Martxoaren 8an, 8 emakumeren konpromisoaren autorpenaren VI. ekitaldia

Datorren martxoaren 8an, Bilboko Eleizbarrutiak VI. urtez jarraiaz egingo deutse autorpena 8 emakumeri Bizkaiko Eleizaren aldeko konpromisoagaitik. Oraingoan, euren eguneroko lan eta zerbitzuan, abegia eta inklusibitatea sustatzen daben emakumeak autortu gura dira. Espainiako Gotzain Batzarraren Osoko Bilkuran izango dan gotzainaren ordez, Kerman Lopez bikario nagusia izango da buru ekitaldian. Mari Puy Inzunzak (Mañaria), Maite Fernandez de Agirrek (Sodupe), Nekane Landaribarrek (Ondarroa), Susana Mallok (Jesusen Mirabea, Bilbao), Aintzane Monteverdek (Algorta), Nely Ramonek (Bilbao), Lucia Cerdak (Bilbao) eta Maria Jesus Sanzek (Galdakao), Toño Valdivieso artistak egindako oinatza jasoko dabe.

Martxoaren 8an, 8 emakumek Bilboko Eleizbarrutiaren autorpena jasoko dabe Indautxuko Karmeneko Ama parrokian eguerdiko 12:30etan ospatuko dan ekitaldi instituzionalean. Eleizagaz, eta asko eta asko euren gizarte inguruagaz, konprometitutako emakumeak dira.

Lucia Cerda, misinoei lotutakoa, ‘Los Ríos’ aldizkariaren barriemoile izan da urte luzez. Bizkaitar misiolariak Kongoko Errepublika Demokratikoan koordinatzen dituan egitasmoei laguntzen deutsen Goicouria Fundazinoko kide da. Bilbo Etxezabal etorkin eta errefuxiatuei laguntza emoten lehenengoetakoa izan zan alkartean boluntario be izan zan.

📌8 emakume martxoak 8
📌Una de las mujeres reconocidas por la Iglesia en Bizkaia el próximo 8 de marzo. Una vida vinculada a misiones @misioak pic.twitter.com/JK6PPoGwM3
— Bilboko Elizbarrutia (@DiocesisBilbao) February 13, 2024

María Puy Inzunza alkartezain da Mañarian. Bateatu zanetik parrokiari lotuta dago. Katekista, Caritaseko Pastoral Barrutiko arduradun, ekipo ministerialeko eta Eleizbarrutiko Pastoral Kontseiluko kide. Ardura dau liturgia eta ekonomia arloan, Andra Mariaren Zeruratzea parrokian.

Nekane Landaribar begirale Ondarroako parrokian eta estu lotuta herriko gizarte bizitzari. Parrokiako abesbatzan, laguntaile hainbat urtez Bizkaia Irratian martitzenero emititzen ziran Eukaristietan.

📌8 emakume. Gaur Mañarian eta Ondarroan.
📌La Iglesia en Bizkaia reconocerá a 8 mujeres el 8 de marzo. Hoy hemos estado con dos de ellas en Mañaria y Ondarroa. pic.twitter.com/f6XkbxFwsl
— Bilboko Elizbarrutia (@DiocesisBilbao) February 12, 2024

María Jesus Sanz nafarra Galdakaon bizi da. FRATEReko (ahalmen-urritasuna daben pertsonen Espainiako alkartea) boluntario da orain dala 30 urte hasita. Berrizko Mesedetako Misiolarien ordenako kide da laiko lez. 2021ean, Mexikoko muga zeharkatzen daben etorkinei laguntzen egon zan Hidalgo aterpetxean (Mexiko).

📌Gaur be martxoak 8a dala-ta beste emakume bategaz. Galdakaon
📌Seguimos conociendo la vida de las mujeres que reconocerá la Iglesia en Bizkaia el próximo 8 de marzo. Hoy en Galdakao. Mujeres con un gran compromiso eclesial y social. pic.twitter.com/QYXQB4BUbi
— Bilboko Elizbarrutia (@DiocesisBilbao) February 13, 2024

Nely Ramon ekuadortarra San Anton parrokia alkartean txertatuta dago, familiagaz Bilbora iritsi zanetik. San Anton parrokiako helduen erreferentzia taldeko eta ‘la Virgen del Cisne’ alkarteko kide da. Alkarte latinoamerikarrean jarduten dau eta baita ‘Bizkaia isilik’ bilkura isiletan be.

Aintzane Monteverde Algortako ‘San Nikolas Zabalik’ alkartek presidentea. Euskalerriko Eskautak Bizkaia mobimentuko ordezkari eta eskolapioen Bilboko ikastetxeko zuzendari izan zan. Parrokian batean edo bestean txertatuta, Eleizbarrutian konprometitutako emakumea da.

📌Beste emakume biren bizitza txatalak harrapetan martxoaren 8rako.
📌Retazos de vida de dos de las 8 mujeres que reconocerá la Diócesis el próximo 8 de marzo. Grabando en Algorta y San Antón de Bilbao pic.twitter.com/iS1F5iFpi7
— Bilboko Elizbarrutia (@DiocesisBilbao) February 14, 2024

Susana Mallo Jesusen Mirabeak ordenako monja, madrildarra da. Erizaintza-ikasketak egin ebazan. ‘Sanaorio Bilbaino’ dalakoan bizi da alkarteak gaixoei arreta eskainiz. Gorraren pastoraltzan laguntzen dau, katedraleko ospakizunetan keinu-hizkuntzaz lagunduz.

📌Martxoak 8 emakume. Gaztea eta lekaimea.
📌Conociendo la vida y recorrido de fe de otra de las 8 mujeres que reconocerá la Diócesis de Bilbao el 8 de marzo. pic.twitter.com/tSRItj6szT
— Bilboko Elizbarrutia (@DiocesisBilbao) February 15, 2024

Maite Fernandez de Agirre Sodupeko San Bizente parrokian aritzen da, liturgia eta katekesian, laikotzaren mahaian be partaide da, San Anton eguneko enkantean eta Errege-kabalgatan esku-hartzen dau. Eleizagaz konprometituta, udalagaz jarduera politikotik, mendizale-taldean eta abesbatzan.

📌Sodupen Eleizea eta herria, herria eta Eleizea alkar hartuta ekintza ugaritan.
📌En Sodupe entrevistamos a una mujer que se merece, sin duda, el reconocimiento del 8 de marzo. La Iglesia en Bizkaia visibiliza la labor de 8 mujeres. pic.twitter.com/lSsZtffnwV
— Bilboko Elizbarrutia (@DiocesisBilbao) February 13, 2024

Zorionak martxoak 8 emakume VI. ekitaldian autorpena jasoko daben emakumeei!