Maite Valdivieso Langile Pastoraltzarako Eleizbarrutik HOAC mobimentu Orokorreko Bartzorde Iraunkorreko heziketarako laguntzaile izango da kurtso honetatik aurrera. Jardunaldiotan, Maite Valdiviesok berbaldia eskaini eban lanaren eremuko pastoral arretaren garrantzia nabarmenduz: “Eleizak Barri Onaren mezua, gizatiartze, lan eta batasunaren arteko loturatik, ulertzeko eran eskaini bura badau, Frantzisko Aita Santuak adierazo dauan lez, “lanaren gaia da lehenetsi beharrekoa'”.
Abraham Canales HOAC mobimentuaren argitalpenen arduradunak “¿Qué entiende la Iglesia por trabajo decente?” berak prestatu eta Lan Pastoraltzarako Gotzainen Batzarreko sailak argitaratutako koadernoa aurkeztu eban. Gainera, esperientziak aurkeztu ziran, taldeka banatuta eta osoko bilkuran alkarrizketan jardun eben eta Mons. Abilio Martinez Osma-Soriako gotzain eta Lan Pastoraltzarako EGBeko gotzain arduraduna buru zala Eukaristia ospatu eben, “lan eta bizikidetza giro onean garatutako jardunaldietan”.
Bilboko Eleizbarrutitik Avilan izan ziran: aitatutako Maite Valdivieso, Jorge Torralbo Langile Pastoraltzarako Eleizbarrutiko taldeko kide eta HOAC Bizkaia mobimentuko presidentea eta Marimar Gontzalez konpromisoaren arlorako HOAC mobimentuko Batzorde Iraunkorreko arduraduna.
