Historia
1963an, Urpeko Jardueren Bizkaiko Alkarte Txangozaleak (UJBAT) Begoñako Andra Mariaren irudia ipini eban Gaztelugatxeko San Joanen inguruko uretan. Harrezkero, hainbat jarduera ospatu eta itsaspeko erromeria egiten da.
Urperatutako eskultura, Joaquin Lucarini eskultoreak egindako Begoñako Andra Mariaren kopia da. Artista honek Deustu auzoko “Tigrea” eraikina burutzen dauan eskultura be egin eban.
Brontzezko eskultura 12 metroko sakoneran dago, berunez betetako 850 kiloko oinarriaren gainean. Ama Birjinaren irudia 10-12 metroko sakoneran tronuratu eben Gaztelugatxen, hau da, urpekariek ikusteko moduan. Horregaitik, itsasbehera danean, nahiko erraz ikusi daiteke. UJBATekoek buia bat jarri dabe itsaspeko irudiaren kokapena zehazteko.
