04-03-2024 Lunes, III semana - cuaresma
Bizkeliza 5 Gaurkotasuna 5 Barriak ( Page 74 )
 

Barriak

Etiquetado como: Erromesaldia

Barri-bilatzailea
-(r)en araberako bilaketa “...” Aurkitu dira 950 Emaitzak.
-(r)en arabera ordenatu
04.03.2023

RTVEk Bilbotik emongo dau meza bihar

"Anai-arreba gara Kristorenganako fedean" goiburuaren haritik ospatuko dau bihar -martxoak 5, domeka- Eleizak Hispanoamerikaren Eguna. Aurton, Bilboko Eleizbarrutian ospatuko da, On Joseba Segura Misinoetarako eta Elizakazko Lankidetzarako Espainiako Gotzainen Batzarreko Batzordeko kide eta Euskal Eleizbarrutietako Misinoetarako gotzain ordezkaria buru dala. Goizeko 10:30etan izango da, Alde Zaharra Pastoral Barrutiko (PB) San Anton parrokian eta TVE1 kateak zuzenean emongo dau.

03.03.2023

Heziketa eskaut mobimentuko begiraleentzat

Euskalerriko Eskautak Bizkaia (EEB) mobimenduko begiraleak batuko dira bihar, zapatua, aisialdiko hezitzaile boluntario lez hezten jarraitzeko. Saioa jesuitek Indautxun daben ikastetxean ospatuko da, 300 gazte ingururen partaidetzagaz. 

03.03.2023

Eremu bakotxeko ekintzak batera jarteko epea luzatu egin da

Egitasmorako batzorde teknikoak leiz eremu bakotxean hartutako konpromisoak batera jarteko epea martxoaren 17ra arte luzatzea erabagi dau. Batzordetik azaldu dabenez, "badakigu hainat lekutan zehaztu dabezala bultzatuko dabezan ekintzak; halanda be, ez dabez batera jarri". Beraz, jarduerak guztientzako aplikazinoan iraultzeko eskatzen dabe. Era berean, oraindik Egitasmoa nork bere egin eta garatzeko irakurketa egin ez daben taldeei, egiteko dei egin deutse. 

03.03.2023

Eleizbarruti arteko Misino-artxiboaren inaugurazinoa

2023an, Euskal Eleizbarrutietako Misinoek 75. urteurrena beteten dabe. Hori dala-eta, hainbat jarduera ospatuko da urtean zehar euskal Eleizbarrutien misino-historia aberatsa gogora ekarteko eta ospatzeko. Jarduerei hasiera emoteko, bihar -zapatua- sortu barri dan Misinoen Eleizbarruti arteko artxiboa inauguratuko da. On Joseba Segura Bilboko gotzain eta Euskal Eleizbarrutietako Misinoetarako gotzain ordezkaria eta On Juan Carlos Elizalde Gasteizko gotzaina buru dirala, ekitaldia ospatuko da Gasteizko Seminarioan. Satur Gamarra Gasteizko Seminarioko zuzendari espiritualak eta Anabella …

02.03.2023

Gizakiak autorpena jaso dau Osasun Ministeriotik

Osasun Ministerioak Madrilen dauan egoitzan jaso dau Gizakia Fundazinoak Merituaren Urrezko Domina Drogen inguruko Egitasmo Nazionalak emonda, hain zuzen be, "gaztetxoen artean jokaera arriskutsuak ekiditeko bideak jarteagaitik eta mendekotasunen aurrean osoko esku-hartzea bultzatzeagaitik". Estibaliz Barron Pardo Gizakia Fundazinoko zuzendariak jaso eban domina eta bere esanetan, erakundearen helburua "inor atzean ez iztea" da, eta "pertsona bakotxak ezinbesteko dauan arreta jasotea. Ez dakit Fundazinoaren jarduerak mundu hobea egiten lagundu dauan, baina dakidana da, domina honek …

02.03.2023

Izadiaren defentsarako sareko emakumeen lekukotasuna Bilbon

Martxoak 8aren, Emakumeen Nazinoarteko Egunaren bezperan, emakume buruzagi entzutetsuak, izadiaren eta Giza Eskubideen defendatzaileak, Amazonas ingurutik -Kolonbia, Venezuela, Honduras eta Guatemala- datozanak, komunikabideen aurrean agertu dira, giza eskubideen urraketak eta ingurumenaren defentsan diharduen emakume izateagaitik jasaten dabezan arriskuak salatzeko. Gaur arratsaldez, 19:30etan, berbaldia eskainiko dabe Arrupe Etxeko (Aita Lojendio, 2. Bilbao) areto nagusian, ALBOANek, besteak beste Bilbokok Eleizbarrutiagaz batera, antolatuta.

02.03.2023

Bake Topaketaren bigarren asteburua

Bake Topaketa bake eta adiskidetzearen aldeko aurtengo jarduera beste formatu batean ospatu da, besteak beste, egun eta leku desbardinetan. Ekitaldi nagusia joan dan zapatuz, otsailak 25, izan zan Bilborocken, batez be gazteei zuzendutako kontzertuagaz. Gainera, hainbat jarduera egin zan Portugalete, Zalla eta Bilbon, beren-beregi prestatu eta web orrialde honetan eskuratu daitekezan lagungarriakaz. Asteburuan, Bake Topaketaren IX. ekitaldiari dagokiozan azken saioak ospatuko dira Lekeitio eta Zornotzan.

02.03.2023

Ekitaldiak Durango eta Zornotzan

Asteburuan, Eleizbarrutiko hainbat lekutan, ospatu dan Bake Topaketaz gainera, beste hainbat ekitaldi be izan da Garizuma-aldiaren hasiera honetan, Zapatuz, Durangon, Fran Albala Fede-zabalkunde eta Katekesirako Ordezkaritzako familia arloko arduradunak Pastoral Barrutiko (PB) Familia Pastoraltzako kideen batzarra gidatu eban. Atzo, Zornotzan, Eleizbarrutiko beste hainbat Pastoral Barrutitan egiten diharduenez, "Jesusegaz hobe" goiburua aurkeztu eben Eukaristietan. Gehiago jakiteko: hemen.

01.03.2023

Martxoko aldizkari digitalak Gorbeiako kurutzeraino garoaz

Gaur argitaratu da Eleizbarrutiko aldizkariaren martxoko alea euskarri digitalean. Garizuma-aldiari ekinda, azalak Gorbeiara igoteko dei egiten deusku. Elurtutako gailurrean, eguzki-izpiez argitutako kurutzearen aurrean geratuko gara. Testuinguru ederra, otoitz egiteko, hausnartzeko eta bihotz-barritzera garoazan aldi honetan murgiltzeko. Erdiko orrialdeetan, aurton, martxoaren 8an, Eleizbarrutiaren autorpena jasoko daben 8 emakumeak agertzen dira.  Euron bitartez, askotariko zerbitzuetan Bizkaiko Eleizaren alde konprometituta dagoan makina bat emakume autortu gura da.

 

 

28.02.2023

Romañako San Pedro eleizako Maitasun Ederraren Ama Birjinaren erretaula barriztatu dabe

Turtzioseko Romañako San Pedro eleizak 500. urteurrena ospatu eban 2021ean eta, orain, erretaula barriztatu dau. Gaur egungo eleiza, aurreko eraikinaren osoko berreraikuntza da. Prozesu luzea izan zan, eleiztarrek tenplu esanguratsuaren aldeko apustu handia egin ebalako, hau da, sasoi haretan Enkarterrietan jasoten ziharduen handienetakoa eraikitzea pentsatu eben, Juan Manuel Gonzalez Cembellin Eleiz Museoko zuendariak azaldu dauanez.