Bihar Txoko Latinoak omenaldia eskainiko deutso Johnny Vargasi bere heriotzaren urteurrena dala-ta.
Santiago de Guayaquil, Ekuadorren jaio zan. Hiru anairen arteko nagusiena izan zan eta Verbo Divino misiolariekin egin ebazan lehenengo botoak. Bogotara joan zan ikastera eta bertako heziketea amaitu ebanean, Deustuko Unibertsitatera etorri zan Teologia ikastera. 2007a zan. Bizkaira heldu zanean erreferentea bilatu eban, Juan Mari Bautistarengan. Abade hau gaur egun Ekuadorren dago misiolari modura. Orduan Bautista egoan parrokian latinoamerikarren alkarteagaz ospatzen zan mezea. Johnnyk ardura hori hartu eban hil arte.
Zisnearen Amabirjinea
Ekuadorreko alkartea dabil eguokaz Zisnearen Amabirjinearen urteurrena ospatzen. Abuztuaren 14an ospatuko dabe bere jaia. Esaten dabenez, Amabirjinea Lojako herritar batzuei agertu jaken 1594an.
