Antxinako musika eta erlejino-musika entzungo da kontzertuetan. Talde espezializatuen eskutik, tradizino musikal eta estilo historiko ugari aurkeztuko da.
Egitaraua:
Kontzertu guztiak 19:30etan hasiko dira. Gaur izango da lehenengo emonaldia, Accademia del Piacere taldearen eskutik. “Ekialde eta Mendebalde arteko erromantzeak” egitaraua aurkeztuko dau, hain zuzen be kulturen arteko musika bidezko hartu-emona, ahots desbardinen eta hainbat musika-tradizinotako musika-tresnen bitartez.
Bihar, martxoak 27, Près de votre oreille talde bokal eta instrumentalaren txanda izango da eta ‘viola da gamba’ musika-tresna be joko dauan Robin Pharoren zuzendaritzapean jardungo dau. William Lawes musikagile barrokoari eskainitako “Lighten mine eies” egitaraua interpretatuko dau.
Zapatuz, martxoak 28, Ricercar Consortek “Larmes de la Vierge” erlejino-musikari lotutako proposamena interpretatuko dau. Domekaz, hilak 29, Forma Antiqva taldeak tradizino erlijiosoko musika-ondarean oinarritutako “Sancta Ovetensis” aurkeztuko dau.
Jaialdia martxoaen 30ean, astelehenez, amaituko da “Todos los perfumes del Líbano” egitaraua interpretatuko dauan I Gemelli taldearen eskutik.
Sarreren salmenta:
Sarreren prezioa 10 eurotakoa da eta eta Arriaga antzokiko txartel-leihatilan eskuratu daitekez ohiko ordutegian, www.teatroarriaga.eus web orrialdean musika-musica.bilbao.eus. web orrialdean eta kontzertua hasi baino ordubete aurretik Gizakundea eleizan.
Gehiago jakiteko: hemen.
