Ondare erlijiosoaren ‘tour’ edo biraren lehenengo etapa

Frantziako Tourraren 2023ko lehenengo etapa gaur, uztailak 1, ospatuko da. Txirrindulariek 182 kilometro burutuko dabez Bilbon hasi eta amaituko dan ibilbidean. Tropela 12:55etan atarako da Bilbotik eta Loiu, Gatika eta Laukiz zeharkatuko ditu. Hortik eskumaldera joango dira: Erandio, Leioa, Getxo, Berango, Sopela, Urduliz, Barrika, Plentzia eta Gorliz. Lemoiz eta Bakiotik igarota, Bermeora helduko dira Gaztelugatxeko San Joanen paretik igaro ondoren. Bermeotik Mundaka, Sukarrieta, Busturia, Murueta eta Forura joango dira. Gernikan sartu eta handik Arratzu, Kortezubi, Gautegiz-Arteaga, Ibarrangelu, Ereño eta Nabarnizerako bidea hartuko dabe. Arratzu eta Gernika-Lumotik igaroko dira barriro eta gero Muxika eta Morgatik. Larrabetzu eta Galdakaotik jaitsiko dira eta Lezama, Zamuio, Derio, Loiu eta Sondikatik igaro ondoren, Enekuritik sartuko dira ubiruruan, etapa 17:15ak inguruan amaituz. Ibilbidean eraikin erlijioso esanguratsuen ondorik pasatuko dira. Horreetako batzuk bisitatuko doguz.