Barriak
Etiquetado como: Erroma
ZORIONAK ETA ESKERRIK ASKO!
Autorpena eta esker ona gaur abadegintzaren urteurrenak ospatu dabezan abadeei. Aparteko autorpena Eleizbarrutiko abadeen artean zaharrena dan Jose Angel Ubietari.
Abadegintzaren urteurrenen ospakizuna, zuzenean
Gaur, ekainak 1, Jesukristo gure Jaun eta Abade Nagusi eta Betierekoaren egunez, abadegintzaren urteurrenak ospatuko dira.
Carlos Olabarri, Ministerio Ordenaturako Idazkaritzako zuzendari barria
Carlos Olabarri Arratialdeko parroko eta Adin txikikoen eta Sexu Gehiegikerien Biktimen Babeserako Bilboko Eleizbarrutiko Batzordeko zuzendariak hartuko dau Rafa Saezen lekua Ministerio Ordenaturako Idazkaritzako arduradun lez. "Esker onez" hartu dau bere gain ardura hau, berarengan jarritako konfiantzagaitik, eta "arduraz", pertsonei, eta kasu honetan Eleizbarrutiko abade eta diakonoei, lagun egiteak ardura handia eskatzen deutsalako.
Eleizbarrutiak mahaia sustatu AAren erabilera etikoa eragiteko komunikabideetan
Kultur Erakundeen BIlboko Eleizbarrutiko Mahaiak antolatu eta atzo -eguaztena-, goizez Euskalduna jauregian eta arratsaldez Barria eraikineko lokaletan ospatu zan "Komunikazinoa eta Adimen Artifiziala (AA)" gaiari buruzko jardunaldian, hainbat komunikabide (Berria, El Correo, Radio Bilbao Cadena Ser, COPE Bilbao, Radio Popular, Bizkaia Irratia), Euskal Eleizbarrutietako Komunikabideetarako ordezkaritzKeta Kazetarien Euskadiko Alkartea eta Kolegioa "Komunikabideetan AAren erabilera etikoa sustatzeko Dekalogoa" sortzeko mahaia eratzeko konpromisoari atxiki jakezan. Komunikabideetarako …
Adimen artifizial eta humanismoari buruzko mahai-ingurua, zuzenean
Goizeko 11:30etatik aurrera zuzenean emongo da Euskalduna jauregitik komunikazino, eleiz, zientzia, filosofia eta heziketaren arloko adituen partaidetzagaz ospatuko dan ekitaldia.
Jarraitu zuzenean, 11:30etatik aurrera, komunikazinoaren jardunaldia
Gizarte komunikabideen eta AAren inguruan ospatuko dan saiorako leku guztiak joan dan astean bete ziran. Aitatutako saio hori gaur -eguaztena- ospatuko da Euskalduna jauregian, Kultur Erakundeen Bilboko Eleizbarrutiko Mahaiak antolatuta. Web orrialde honek zuzenean jarraitzeko aukera emongo dau.
Eguenez, abadegintzaren urteurrenak Begoñan
Elena Unzueta, Bizkaiko Caritaseko zuzendari barria
Elena Unzueta Torre izango da Bizkaiko Caritaseko zuzendari irailetik aurrera. Jatorriz Zallakoa dan soziologo hau Eleizbarrutiko Pastoral Kontseiluko kide da. Gaur egun eleiz erakundeko zuzendari dan Carlos Bargos Bilboko Gotzaitegiko Idazkaritza Nagusiaz eta Laikotzarako Idazkaritzako Zuzendaritzaz arduratuko da. Gaur egun Idazkari Nagusi dan Juan Manuel Seco, bere aldetik, Eraikinen saileko arduradun izango da, egitura barri honegaz sendotu egin gura dan eremu estrategikoan.
Aita Santuak esker ona adierazo deutso Lourdeseko Hospitalitateari bere lanagaitik
Joan dan astean, Lourdeseko Hospitalitateen Espainiar Federazinoak peregrinazinoa egin dau Erromara eta Frantzisko Aita Santuagaz hartu-emona izan dabe eskumuinak egitean, eguazteneko -maiatzak 24- audientzia orokorraren ostean. Hamaika laguneko taldea joan zan Bilbotik, tartean, Cristina Gorostiza Hospitalitateko Bilboko presidentea, Aitor Uribelarrea Eleizbarrutiko kontsiliarioa eta Pablo Garamendi Federazinoko estatuko presidentea. Garamendiren esanetan, "Frantzisko Aita Santuak egiten dogun lanagaitik esker ona adierazoteaz batera, adore emon euskun eginkizun horretan iraun …
Mendekoste eguneko ospakizunak, sendotzak eta batzarrak
Asteburu honetan, Mendekoste Eguna ospatu da eta honen inguruko hainbat batzar eta jarduera ospatu da Eleizbarrutiko Pastoral Barrutietan (PB). Gainera, barikuz, gotzaina buru zala, 19 gaztek sendotza hartu eben Matienan. Bedian, Arratiako Eleizaren eguna ospatu zan eta Kurutze Santua-Opus Dei Abade-alkarteko eta Pradoko Abadeak Alkarteko Eleizbarrutiko hainbat abade alkartu zan Barria eraikineko lokaletan. Atzo -domeka-, alkarte latinoamerikarrak hileroko hitzordua izan eban San Luis Beltran parrokian. Hona hemen azken orduetako hitzorduen irudiak: