Noticias

Diakonoek asteburuan ospatuko dabe euren eguna. On Joseba Segura gotzaina buru dala, gaur ospatuko da Eukaristia Begoñako basilikan, 11:00etan.

Atzo arratsaldez - martitzena-, Bilboko Eleizbarrutiko Seminarioan kurtsoari hasiera emon eutsen. Eukaristian ospatu eben Begoñako basilikan eta ondoren Seminarioan alkartu ziran heziketa-talde barria eta ekitaldian parte hartu ebenak. 

Eleizbarrutiko Seminarioak aldi desbardinetan dagozan zazpi abadegaigaz, propedeutikoan dagozan lagun bigaz, bokazino-egoitzan dagozan hirugaz eta Aitor Uribelarrearen lekua hartu dauan Ignacio Fernandez errektore barriagaz ekingo deutso kurtsoari.

'Goazen!' kurtso hasierako ekitaldiaz gainera, asteburuan, Cáritas, parrokia eta migrazinoei eskaini jake arreta

Ekiturte hasiera ofiziala gaur, Mesedeetako Amabirjinearen egunez, gauzatu da Eleizbarrutian. Bilbon izan da ekitaldi nagusia eta bihar lekukoa bikaritzek hartuko dabe. Caritas eta kristinau alkartearen arteko kanpainea egingo da eleizetan eta gaur uriburura etorri ezinik geratu diranentzat, ospakizuna euren parrokietan egingo dabe. VI Ebanjelizazino Plana abian jarri da eta orain karta jokoen dinamikea edo bakotxak egokien ikusten dauena hartuta, aurrera egiteko konbitea egin dau gotzainak bere berbaldian. 

Indautxuko jesuiten ikastetxean ospatuko da gaur 'Goazen!' 2022-23 kurtsoari hasiera emoteko ekitaldia

Bihar Bilboko Eleizbarrutiak hasierea emongo deutso kurtsoari Indautxuko Jesuiten ikastetxean. Goizeko 11etan hasiko da ekitaldia polikiroldegian, 13:00etan ospakizuna egongo da eleizan eta 13:30etan, bazkaria izango da aldez aurretik izena emon dabenentzat. Bilboko gotzainak, on Joseba Segurak, VI. Plana aurkeztuko dau ekitaldian. Bertan azaltzen diran lerro nagusiak gorpuzten dabilzan lekukotzak ikusi eta entzungo dira ekitaldiaren lehenengo zatian. Bigarrenean, 12etatik aurrera, Jose Mari Kortazar lurralde bikarioak okasinorako prestau dan karta-jokoen dinamikea aurkeztuko dau. `Altrius´ …

Deustuko Unibertsitateak hasiera ofiziala emon deutso ikasturte barriari. Ekitaldi zibilaren aurretik, mezea ospatu da. Gotzaina izan da eukaristia burua eta bertan mezu argi batzuk itxi dauz. Alde batetik "jakintza-arlo ezbardinen arteko alkarrizketea erraztu" behar dala eta Unibertsitatean "zientzia eta humanismoa idi-uztarriak" dirala. Era berean, aurrera begirakoak azpimarratu dauz zera esanda: "erronka bat da eta bideak ugari". Zapatu honetan Eleizbarrutiak inauguretan dauan kurtso hasierearen leloari keinua eginez "koloreak kolore, lekuan lekuko izateko jaio gara", esan dau. …

Astegoien honetan, irailaren 24 eta 25ean, Bilboko Elizbarrutiak jardunaldi bi ospatuko dauz pastoral ekiturteari hasierea emoteko. Zapatuan, Goazen! ekitaldia egingo da Bilbon. Bertan 300 lagun inguruk hartuko dabe parte. Domekan, Bizkaiko eleizetan inaugurauko da modu ofizialean kurtsoa. Bizkaiko Caritasek eta parrokiek kanpaina bateratua egingo dabe. `Mila kolore hainbat balore´ da jardunaldiaren goiburua, "Bizkaiko kristau alkartea osatzen dogun norbanako eta ekimen anitz eta aberasgarriak galdu barik", adierazoten da gonbidapen mezuan.

Bilboko gotzainak ohar bat kaleratu dau `Gaztelueta kasua´ deritxonaren inguruan. Bertan azaltzen dauanez, Aita Santuak 2014an izan eban Gaztelueta eskolako irakasle baten kontra jarritako abusu salaketen barri. Harrezkero, hurretik jarraitu dauz bai Eleizeak zein Auzitegiek kasuaren inguruan hartutako ebatziak. Orain, prozesu kanonikoa zabaltzeko agindu dau erantzukizunak argitzeko eta sortutako zauriak osatzen laguntzeko.