28-03-2024 Jueves, semana - semana santa
Bizkeliza 5 Gaurkotasuna 5 Barriak ( Page 16 )
 

Barriak

Etiquetado como: Familia

Barri-bilatzailea
-(r)en araberako bilaketa “...” Aurkitu dira 1019 Emaitzak.
-(r)en arabera ordenatu
02.02.2024

Bizkaiko lekaide eta lekaimeek euren eguna ospatzen dihardue

Gaur, otsailak 2, Jaunaren Aurkezpenaren eguna, Biziera Sagaratuaren Munduko XXVIII. Eguna ospatzen da. Bizkaiko 970 lekaide eta lekaimek euren eguna ospatuko dabe. CONFER Bilbaok antolatuta, Eukaristia ospatuko da, On Joseba Segura gotzaina buru dala, arratsaldeko 19:00etan, Jesusen Bihotza eleizan (Bilboko Ayala kalea, jesuiten egoitza). Bilboko Eleizbarrutian, emakumeen 86 komunitate dagoz eta gizonen 40 komunitate. Gehienak, hain zuzen be 65, uriburuan dagoz. Biziera sagaratua hainbat eremutan agertzen da: ikastetxeak, gizarte ekintzarako egitasmoak, nazinoarteko lankidetza, e.a.

01.02.2024

Bilboko Koral Elkartearen kantu liturgikoen hirugarren bilduma

Gaur, otsailaren 1ean, Bilboko Koral Elkarteak gotzainari eroan deutso `Kanta dagigun danok´ kantu sortaren hirugarren alea. Aurreko albumetan gertatu zan moduan, oraingoan be, grabazinoak Deustuko Unibertsitateko kapera gotikoan egin dira. Enrique Azurzaren zuzendaritzapean 50 kantarik hartu dabe parte proiektuan. Eurekin batera, Josetxo Brey bakarlariak eta Alberto Saez Puente, Gorka Iglesias eta Xabier Arana organo joleak. Azken honek aholkulari lanak egin dauz. Proiektua amaitzeko beste hiru diska gehiago kaleratuko dira. Era horretara, egutegi liturgikoa osotuta geratuko da.

01.02.2024

"Sorolla eta pintura erlijiosoari" buruzko berbaldia

Javier Novo Kontserbazino eta Ikerketarako Bilboko Arte Ederren Museoko koordinatzaileak berbaldia eskainiko dau gaur, 19:00etan, Bilboko Eleiz useoan. Otsailaren 29ra arte luzatu dan "Sorolla eta erlikiak" erakusketaren haritik programatutako jardueretako bat da. 

01.02.2024

'Alkarren Barri' aldizkariaren ale 'borobila'

Gaur argitaratu da hasi barri dogun hilari dagokion Alkarren Barri - Comunicación aldizkariaren alea multimedia edukiagaz. Azalean, 300 zenbakia osotzen daben hiru globok gaur kaleratu dan alearen zenbakia gogoratzeaz gainera, begirune eta esker ona adierazo gura deutse orain dala 34 urte lehenengo harria jarri eben eta gaur egun egitasmoari eusten deutsen norbanako, erakunde eta iragarleei. 

31.01.2024

Egun seinalatuak liturgia egutegian eta folklore erlijiosoan

Liturgia egutegian eta folklore tradizional erlijiosoan seinalatuak diran hiru egun ospatuko doguz. Barikuz, otsailak 2, Kandelerio eguna ospatuko da. Gernika-Lumon ohikoa danez, kandelak bedeinkatu ondoren umeak taldean atarako dira 'Kandelerio lerio' koplak kalez kale kantatzera. Kandelen bedeinkazinoa Andra Mari eleizan egingo da arratsaldeko zazpietako mezan. Otsailaren 3an, zapatuz, San Blas eguna ospatuko da, Bilbon eta Abadinon ospe handia dauan jaia. Uriburuan, San NIkolas eleizan bedeinkatuko dira kordoiak ordu erditik ordu erdira, goizeko 8:30etatik iluntzeko 20:00ak arte eta ordu …

31.01.2024

Gerrrak jasaten diharduen lurraldeak gogoratuko dabez 'Bizkaia isilik' bilkuretan

Gaur arratsaldeko 19:30etan, 'Bizkaia isilik' ekimenaren eskutik bilkura isilak egingo dira ohiko lekuetan, "euren bizilekuetatik derrigorrez mobidu behar daben pertsonen oinarrizko eskubideak urratzen dabezan bidegabeko politikak salatzeko". Bilbon, Arriaga plazan; Portugaleten, Gregorio Uzquiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpean; Balmasedan, San Severino plazan; Getxon, Telletxe plazan -metroaren ondoan- eta Zornotzan, Herriko plazan. 

30.01.2024

Itaka-eskolapioen Bakearen Astearen 40. urteurrena

1964tik hasita, urtarrilaren 30ean, Indarkeriarik ezaren eta Bakearen Eskola Eguna ospatzen da. Makina bat jarduera antolatzen da ikastetxeetan egun horren inguruan, besteak beste, Bakearen aldeko Astea eskolapioen Bilboko ikastetxean. Aurton, 40. urteurrena ospatzen dabela-eta, "Bakearen Aste berezia ospatu gura dabe. Horretarako, geletan eta Calasanz mobimentuan egiten diran ohiko heziketa-saioez gainera, jarduera bereziak antolatu dabez".

30.01.2024

Saioa eta kafea nagusientzat San Frantzisko Xabier parrokian

Abando-Albia inguruko pertsona nagusiak bihar, urtarrilak 31, batuko dira Bilboko San Frantzisko Xabier parrokian (2. solairua), batzar-kafean. Antolatzaileen esanetan, "partaideek, zahartzaroan agertzen dan hainbat konturi buruz jardungo dabe kafe baten inguruan". 

29.01.2024

Asteburuan, omenaldia, heziketa eta batzarrak

Joan dan barikuz ospatu eban Euskaltzaindiak batzar nagusia Donostiako Foru Jauregian, 2023an hil diran euskaltzainak, tartean, Jose Mari Rementeria bizkaitar abadea, gogoratzeko. Zapatuz, hainbat taldetako gazteak Barrian batu ziran heziketa-saioan, Pazkoaren garapenean. Zapatuan bertan, "kulturartekotasunezko lokarriak eratuz" topaketa ospatu zan Berrizko Barnezabalen. Atzo -domeka-, Bizian gora - VIda ascendente nagusien mobimentuak antolatuta, "nagusien espiritualtasuna" berbaldia ospatu zan Sestaon eta baba-jan solidarioa Abandoko San Bizente Martiria parrokiako lokaletan. 

29.01.2024

200 lagunetik gora Bika Egunean, Muskizen

Atzo -domeka- I. bikaritzako Bika Eguna ospatu zan Somorrostro ikastegian. Berrehun gaztetxo inguru eta euren begirale eta laguntzaileak batu ziran jardueran. "Alkarri fedearen poztasuna emoteko" batzen jarraitu daiela esan eutsen On Joseba Segura gotzainaren bisita jaso eben.