Barriak

Datorren domekaz -martxoak 19, San Jose eguna- ospatuko dan Eleizbarrutietako Misinoen eguna dala-eta, Misinoetarako Begoñako taldeak azoka antolatu dau, honako eta antzeko jardueren bidez urte osoan laguntzen dabezan misino-egitasmoen alde. Kasu honetan, askotariko artista eta estiloetako margolanak jarriko dabez salgai. Azoka, basilikaren behealdean egongo da zabalik etzi –domeka goizez-, 10:00etatik 14:00etara.

Bihar -martxoak 18, zapatua- Arratialdeko, Lea-Artibaiko, Busturialdeko eta Durangaldeko gaztetxo eta gazteen eta herrialdeko eskauten taldeetako gaztetxo eta gazteek urteera izango dabe. Biltzarra San Fidel Eleizbarrutiko ikastolan eta Mesedetako Ama ikastetxean egingo da eta, 'Jesusegaz hobe' goiburuaren haritik, 400 gazte inguru batuko dala uste dabe.

Atzo -martxoak 15, eguaztena-, Marije Goikoetxea Giza Eskubideetan doktore, psikologo eta teologoak berbaldia eskaini eban "Zahartzea, espiritualtasuna eta zentzuzko bizitza" gaiaren inguruan, Areeta-Romo Pastoral Barrutian ospatzen diharduen Garizuma-aldiko ekitaldien barruan. Ehun eta hogei lagun inguru batu zan eta hizlariak bertaratutakoen jakin-mina biztu eta euren arrera erakarri eban. Fernando Marcos parrokoaren esanetan, "ekitaldi hunkigarria izan zan eta partaide askoren esanetan, bizitzako hainbat planteamendu berrikustera bultzatu ebazan".

Gizakiak Gordexolan dauan alkarte terapeutikoak gizarte erakunde laguntzaileetako hainbat ordezkariren eta herri eta eleiz agintariren bisita jaso dau gaur, Gotzone Sagardui Osasun-sailburua eta Joseba Segura Bilboko gotzaina buru izan diralarik. Orain dala 35 urte inguru hasita, mendetasunak dabezanei osoko arreta eskaintzen deutsen erakundeko zuzendari dan Estibaliz Barronek gidatu dau bisitaldia, barriztatu barri dabezan instalazinoak agertzera emonez, eta Kaidadearen Alabaei, Gordexola herriari eta zentroko beharginei esker ona adierazoz euren konpromisoagaitik. Erakundea, gainera, …

2023an, Euskal Eleizbarrutietako Misinoek (EEEEMM) 75 urte beteten dabez eta dagorren domekan, San Jose egunez, misino-eguna ospatuko da. On Joseba Segura Bilboko gotzain eta EEEEMMetarako gotzain ordezkariak mezua idatzi dau egun horretarako eta, besteak beste,1948.eko urriaren 12an, lenenengo zortzi misiolari hareek Eleizbarrutitik Ekuadorrera abiatau ziranekoa gogoratu dau: "garai hartan Bilbao, Donostia eta Gasteiz barne hartzen zituen Elizbarrutiaren, bereziki misio-jaiera handia bizi zuen Seminario haren, baterako gogoeta, zailtasun, amets eta gogo biziz beteriko ibilbide luzearen …

Martxoaren 12tik 14ra, bikarioentzako jardunaldiak ospatzen dihardue Malagan, Ebanjelizazino, Katekesi eta Katekumenotzarako Batzordeak, antolatuta. Estatu osoko 110 lagun inguru batu da eta Kerman Lopez bikario nagusia eta Sergio Buiza, Miguel Vera, Fernando Marcos eta Alex Alonso lurraldeetako bikarioak joan dira Bilboko Eleizbarrutitik. Ekitaldi honetan, Frantzisko aita santuak erromatar kuriari eta munduko Eleizari eskaini behar deutsan zerbitzuari buruz idatzitako Praedicate Evangelium konstituzino apostolikoaren alderdi praktikoak aztertu eta sakonduko dira.

Artagan Pastoral Barrutian (PB), batzarrak egiten ari dira Garizuma-aldian, hain zuzen be, eguaztenez, 19:45etan. Lehenengo saioan -martxoak 8-, Jaime Asenjo abadea izan zan hizlaria eta "Maria ebanjelioan" gaiaren inguruan jardun eban. Gaur, Enrique Franco basilikako arduradunak hitz egingo dau "gizarte sekularizatua" gaiaren haritik. Aurreko asteko saioa zein gaurkoa, basilikan dira. Hurrengo biak, ordu berean izango dira, hau da, 19:45etan, baina Uribarriko Berriotxoako San Balendin parrokian. Lehenengoan, martxoaren 22an, Jesus Llarena liturgiarako ordezkariak jardungo dau, "Liturgia …

Martxoaren 21ean, martitzenez, Bilboko Aste Santuko pregoia irakurriko da Santiago katedralean, 20:00etan. Luis Olaortua Setien Bilboko Kofradien Ermandareko presidente hautatu barria izango da aurtengo pregoilaria. On Joseba Segura Bilboko gotzaina buru dala ospatuko dan ekitaldia zuzenean ikusi ahal izango da web orrialde honetan eta 75. urteurrena ospatzen dauan Santiago Apostoluaren Kofradiako korneta eta danborren bandak jarriko dau musika.

Hogeta bederatzi bideoklip aurkeztu dabez 'Jazotakoa jaso' lehiaketaren VI. ekitaldi honetan. Aurton, Kultur Erakundeen Mahaiak proposatu dauan gaia, Eleizbarrutiko ikastetxeak (EBI) kokatuta dagozan herrietako eleiz msika, dantza eta jaien ingurukoa da. Aukera ederra, beraz, Bermeoko, Bilboko, Elorrioko, Gernikako, Markinako, Muskizeko, Ondarroako, Ortuellako, Santurtziko, Sodupeko, Sopuertako edo Zeanuriko ikastetxeek, teknologia digitalak kultur ondareari lotutako edukiez hornitu daiezan.

2023an, gure Eleizbarrutietako Misinoen 75. urteurrena ospatzen da eta, urtean zehar, hainbat jarduera eta ekitaldi izango da hori gogoratzeko eta ospatzeko. Esate baterako, bihar, martxoak 15, topaketa egingo da arratsaldeko seietan Barria eraikinean (Plaza Barria, 4). Feli Martinek deialdian azaltzen dauanez, "aukera ona da bidelagunakaz bat egiteko, Misinoetako kide izan zarien, gaure egun zrien eta etorkizunean be izango zarien pertsona leialen konpromisoa eskertzeko eta autortzeko".