Barriak

Indautxuko Karmeneko Ama parokiako areto nagusian ospatu da gaur  "Martxoak8Mujeres" autorpenaren VII. ekitaldia, eleizbarrutiko 8 emakume protagonista zirala beste askoren izenean. On Joseba Segura Bilboko gotzaina izan da buru saioan eta 8 arlo desbardinetako 8 emakumeri autorpena emon jake. Web honetan, zuzeneko emonaldia eskaini da. 

Gaur -martxoak 7, barikua- Emakume Langilearen Nazinoarteko Egunez, Bilboko eleizbarrutiak "martxoak8mujeres" ekitaldiaren VII. ekitaldia ospatuko dau. Autton, eleizbarrutiaren sorreraren 75. urteurrena dala-eta, ekitaldi berezia izango da. Hainbat bizigiro eta erantzukizunetan, historian zehar, alkarteetako emakumeek izan daben konpromisoa eskertuko da. On Joseba Segura gotzaina izango da buru 12:30etan Indautxuko Karmeneko Ama parrokiako areto natusian ospatuko dan eta web honen bidez zuzenean emongo dan ekitaldia.

Burgoseko Eleiz Probintziako -hementxe dago Bilboko eleizbarrutia- gotzainak batzartu dira gaur goizean. On Mario Izeta artzapezpiku metropolitano eta Bilboko aurreko gotzaina buru dala ospatutako batzarrean izan dira On Juan Carlos Elizalde Gasteizko gotzaina, On Mikel Garciandia Palentziako gotzaina, On Abilio Martinez Osma-Soriako gotzaina eta On Joseba Segura Bilboko gotzaina. 

Gaur, Hauts-eguna, arratsaldeko zazpietan hasiko da, On Joseba Segura Bilboko gotzaina buru dala, Santiago katedralean ospatuko dan eta Garizumari hasiera emongo deutsan Eukaristia. Eleizkizuna, zuzenean jarraitu ahal izango da web honen bidez. 

Gaur, Hauts-eguna, Garizumari hasiera emongo jakon egunez, Iruña eta Tuterako artzapezpikuak eta Bilbao, Donostia eta Gasteizko gotzainek idatzi daben "Eraman oneko erkatzea. 
Elizaren eta munduaren arteko harremana birpentsatuz" Pastoral Idazkia aurkeztuko jake eleiztarrei. Aldi esanguratsu honetarako gogoeta idatzi dabe gotzainek eta On Joseba Segurak lehenengo aldiz sinatu dau baterako pastoral idazkia Bilboko gotzain lez. Koldo Campo kazetariak alkarrizketa egingo deutso 'Egun on, Bizkaia' irratsaioan, 8:30etan. Zuzenean jarraitu daiteke irratiaren youtube kanalaren eta web honen …

Iruña-Tutera, Gasteiz, Bilbao eta Donostiako gotzainek Garizuma-Pazko liturgia-garaiari buruzko pastoral idazki barria aurkeztuko dabe gaur, martxoak 3, "Eraman oneko erkatzea" da bere izenburua eta  "Elizaren eta Munduaren arteko harremana birpentsatuz" azpititulua. Argitalpena euskeraz eta gaztelaniaz egongo da eskuragarri, eta eleizbarruti bakotxaren web orrialdeetan eskuratu ahal izango da.

Kerman Lopez eleizbarrutiko bikario nagusiak eta Sergio Buiza (I. eta II. bikaritzak), Fernando Marcos (III. eta VII. bikaritzak), Alex Alonso (IV. bikaritza) eta Jose Mari Kortazar (V. bikaritza) lurraldeetako gotzain bikarioek gaurtik eguaztenera arte -hilak 26- Alacanten ospatuko diran bikarioen jardunaldietan parte hartuko dabe.

Datorren martxoaren 7an, Emakume Langilearen Nazinoarteko Egunaren bezperan, Bilboko eleizbarrutiak 'martxoak 8 mujeres' autorpen-ekitaldiaren VII. ekitaldia ospatuko dau. Aurton, gotzaina buru dala ospatuko dan ekitaldia, berezia izango da. Bilboko Eleizbarrutiaren sorreraren 75. urteurrena dala-eta, Bizkaiko Eleizak alkarteetako emakumeek historian zehar askotariko bizigiro eta erantzukizunetan agertutako konpromisoa eskertuko dau. Emakume batzuk jarriko deutse aurpegia bere berariazko karisma eta gaitasunetatik Bizkaiko gizartea gehiago eta hobeto zerbitzatu gura dauan kristau alkartean …

1965eko urtarrilaren 21ean, hemengo hiru abade heldu ziran lehen Zaire zan eta orain Kongoko Errepublika Demokratikoa dan herrialdera. Misino-jarduera honen 60. urteurrena ospatzeko bihar -urtarrilak 21, martitzena, mahai-ingurua ospatuko da 19:00etan, Abandoko San Bizente Martiria parrokiako Bengo-Leku lokaletan. Hirurogei urteotan herrialde haretan egon izan dan hainbat misiolarik lekukotasuna emongo dau.

Imanol Pradales lehendakaria eta Ongizate, Gazteria eta Erronka-demografikorako sailburua Caritas Bizkaia erakundearen egoitzan izan dira gaur goizean. On Joseba Segura Bilboko gotzainak, Elena Unzueta erakundeko zuzendariak eta Manu Moreno Caritaserako ordezkariak egin deutse harrera ordezkari politikoei Caritasek Erriberan dauan egoitzan. 11.000 lagun inguguri arreta eskainiz bertan egiten daben lana ezagutzera emon deutsie. Hemendik San Frantzisko auzora joan dira askotariko herrialdeetako lagunei arreta zuzena eskaintzen deutsen Hargindegi zentroa ezagutzera.