Barriak

Datorren eguen eta barikuz, milaka lagunek parte hartuko dau Begoñako Amatxuren erromerian. Bizkaiko zaindaria eta Umea jairako dotore jantzita dagoz arropa zuriz bederatzi egun aurretik. Bezperan, urriaren 10ean, 18:00 eta 19:00etan ospatuko dira mezak eta 21:00etan ospatuko dan azken mezaren aurretik, Jon Uriarte aurtengo ohorezko erromesak berba batzuk esango deutsez eleiztarrei. Urriaren 11an, On Joseba Segura gotzaina izango da buru eguerdiko 12:00etan ospatuko dan Eukaristian. 

Aurton urriaren 22an -domeka-, "Zoaze eta gonbidatu guztiak jai-otordura / Id e invitad a todos al banquete" goiburuaren haritik, ospatuko dan DOMUD egunaren inguruko kanpainaren barruan, bihar -urriak 9, eguaztena-, Isabel Matilla misiolariak Ekuadorren bizi izandako esperientzia batera jarriko dau. Berbaldia Barria eraikinean (Plaza Barria 4, 1.) izango da 18:00etan. 

Berrizko Mesedetako Misiolarien Institutuko 15 laikok euren konpromisoa barritu eben domekaz, Alex Alonso lurralde bikarioa buru zala Berrizko komentuan ospatu zan Eukaristian. 

Caritaseko Txorierriko kristau alkarteko bolunterioei autorpena jaso dabe Txorierriko Mankomunitataren eskutik. Hain zuzen be, saria emon deutse euren ibilbide eta ekintza solidarioagaitik, aspalditik ari dira-eta, egunero-egunero pertsona nagusiak bisitatzen, neskato-mutikoei eskola-laguntasuna emoten eta familia askori harrera-zerbitzua eskaintzen. 

Gaur, 'Triple A' talde terroristaren biktima izan zan David Salvadorri omenaldia eskaini deutse gaur Bilbon. Udalbatzak bere oroimenezko plaka ipini dau eta Bake eta Bizikidetzarako Bilboko Foroko eta Bake eta Adiskidetzerako Bilboko Eleizbarrutiko batzordeko kideek parte hartu dabe ekitaldian.

Joan dan irailaren 28an ospatu zan  Goazen! ekitaldiak emon etusan hasiera ofiziala Eleizbarrutiko pastoral ekiturteari. Asteburuan, Bizkaiko parrokia gehienak hasi dira ospakizunak ohiko ordutegietan egiten eta apurka-apurka martxan jarten ari dira katekesiak, talde-batzarrak, e.a...

Atzo ospatu zan afrikar alkartearen kurtsoko lehenengo Eukaristia. A. Roland eta A. Pierre Marie senegaldar alkarteko kideak izan ziran buru eleizkizunean. Gogoan izan eben A. Agustin Podkaren ama, oraintsu hil dana.

Filipinar alkarteak domekeroko Eukaristia ospatu eban atzo, joan dan astean ospatu zan Migrazinoetarako Munduko Egunaren ostean. Domekero batzen dira Eukaristia ospatzeko Romoko San Jose parrokian, 17:00etan, A. Julio Santiago lagun dabela. Atzo, Marije Calvo Migrazinoetarako Pastoraltzarako Eleizbarrutiko arduradunak parte hartu eban ospakizunean eta gaur egun Iruñan ikasten ari diran filipinar abade bik alkar-meza emon eben. 

Eleizbarrutiko diakonek euren  urteroko jardunaldia ospatu eben atzo. Joan dan barikuan izan eben atariko batzarra; Eukaristia ospatu eben On Joseba Segura Eleizbarrutiko gotzaina buru zala Begoñako Gogarte Etxean eta, ostean alkarregaz bazkaldu eben. Gainera, barikuz, Begoñako Andra Mari Irakasleen Unibertsitate Eskolako (BAM) XII. promozinoko ikasleen graduazino-ekitaldia ospatu zan Euskalduna jaruegian.

Goizean goiz izan genduan Luis Baraiazarra Markina-Xemeingo karmeldar alkateko frailearen heriotza eta minutu gitxiren buruan gure barruan zirrara sentitu genduan Martzel Andrinua pasiotarraren heriotzaren barriagaz. Fraile biok eredu izan dira euskal kulturan eta biak ala biak nabarmendu ziran fedearen eta euskeraren arloan. Lehenengoak lan klasikoak itzuli ebazan batez be, santuek idatzitakoak. Bigarrena, bertsogile handia zan eta ez zan sekula bere bertsorik falta izan Bizian gora nagusien mobimentuak antolatze ebazan bidaia eta topaketetan. Baraiazarra zein Andrinua Euskaltzaindiako …