Gaur aurkeztuko da Ondarroako Kofradia Zaharrean `Geu be bagara itsasoa´ Labayru Fundazinoaren egitasmoa. Ikerketa-lan honetan, Bizkaiko kostaldeko 20 berri-emoile ingururi egin jako alkarrizketa. Euren lekukotasuna emon daben emakumeak hiru belaunalditakoak dira eta euren bizipenak izan dira lan hau burutzeko oinarri eta informazino-iturri. Euskarri bitan aurkeztuko da: 165 orrialdetako liburua eta 12 ikus-entzunezko.
Eleizbarrutiko aldizkarian
Alkarren Barri-Comunicación Bilboko Eleizbarrutiak hilero argitaratzen dauan aldizkariak, arrantzaren arloan emakumeek egin izan daben eta egiten daben lanari buruzko kapituluak argitaratzen dihardu hilez hil.
Maiatzari dagokion alean, arrain-salmentari, eta zehatz-mehatz sardina-saltzaileei buruko kapitulua jaso da. Maria Jesus Martinez barriemoileak jakinarazo dauanez, adibidez, “Santurtzin, sardina-saltzaileak goiz altxatzen ziran”, kalez kale saltzeko. inguruan, herriz herri ibilten ziran euren salmahai ibiltariagaz. Baina, kaleko salmentari uko egin beha izan eutsen “osasun-kontuengaitik”.
