Izaera sagaratua emon jakon eraketa geologiko bitxia barne hartzeko helburuagaz eraiki zan Arretxinagako ermita. Barrualdeko hiru harkaitzek ‘kapera’ itxurako zerbait osatzen dabe. Antxina, hitz egiteko zailtasunak ebezan umeak eroaten ebezan ermitara edo jenteak zuloguneetako batean sartzen eban burua buruko mina arintzeko eta harriek garatxoak kentzeko ahalmena ebela be esaten zan.
Ohitura eta siniskeria herrikoiez harago, lehenengo aldiz Erdi Aroan eraiki zan Arretxinagako hiru harkaitzen ermita kultu-etxe izan zan. 1451eko agiri batean agertzen da aipatuta lehenengo aldiz. Gaur egungo eraikina Berrizko P.B. Villarreal XVIII. gizaldiko goi-mailako ingeniari eta teorikoarena da (1741).
‘Goazen!’ kurtso hasierako bisita gidatua
Arretxinagako ermitara egingo da bisita gidatuetako bat kurtso hasierako ekitaldian.I railaren 30ean izango da hori eta autobusak jarriko dabez bikaritza guztietan. Ezinbestekoa da aldez aurretik esteka honetan.izena emotea.
