Bizkaian, San Lorentzoren izena sakon errotuta dago. Hainbat udalerrik euren omenezko herriko jaiak ospatzen dabez egunotan, eta lurraldeko parrokia eta ermita ugarik euren izena daroe.
Bihar ospatuko da Liburutegien zerbitzura lan egiten daben pertsonen zaindariari eskainitako jaia. Hori dala eta, Elizaren memoria idatzia zaintzen dabenen zerbitzu isilari balioa emoten deutson alkarrizketa bat berreskuratuko dogu. Aldi berean, Bizkaiko ondare bibliografikoari balioa emoten jako.
Aurrera doan misinoa
Jaime López de Eguilazek Ander Manterolaren eskutik jaso eban ardurea jorrailean, lanaren funtsa bere horretan dagoala sinistuta. Halan be, tresnak eboluzinonatzen ari dirala onartzen dau.
«Anderregaz zeozer ikasi badot, misinoak bere horretan dirauela da», inoan zuzendari barriak, eta nabarmendu eban digitalizazinoa eta Elizbarrutiko Liburutegia Espainiako Elizaren liburutegien katalogo kolektiboan sartzea aurrerapen handia izan dirala. Horrek erraztu egiten dau ondare hori eskuratzea.
«Presentzia digitalak lan egiteko modua eraldatzen dau, baina ez egiten dogunaren funtsa», azaldu eban
Biak bat etozan Elizbarrutiko Liburutegia liburu-gordailu bat baino askoz gehiago dala esatean. “Espazio horretan Bizkaiko Eleizearen memoria gordeten da, ikertzaileei eta ikerlariei laguntzen jake eta belaunaldi osoen historia, kultura eta fedea ulertzen laguntzen dauen ondarea bizirik manteniduten da”.
San Lorentzo Bizkaian
San Lorentzorekiko debozinoak oso presente jarraitzen dau lurraldean. Zaratamon, Astrabuduan, Marurin, Ermuan eta Urigoitin (Orozkon) santuari eskainitako parrokiez gain, asko dira Bizkaian beren izena daroen ermitak. Jai honetan komunidade ugari biltzen da liturgia-ospakizunetan eta jai herrikoietan. Aldi berean, bere bizitza Elizearen eta behar gehien daukien pertsonen zerbitzura emon eban diakono martiriaren irudia gogoratzen da.
