“Bilboko Eleiz Artea” jaialdiko lehenengo emonaldia, Bilboko Koral Alkartearena izango da. Eurakaz jardungo dabe Ana Otxoa sopranoak, Beñat Egiarte tenoreak, Julen Garcia eta Juan Laboreria baritonoek eta Alberto Saez Puente piano-joleak, Enrique Azurzaren zuzendaritzapean. Valentin Mª Zubiaurreren “Jesukristo gure Jaunaren Nekaldia” interpretatuko dabe. Koralak Vatikanoan estreinatu barri dau lan hau eta iragarten dihardugun emonaldi honen ostean, apirilaren 1ean, zapatuz, Garain, musikagilearen jaioterrian eskainiko dabe pieza hau.
Apirilaren 1ean, gospela izango da protagonista eta Kinddom Choir talde britainiarrak jardungo dau, Karen Gibson zuzendari dala. Besteak beste, honeek interpretatukod sabez: “The Lord’s Prayer”, “Chases”, “Amen Medley”, “Oh Happy Day”, “Real Love”. “Blinded”, “Lovely Day”, “Amazing Grace”, “African Medley”, “Aretha Medley”, “Golden”, “SISS”, “Lean on Me extended”, “Gospel Anthem”, “Fix You”, “Wonderful World” eta “Stand By Me”.
Apirilaren 2an, domekaz, ‘Voces Suaves’ taldeak Heinrich Schützen XVII. gizaldiko musikagile aleman entzutetsuaren eta Johann Hermann Schein eta Samuel Scheidt bere garaikideen eleiz musika eskainiko dau. “Trauer und Trost” (tristura eta kontsolamendua) goiburua dau kontzertuak eta bertan parte hartuko dabe Christina Boner eta Cornelia Fahrion sopranoek, Jan Thomer kontraltoak, Dan Dunkelblum eta Andres Montilla-Acurero tenoreek, Jean-Christophe Groffe baxuak, Aki Noda organo-joleak eta Vicentr Flückiger tiorba-joleak.
Apirilaren 3an, Les Elements taldeak jardungo dau. Emonaldian, Mediterraneo inguruko hainbat kultura eta sasoi agertuko da, Johël Suhubietteren zuzendaritzapean. “Mediterranée Sacrée” goiburuaren haritik, polifonia zahar eta barriak eskainiko dabez hebreeraz, arabieraz, amenieraz, latinez eta greko zaharrez. Honeen lanak interpretatuko dabez: Salomone Rossi, Tomas Luis de Victoria, Zad Moultaka, Alexandros Markeas, Llibre Vermell de Montserrat, Carlo Gesualdo eta Antonio Lotti.
Jaialdiarei amaiera emoteko, apirilaren 4an, martitzenez, Lux Kodex bertoko taldeak jardungo dau, Fernando Latorre zuzendari dala. “Canticum Canticorum” Itun Zaharreko “Abestirik Ederrena” dalakoan oinarritutako polifonia interpretatuko dabe.
