18-02-2025 Martes, VI semana - tiempo ordinario
Bizkeliza 5 Gaurkotasuna 5 Barriak ( Page 3 )
 

Barriak

Etiquetado como: Aurretiazko borondateak

Barri-bilatzailea
-(r)en araberako bilaketa “...” Aurkitu dira 1654 Emaitzak.
-(r)en arabera ordenatu
Emaitzak orrialdeka
07.02.2025

Bilboko Eleizbarrutia, "Norentzat naz?" bokazinoen inguruko biltzarrean

Bilboko eleizbarrutiko 25 lagun joan dira Madrid-Arena aretoan gaur hasiko dan "Norentzat naz?" bokazinoen inguruko biltzarrera. Misinora deitutakoen batzarra domekan amaituko da eta hainbat eleizbarrutitako, kongregazino erlijiosotako eta laikoen mobimendutako 3.000 lagun inguru batuko da bertan, Espainiako Gotzainen Batzarraren deialdiari erantzunez.

06.02.2025

Gotzainak Trumpen proposamen "gaitzesgarria" aitatu dau Derioko ekitaldian

Ehun lagun inguruk parte hartu dau gaur, eguena, Seminario Zentrum —Derioko Seminarioa izan zana— dalakoak antolatzen dauan Zuhaitz Egunean. Jasangarritasuna, bardintasuna eta gizarte bakea lako balioak sustatzea eta autortzea da egunaren xedea. Gotzaina buru izan da ekitaldian eta Bizkaiko eta munduko bake eta bizikidetzaren inguruan jardun dauanean, Trumpen proposamen "gaitzesgarria" aitatu dau. "momentuko 'trumkeria' edo erokeria izan daiteke, baina gizadiaren aro honetan holako zerbait iradokitzea bakarrik, bake eta adiskidetzearen aldeko auzien egundoko hauskortasunaren agerpen da".

06.02.2025

"Alkartasuna eta esker ona" Bizian gora mobimentuaren jaian

Atzo -otsailak 5, eguaztena- Ana eta Simeon Bizian gora mobimentuaren zaindarien eguna ospatu zan. Eukaristia ospatu eben San Nikolas parrokian eta Tomy Rodriguez Bizian gora mobimentuko presidenteak azaldu dauanez, "alkartasun eta esker oneko unea izan zan, urtean bizi izandako guztia gogora ekarriz. Era berezian gogoratu genduan iaz hil zan Alberto Payas presidente emeritua eta eskerrak emon genduzan mobimentuari emon eutsan guztiagaitik".

06.02.2025

Esku Elkartuak erakundeak "banatzearen" balioa aldarrikatuko dau asteburuan

"Banatzea da gure aberastasunik handiena" goiburuaren haritik ospatuko da asteburuan Esku Elkartuak erakundearen kanpaina munduko gosearen aurka. Domekaz, otsailak 9, diru-batzea egingo da Bizkaiko parrokietan eta bihar -otsailak 7, barikua- borondatezko barau eguna izango da. 

06.02.2025

Martxan da Osasun Pastoraltzaren kanpaina

Datorren martitzenez, otsailak 11, Gaixoaren Munduko Eguna ospatuko da. Hori dala-eta, Karidade eta Zuzentasunerako eleizbarrutiko ordezkaritzan osasunari eskainitako sailean lagungarriak prestatu eta jarduerak antolatu dabez. Gainera, martitzenean bertan, On Joseba Segura Bilboko gotzaina buru izango da Gaixoaren Munduko Eguneko Mezan, Santiago katedralean, 19:00etan. Eleizkizuna, zuzenean emongo da web honen bitartez.

05.02.2025

Joan gura dozu Gernikan ospatuko dan bakearen aldeko ekitaldira?

Otsailaren 16an amaituko da XI. Bake Topaketan izena emoteko epea. Gernikan izango da otsailaren 22an eta gauzak egoki antolatzeko ezinbestekoa da orri honetan izena emotea. Bake Topaketa goizeko 10:00etan hasiko da Errenteriako Mesedetakoen komentuan egingo dan harreragaz. Goizean (10:45 - 12:30), hainbat ibilaldi egingo da oroimena landu eta irakurketa sinisteduna egiteko. Andra Mari eleizan egingo dan otoitzaldiaren ostean, Merkurio plazan izango dan jentaurreko jardueragaz emongo jako amaiera jardunaldiari. 

05.02.2025

Martitzenez, Bilbon, eleizbarrutitik Erromara erromes joango diranen batzarra

Datorren martitzenez, otsailak 11, erromesaldietarako sailak sustatuta, eleizbarrutitik Erromara egingo dan erromesaldian parte hartuko dabenak Barrian batzartuko dira arratsaldeko seietan. Bidaiaren inguruko zehaztasunak emongo deutsez izena emon dauan 70 lagun ingururi. Erromesaldia, martxoaren 24tik 28ra egingo da. ANTOLATZAILEEN ESANETAN, ORAINDIK BADAGO LEKUREN BAT NORBAITEK JOAN GURAKO BALEU. HORREGAITIK, GEHIAGO JAKIN NAHI IZAN EZKERO, 94 466 79 79 TELEFONORA DEITU (Susana Mediavilla).

05.02.2025

Zuhaitz barriak landatu dabez Derioko Adiskidetasunaren basoan

Beste urte batez, 'zuhaitz eguna' ospatuko da Derioko Seminario Zentrum dalakoaren inguruan dagoan "Adiskidetasunaren basoan".Ekitaldia, bihar osptuko da eguerdiko ordu batetik aurrera, Bilboko gotzaina bertan dala. Eraikinaren egitasmoari lotutako pertsona eta erakundeei emoten jaken 'Zuhaitza bihotzean" saira be banatuko da. 

04.02.2025

Arratiako abesbatzak Agate Deunari abestu deutso Begoñako basilikan

Gaur goizean, bailarako hainbat herritan izan ondoren, Arratiako abesbatza Begoñako basilikara etorri da eta Agate Deunari koplak abestu deutsaz Amatxuren etxean. On Joseba Segura gotzainak, jatorriz arratiarra danak, abesbatzak kantatu dituan abestiak -tartean Aita Madinaren 'Aita Gurea'- entzun eta esker ona adierazo deutse basilikara joateagaitik. Arratsaldez, Bilboko hainbat lekutan abestuko dabe, besteak beste, Santiago katedralean, 19:30etan. Arratiako abesbatza 1951ean hasi zan abesten. 

04.02.2025

Mª Jose Arana teologoaren liburu barria aurkeztuko da gaur

Eleizbarrutiko Teologia eta Patoraltza Institutuak gaur arratsaldez Barria eraikineko (Plaza Barria 4) lehenengo solairuko aretoan 18:30etan ospatuko dauan ekitaldian Maria Jose Arana teologoaren liburu barria aurkeztuko da: “Una corriente de energía y solidaridad-energia eta alkartasun korrontea. Repensar la comunión de los Santos hoy”. Mª Jose Arana Jesusen Bihotza ordenako lekaimea da, teologoa eta soziologoa eta Lekaide eta Lekaimeen Eleizbarrutiko Batzordeko (Confer-Bilbao) presidente izan zan 12 urtez, 1985 eta 2007 bitartean. 

Emaitzak orrialdeka