango dira jarduerak, besteak beste.

Bihar –urriak 22, zapatua-, Gorka Sierra musikagilearen lan biren lehen emonaldia gertatuko da Begoñako Basilikan. “Eli, Eli” eta “Los Andes” konposizinoak dira, biak ala biak 2021ekoak. Beste alde batetik, Ondarearen Europako Jardunaldietan, Indautxuko Karmeneko Ama eleizako organoa aurkeztuko da, honako hau 1967an eraiki zalarik maristen Bilboko ikastetxerako.

Hoy comienza el Festival de Cine de Lekeitio. Serán un total de 20 las películas que se proyectarán hasta el 23 de octubre en la 45 edición del único festival de estas características en euskera. Este año se incluirá por primera vez el `Gazte Saria´ con una cuantía de 750 euros y el público se encargará de elegir su película favorita. En el apartado oficial se proyectarán seis películas cada día. La primera de ellas, hoy a las 19 h., recoge la vida del presbítero Benito Ansola, alma máter e impulsor del festival. En esta edición se rendirá un homenaje al actor Ramón …

Aita Nicolas Greko-katoliko ukrainarren ordezkariz izan zan partaideetako bat eta honek kristau guztien otoitzean agertzen dan errealidadea ezagutarazo eutsen.

Bilboko Eleizbarrutiaren Ebanjelizazino Plana lurraldeetan lantzeko karta-jokoa mogitan hasi da. Orain Plana lurraldeetan, bakotxak bere errealidadean, lantzeko epea zabaldu da. Zapatu honetan adibidez, IV. eta V. bikaritzetan jardunaldi berezia prestau dabe. `Goazen txiki´ deritxona antolatu da goizeko hamarretan hasi eta 13:30ak arte. Bertan, Ebanjelizazino Plana aurkeztuko da eta tokian tokiko lehentasunak markauko dira. Horretarako, karta-jokoaren dinamikea erabiliko da.

Zabalik da Bilboko metroan “Conecta pobreza” deitutako erakusketa. Lehenengo geltokia zabalik egongo da urriaren azkenera arte, Santutxun eta, datozan hilabeteetan, Bilboko metroko beste hainbat geltokitan bisitatu ahal izango da.

Gaur bularreko minbiziaren kontrako munduko eguna gomutatzen da. Agate Deuna erizainen zaindaria eta gatx hau debenen babeslea da. Gure Eleizbarrutian Barakaldon dago berari eskainitako tenplu bakarra. Ermita bat baino gehiagok daroa bere izena: Gordexolan, Zeanurin, Diman, Izurtzan eta Natxituan. Desagertuta dagoz beste toki batzuetakoak, Karrantzan, Sopuertan edo Abadiñon adibidez.