“Atzo bidaia, arazo barik, dana ondo”, dino Bittor Madariaga Fede-zabalkunde eta Katekesirako Ordezkaritzako gazteen saileko kide eta taldeko laguntzaileak. Bere esanetan, “hara heldu eta boluntarioak arduratu ziran harreraz eta antolaketaz. Talde txiki bitan banatuta gagoz leku bitan”.
Atzoko egunez, harreraren ostean, otoitz egin eben eta aurkezpen-jolasak burutu ebezan, Gaur, bisitaldi turistikoak egingo dabez inguruan, besteak beste, bainuetxe bat ikusteko.
On Joseba Segura gotzainak uztailaren 29an egingo dau bat Bilboko Eleizbarrutiko taldeagaz.
Uztailaren 30ean -domekaz- atarako dira Eleizbarrutiko gainerako partaideak. Hainbat leku eta taldetako pertsonak dira bidaian doazanak, esate baterako, mobimentuetakoak: Eskaut, Hakuna, Effeta, JOC…; parrokietako taldeetakoak: Abando-Albia, Basauri, La Peña, Mesedetako Ama, Orozkoko San Migel, Tabira, Lea-Artibai, Oiz-Anboto, Sestao, Barbealde, Sopelana, Getxo-Algorta, Karmeneko Ama; Sortze Garbia ikastetxekoak, txinatar alkartekoak eta Eleizbarrutiko Seminariokoak, besteak beste. Eleizbarrutiko hainbat abade be joango da Portugalera.
Uztailaren 31an alkartuko dira Estorilen Espainiako hainbat lekutatik GMEan parte hartzera joan diran taldeak.
