Sendotzak Santutxuko Maria Erregina eleizan:
Sendotzak Areeta-Romon
Joan dan barikuz, ekainak 2, Espiritu Santuaren jaia ospatu zan Areeta-Romo PBan. Sendotzako hiru taldetako hamar lagunek sendotzaren sakramentua ospatu eben eta baten batek baita bateo eta jaunartzea be. Kerman Lopez bikario nagusia buru zala ospatu zan eleizkizunean, gazteen, helduen eta dibertsitate funtzionaleko taldea izan ziran protagonista. Sendotza hartu eban neska batek, jentaurrean adierazo eban nahi bat taldearen izenean: “Espirituaren indar eta doeez, Jesusen antz gero eta handiagoa izan daigula nahi dot eta, holan, alkarte barruan zein kanpoan, Jainkoaren Erreinua benetan ageriko egin eta alkarregaz bide egiten jarraitu daigun.
Kurtso amaiera San Anton eleizan:
Afrikar alkartearen kurtsoko azken ospakizuna
Atzo -domeka- ospatu zan Bilboko Alde Zaharreko San Anton eleizan. Irailaren 24an, Etorkin eta Errefuxiatuaren munduko egunaren haritik, batuko dira barriro.
Alkartasunaren domeka Portugaleten
Hirutasun Guztiz Santuaren egunez, Alkartasunaren Domeka ospatu eben atzo Portugalete PBan eta, bertan, zidarrezko, urrezko… Ezteguak
Somorrostro ikastegiak saria lortu dau Euskelec 2023 lehiaketan
Joan dan zapatuz ospatu zan EUSKELEC lehiaketa. Bertan, lanbide heziketako ikastegietako ikasleek %100 elektrikoa dan autoa diseinatu eta eraiki egiten dabe oinarri eragile berean (motorra, motor-kontrolatzailea eta bateriak) oinarrituta. Ikasleen lana bultzatzea eta jarduera esperimental eta sortzailea osagai pedagogiko lez oinarritzea da xedea, ibilgailu elektrikoen inguruko ezagutza teknikoa landuz. Tknikak (Euskadiko LHko Ikerketa Aplikaturako Zentroa, Hezkuntza-sailaren menpe dagoana) antolatzen dau EUSKELEC lehiaketa.
Lehiaketaren VI. ekitaldi honetan, Somorrostro ikastegiko “Somorrostro Motorsport” taldekideek -autobomobilgintzako gradu ertain eta goi graduko, Telekomunikazinoetako zikloetako eta Marketing eta Publizitatea zikloko ikasleak- barrikuntzaren saria jaso dabe eta, sailkapen orokorrean, hirugarren geratu dira.
Elhuyar Zientzia Azokak Somorrostro ikastegiaren egitasmo bi eta San Fidel ikastolaren egitasmo bat saritu ditu
Gainera, asteburuan, Bilboko Areatzan, “Elhuyar Zientzia Azoka” ospatu da. Hirurogei ikastetxetako 700 gaztek 200 egitasmo baino gehiago aurkeztu dabe. EBI sareko Somorrostro ikastegiak eta Gernikako San Fidel ikastolak aurkeztutako lanek saria jaso dabe.
Somorrostro:
San Fidel:
