Erreka Multimediako Fran Sanzek egin dauan kartelean, alkarri lotuta dagozan pertsonek osatzen daben eta, aldi berean, beste batzuk be sartu daitezan zabalik dagoan zirkulua ikusi daiteke. Atzea emoten dagoz, Ebanjelizatzearen Eleizbarrutiko Egitasmoaren irudiari, koloretako arrosa-leihoari, begiratuz. Pertsonak zuri-baltzez dagoz eta aniztasun handia, Bizkaiko Eleizaren mila koloreak erakusten dabez. Zuri-baltzez dagozan pertsona horeek, ‘la fuerza del testimonio – lekuan lekuko’ logoak eta goiburuak zabaltzen dabezan askotariko kolorez tindatu gura dabe.
Alkarte abegitsu eta barneratzaileak
Kurtso hasierako irudiak, hainbat pertsonen bidez irudikatuta, Bizlaiko Eleizan dagozan askotariko karismak, egoteko eta izateko erak nabarmentzen ditu. Kartelean agertzen dan batek, Bizkaiko Caritasen petoa daroa, monja da bestea, edo eskaut neskatoa, kurutzea tatuatuta daroan mutila, edo itsua bere txakur gidariagaz, edo txanoan hasierarko kristauen arrainaren sinboloa dauan motxiladuna, edo pertsona nagusia txapelagaz, edo ahalmen-urritasuna dauan lagun bat… Bilboko Eleizbarrutiko alkarteen errealitateetako batzuk irudikatu gura dituan irudia da. Pertsonak alkarri lotuta dagoz, amai bako besarkadan eta jarrera hori dei da eurakaz bat egin gura daben guztientzat.
Egitasmorako Batzorde Teknikotik azaldu dabenez,‘Bagara. Comunidad acogedora e inclusiva’ “ikuspuntua sustatu gura dau Eleizbarrutiak datorren kurtsoan. Begirada horrek bultzada izan gura dau bategitean, ‘bagara’ horretan, bakarkako eta alkarteko bihurtzean sakondu daigun. Ez jako ezer barririk gehitu gura dagoeneko eleiz errealitateetan programatuta dagoanari. Ahal dan neurrian, lekuan lekuko ekintzak margo honegaz pintatzea da helburua”. Horretarako, datorren pastoral ekiturtean, kontu hau lantzeko lagungarri izan daitekezan eta pandemia aldian garatu zan aurreko kanpaina baten aitatu ziran lagungarriak aurkeztuko dira.
Gogoetarako lagungarriak
Eleizbarrutiak alkarte abegitsuei buruzko kanpaina jarri eban martxan 2021-22 kurtsoan, alderdi honen inguruan gogoeta egiteko eta alderdi hau bizitzara eroateko.
