Lourdeseko hospitalitatea:
Barikuz, urriaren erdialdera, Lourdeseko Bizkaiko Hospitalitatearen eskutik, Lourdesera erromes joan ziranak alkartu ziran. Eukaristia ospatu eben Bilboko San NIkolas parrokian, Aitor Uribelarrea kontsiliarioa buru zala eta ondoren alkarregaz bazkaldu eben.
Alde Zaharra Pastoral Barrutiko gaztetxo eta gazteen kurtso hasiera:
Zapatuz, Alde Zaharra Pastoral Barrutiko (PB) gaztetxo eta gazteek kurtso hasierako konbibentzia ospatu eben. Egunari amaiera emoteko, Eukaristia ospatu eben San Anton parrokian eta eleizkizunean taldeko neska batek bateoa hartu eban.
Bilboko bikaritzetako gazteak:
Bilboko bikaritzetako eskaut taldeetako eta Kristau Sarbideko 50 begitale inguruk bikaritzako topaketan parte hartu eban zapatu goizez, Bilboko Elorrieta-San Inazioko parrokian ospatu zan otoitzaldian.
Familien meza Durangon:
Durangoko Andra Mari eta Santa Ana parrokietako katekesiko familien kurtsoko lehenengo ospakizuna.
Ipar-Hegoaldea heziketarako ikastaroaren lehenengo saioa:
Teologia eta Pastoraltza Eleizbarrutiko Institutuak,Cáritas Bizkaiak eta Eleizbarrutietako Misinoek antolatzen daben Ipar-Hegoaldea ikastaroaren lehenengo saioa zapatuz ospatu zan Bilbon.
Asier Arcos EHUko ekonomia-irakasle eta HEGOAko kideak gidatu eban lehenengo saioa. Grafiko eta irudiez baliatuz eta partaideakaz hartu-emonean eta honeen galderei erantzunez, denporaren buruan munduko ekonomiaz zelan jardun dauan ulertarazoteko datuak, giltzak eta testuinguruak aurkeztu ebazan.
Kurtsoko lehenengo familia meza Lekeition:
I. bikaritzako gazteak
I. bikaritzako 50 gazte inguru batu zan zapatuz, Euskalerriko Eskautak Bizkaia mobimenduko Ezker-meatzaldeko fede-mahaiak eta bikartitzako fede-zabalkunde eta katekesirako mahaiak deituta.
Como anunciaba el título del encuentro, “En busca del tesoro”, a través de diferentes momentos y dinámicas los participantes realizaron una búsqueda que les llevó a encontrase consigo mismos, con los demás y con Dios, “quien unifica y da sentido a nuestras búsquedas”.
Sergio Buiza lurraldeko bikarioa partaide zala ospatu zan batzarrean hainbat berba errepikatu zan: bilaketa, topaketa, alkartea, akonpainamendua, itxaropena, zentzuna, askatasuna, poztasuna, esker ona…
Esperientziak eragindako pozaz eta errepikatzeko gogoaz bueltatu ziran gazteak euren etxe eta familietara.
“Mufungaren Adiskideak” Fundazinoaren batzarra:
Berrogeta hamar lagun baino gehiago batu zan joan dan astean, Mufungaren Adiskideak fundazinoaren egitasmoei babesa emoteko. Abandoko San Bizente Martiria parrokiako lokaletan (Bengo-Leku) ospatu eban urteko batzarra.
Saioan, On Joseba Segura Bilboko gotzain eta Euskal Eleizbarrutietako MIsinoetarako ordezkariak eta Iñigo Iriarte fundazinoko kideak udan Kongoko EDra egin eben bidaiaren ingurukoak azaldu ebezan.
Urteroko batzar honetan, besteak beste, Kongoko Errepublika Demokratikoko Mufungako misinoaren inguruko azken barritasunak emoten dira. Indarrean diran egitasmoak be aztertzen dira eta “Adiskide leial” saria banatu. Oraingoan, beren-beregi egitasmoak garatzeko lagungarrien bialketaren kudeaketan laguntzen daben hiru pertsonari eskaini jake.
Fundazinotik azaldu dabenez, “gure funtsezko balioek, senidetasunean eta aniztasunaren errespetuan oinarrituta, besteen alde dogun konpromisoa islatzen dabe. Eta gehien behar dabenen alde alkartasunez jokatzeko gaitasuna sendotzen dabe”.
