II. Biltzarra
Eleizbarrutietako ikastetxeen Biltzarren lehenengo ekitaldia Valentzian ospatu zan joan dan ekainean. Bertan, Bizkaiko ikastetxeek EBI sarearen kudeaketa-eredua aurkeztu eben.
Ekitaldi honetan, partaideek Begoñako Gogarte Etxean eta Derioko Seminarioan hartu dabe ostatu. Bihar -martizena-, Begoñazpi ikastolara joango dira eta hantxe ospatuko dabez lan-saioak eta bildutako Eleizbarrutien askotariko heziketa-esperientziak aurkeztuko dira. Arratsaldez, bisitaldi turistikoa egingo dabe Alde Zaharrean eta, amaitzeko, Eukaristia ospatuko dabe 20:00etan, Santiago katedralean.
STEAM Azoka
Eguaztenez, Sodupeko Avellaneda ikastetxera joango dira, bertan ospatuko da-eta Feria EBI STEAM Azoka. On Joseba Segura Bilboko gotzainak, Jokin Bildarratz Eusko Jaurlaritzako Heziketa-sailburuak eta Juan Andres Iragorri Gueñeseko alkateak parte hartuko dabe Azokari hasiera emoteko ekitaldian.
500 ikasle, 50 egitasmo
EBI Eleizbarrutiko ikastetxeen sareko 500 ikasle inguruk parte hartuko dau “EBI STEAM AZOKA” dalakoaren bigarren ekitaldian. Jarduera honetan, adin guztietako ikasleek –Haur Hezkuntzatik hasi eta Batxilergoa eta Lanbide Heziketa barru- STEAM jakintzagaiei (zientzia, teknologia, ingeniaritza, artea eta matematikak, ingeleseko siglen arabeera) 50 egitasmo inguru aurkeztuko dabez.
Ikasleek askotariko egitasmo barritzaileak aurkeztuko dabez, esate baterako, automobil elektrikoak, robotak, errealidade birtualerako bitartekoak, mineralogia-erakusketak, 3D inprimatzeak, esperimentazino-tailerrak, bideokontsola hezigarriak edo seinale adimendunak.
