27-02-2024 Martes, II semana - cuaresma
Bizkeliza 5 Gaurkotasuna 5 Barriak
 

Barriak

Etiquetado como: Ordenazinoa

15.06.2023

Atzeratu egin da David Garridoren abadegintza

Gotzainagaz berba egin ondoren, David Garrido diakonoak denpora gehiago eskatu deutso urratsa emon aurreko erabaki hain garrantzitsua sakon hausnartzeko. Abadegintza uztailaren 2an ospatzekotan zan.

Barri-bilatzailea
-(r)en araberako bilaketa “...” Aurkitu dira 928 Emaitzak.
-(r)en arabera ordenatu
Emaitzak orrialdeka
27.02.2024

Sakramentu-kudeaketari eta datuen babesari buruzko ikastaroa

Nerea Basterretxea Eleizbarrutiko Notaritzako arduradunak eta Anabella Barroso Bizkaiko Eleizaren Historia Artxiboko (BEHA) zuzendariak sakramentu-kudeaketari eta datuen babesari buruzko ikastaroa emongo dabe martxoaren 9 eta 16an -zapatuz-. Euren esanetan, "barritasunak aurkeztuko doguz, plantilla barriak banatu eta zalantzak argitu eta kasu praktikoak ebatzi". Saio biak Barria eraikineko (Plaza Barria 4, Bilbao -farmaziaren ondoan-) lehenengo solairuko aretoan ospatuko dira 10:00etatik 14:00etara.

26.02.2024

Emigrazinoaren inguruko batzarrak Astrabudua eta Erandion

Otsailaren 18an, domekaz, Astrabuduako San Lorentzo parrokian eta otsailaren 24an, zapatuz, Erandioko San Agustin parrokian, batzarrak egin dira etorkinakaz. Ekipo ministerialak eta Ebanjelizatzearen Eleizbarrutiko VI. Egitasmoa sustatzeko sortutako batzordeak deituta egin dira eta 30 etorkin inguruk parte hartu dau, gehienak emakumeak baina baita senar-emazteak eta gizonak be. Antolatzaileek kontua izan eben ordua jartean, etxeetan lan egiten daben emakumeek, barneko langileek eta eraikuntzakoek parte hartu eien.

26.02.2024

"Alkarte abegitsu eta barneratzaileak", kulturarteko taldeen erretiroan

Eleizbarrutiko kulturarteko taldeek Garizuma-aldiko erretiroa ospatu eben atzo Bilbon. Egunari hasiera emoteko, partaideei harrera egin jaken eta kafea eskaini jaken. Ondoren, jentea motibatu eta bakarka eta taldean gogoeta egiteko aukera izan zeben. "Alkarte abegitsu eta barneratzaileak eraiki" gaiaren inguruan jardun eben. 

26.02.2024

Asteburuan, jardunaldiak, heziketarako saioak eta beste hainbat topaketa

Barikuz, Ziprien Melibi idazlea bertan zala, "Grito africano" liburua aurkeztu zan Bilbon. Egun berean, Juanjo Elezkano abade, musikagile eta abeslariak "Txori kantari" bere disko barria aurkeztu eban Bermeon. Beste alde batetik, Eleizbarrutiko ordezkaritzak "Heziketa eta Eleiza" biltzarrean parte hartu dau Madrilen eta zapatuz heziketarako saioa ospatu eben II. bikaritzan Eleizbarrutiko Teologia eta Pastoraltza Instututuaren (ETPI) eskutik. Ondoren, barri honeen eta azken orduko beste batzuen laburpena:

26.02.2024

'Aizu!!!' Langile Pastoraltzaren agerkari barria Emakumearen Nazinoarteko Eguna dala-eta

Bilboko Eleizbarrutiko Langile Pastoralzak Aizu!!! agerkariaren 93. alea kaleratu dau, "alkarte abegitsu eta barneratzaile" izateko oinarriak jarri guran. Horretarako, lagun bakotxak etxean, aske eta protagonista sentitu behar dauala dinoe. Datorren martxoaren 8an Emakumearen Nazinoarteko Eguna ospatuko dala-eta, zera esaten da: "ezinbestekoa dogu eginahalak egitea, emakume eta neskatoen bardintasuna eta duintasuna benetan gauzatzeko".

25.02.2024

Astekoak, Eleizbarrutiko barriak

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
24.02.2024

Gernikako Asisko San Frantzisko eleizatik emongo dabez mezak ETBn

Gernikako Asisko San Frantzisko parrokiatik emongo dabez Eukaristiak domeka goizeko 10:00etan, ETBren lehenengo katetik euskeraz. Jesus Llarena parroo eta Liturgiarako Eleizbarrutiko ordezkaria izango da buru Eukaristietan. Ohikoa danez, meza inguruko Eleizbarrutietan grabatzen da. Oraingoan, Bizkaiak hartu dau Gipuzkoaren lekukoa datozan lau domeketarako. 

23.02.2024

Bizkaiko ordezkaritza Eleiza eta heziketari buruzko Biltzarrean

Heziketa eta Kulturarako Gotzain Batzordeak antolatu dau bihar, otsailak 14, Madrilen amaituko dan "Eleiza heziketan" biltzarra. Biharko saioan zein Bartzelonan hasi ziran aurreko saioetan, Bizkaiko kristau seneko heziketa-arloko ordezkaritza zabalak parte hartu izan dau. Biharko saioan, hogeta hamar lagun inguruko taldeak parte hartuko dau, On Joseba Segura BIlboko gotzaina buru dala. Julen Elgueta Lanbide Heziketarako Ikastegien Euskadiko Alkarteko presidentea izango da hizlarietako bat IFEMan antolatu diran askotariko paneletan. 

23.02.2024

Heldu da Garizuma-aldiko 'txoria' lagungarri barriakaz

Fede-zabalkunde eta Katekesirako Ordezkaritzatik, Garizuma-aldiaren inguruan gogoeta egiteko lagungarriak aurkeztu deutsez adin-talde desbardinei.

Ebanjelizatzearen Eleizbarrutiko VI. Egitasmoaaren sustapenerako taldearen arrastoari jarraituz. Fede-zabalkunde eta Katekesirako Ordezkaritzak lagungarriak prestatu ditu Garizuma-aldirako. Alkarte abegitsu eta barneratzaileak / Comunidades acogedoras e inclusivas goiburuaren haritik, gaur egun abegi eta barneratzeak zer esan gura dauan aztertzen lagundu gura dabe.

Beste batzuetan lez, kristau alkarte osoarentzako lagungarriak be …

22.02.2024

Bihar jakingo da bideoklip onenaren ikastetxe sariduna nor dan

EBI sareko 17 ikastetxeetatik 15ek aurkeztu dabezan 30 bideoklipek parte hartuko dabe Kultur Erakundeen Mahaiak antolatutako 'Jazotajoa jaso' lehiaketan. Aurtengo ikus-entzunezko lanak kulturartekotasunari buruzkoak dira eta bideoklip onena aukeratzeko botoa emoteko epea, gaurko 23:59etan amaituko da. 

Emaitzak orrialdeka