Noticias

Aurrera darrai Andra Mariaren Zeruratzearen egunak Bizkaian, Begoñako basilika zabalik dago goizeko lauretatik, lehenengo erromesak mezatara heldu diranetik. Goiz parteko ospakizunak amaitu dira, baina arratsaldean barriro bostetan egongo da lehenengoa eta holan orduro, gaueko bederatziak arte. Pandemia aldian, beste modu batera, toki mugatuakaz, baina ez eban etenaldirik izan jaiak. Aurton, igarri da bai beste egoera baten gagozana. Milazak sinisdun eta ohiturazale hurreratzen dabilz Amatxuren oinetara. Bilboko gotzaina eguerdiko meza burua izan da. Bilboko alkatea eta beste agintari …

On Joseba Segura Bilboko gotzaina izango da buru hamabietan Begoñako basilikan ospatuko dan meza nagusian. Bertan izango dira agintari instituzional batzuk be. Miriam Cepeda santutegiko organo joleak lagunduko dau liturgian eta Beti Jai Alai dantzari taldean ohorezko aurreskua dantzatuko deutso Amatxuri. 

Gaur, milazak izango dira goizaldeko lauretan hasi eta gaueko bederatzietara arte Begoñako basilikara joango diran erromesak. Andra Mariaren Zeruratzea Amatxuren, Bizkaiko zaindariaren oinetan ospatzea usadioa da aspalditik. Santutegian Amatxuren irudia gordetzen da baina badagoz beste elementu bitxi batzuk be barruan. Besteak beste, Jose de Echenagusiak 1902an margotu eban kuadro bat. Bertan, sasoiko pertsona ezagunak ageri dira. Ezagutu gura dozuz? Enrique Francok, basilikako sakristauak ondotxo ikertu dau.

Bizkaian eleizarik gehienak Andra Mariri eskainitakoak dira. Bhar, Amabirjinearen Zeruraretzearen egunez ospakizunak izango dira eleiza barruetan eta kanpokaldean be. Bizkaian Begoña izango da sinisdun gehien batuko dauazala eta ugari goizaldean atarako dira oinez erromesaldia egiteera. Lehenengo mezea bihar goizeko lauretan hasiko da. 

Atzo, urte biko etenaldiaren ostean, Erruki Etxeak bere zaindariaren eguna ospatu eban. Santimami da nagusien etxeko santua, han egon zalako berari eskainitako ermita bat. Kerman Lopez, Bikario Nagusia izan zan meza burua atzoko ospakizunean. Bere homilian, bakotxaren bizitzan zehar bidelagun izan doguzanak gogoratzeko eguna zala adierazo eutsen bertan batutako nagusiei. Izan be, eurak izan ziran atzoko protagonistak Etxeko beharginakaz batera, eurentzako be omenaldi eguna izan zalako. Bilboko alkatea, Juan Mari Aburto be egon zan ospakizunean parte hartzen. 

Pandemia sasoi aurreko garaietako itxurea hartuko dau zigurrenik Begoñak hurrengo domeka eta astelehenean. Andra Mariaren jaia ospatuko da Bizkaiko parrokietan abuztuaren 15ean baina zalantza barik jente gehien batuko dan lekua Amatxu dagoan basilikea da. Goizaldean hasita erromesaldiak egongo dira Bizkaiko txoko guztietatik. Asteleheneko lehenengo mezea goizaldeko lauretan ospatuko da eta eguneko azkena, iluntzeko bederatzietan.

Ayer comenzó en Lekeitio el Festival Itxas Soinua de música. La parroquia Santa María acoge un ciclo de cinco conciertos de figuras y formaciones de prestigio hasta el próximo 15 de agosto. Todos los conciertos a las diez de la noche. Hoy será el turno del coro de cámara de referencia, `Kea Ahots Taldea´.

Gaur, Santa Klara egunez, Bilboko gotzainak Basurtuko Kaputxinakaz ospatu dau mezea. Mezu garbia itxi gura izan dau alkartearen aurrean: zaindariaren eredua jarraitzeko. Santa Klara pobrea, apala eta karidade zabaltzailea izan zan eta monjei be holan jokatzeko eskatu deutsie. Azken baten, eurak diralako uriaren erdian Jaungoikoaren aurpegi ederra erakutsi leikienak.

Gaur Santa Klara eguna ospatzen dabe Durango, Gernika eta Bilboko monja klaretarrek. On Joseba Segura gotzainak 12:00etako mezea ospatuko dau Basurtuko monja kaputxinakaz. Durangon goizeko bederatzietako mezatan banatuko dabez ohiko Santa Klarako ogitxoak. Azken bi urteotan ez dabe holakorik egin pandemiagaitik. Gernikan, mezea arratsaldeko zazpiretan izango da.

Santiago Biderako eta Erromesaldietako Elizbarrutiko sailak ekimena antolatu dau abuztuaren 14rako, Andra Mariaren egunaren bezperarako. Erromes ugari dabil Done Jakue Bidea egiten udan zehar eta atsedenaldia hartzeko eskaintza egiten jake. Arratsaldeko sei ta erdietan, Kurutze Santua eleizan, topaketa bat izango da. Bertan, esperientziak trukatzeaz gain, otoitz egiteko konbitea luzatuko da.