Gaur jasoko dabe Belengo Bakearen Argia Mesedetako Ama parrokian (Areeta), gaueko 22:00etan. Hamaiketatik aurrera, hiru otoitzaldi egingo dabez erretiro erara. Goizaldeko ordu bietatik seiretara, gurtza egingo da. Fernando Marcos parrokoaren esanetan, “jakina, lagun bakotxa ondoen datorkion unean etorri daiteke. Adin eta leku guztientzako ekitaldia da”.
Oilar-meza Gabon-gauez
Pastoral Brrutian meza ospatuko da abenduaren 24an, 00:30etan, “ohikoa baino berandutxoago”, arduradunek dinoenez. Gazte eta helduak ari dira meza hori prestatzen. Parrokietatik dei egiten deutse “Gabon-gau berezia ospatu gura daben guztiei edo bakarrik dagozanei edo gaua era berezian bizi gura dabenei”, Mesedetako Ama parrokiara joan daitezan. Eleizkizunaren ostean, Gabon-kantak abestuko dabez jaiotzaren aurrean.
