28-03-2024 Jueves, semana - semana santa
Bizkeliza 5 Gaurkotasuna 5 Barriak ( Page 4 )
 

Barriak

Etiquetado como: Afrika

Barri-bilatzailea
-(r)en araberako bilaketa “...” Aurkitu dira 1017 Emaitzak.
-(r)en arabera ordenatu
Emaitzak orrialdeka
18.03.2024

Kulturarteko Kurutze-bidea eta Karidade eta Zuzentasunerako boluntarioen erretiroa, Bilbon

Jente ugari batu zan Bilbon, zapatuz ospatu ziran ekitaldi bitan. Alde batetik, kulturarteko Kurutze-bidea ospatu zan Deustun, San Felicisimo parrokian, nazinoarteko taldeen eta latinoamerikar, afrikar eta txinatar alkarteen parte-hartzeagaz. Bestetik, Karidade eta Zuzentasunerako III. eta VII. bikaritzetako boluntarioek Garizuma-aldiko erretiroa ospatu eben, Gonzalo Eguia diakonoak gidatuta. 

18.03.2024

"Bilbao eleiz-artea Gizakundean" jaialdiaren ekitaldi barria

“Sacra Legata” goiburuaren haritik ospatuko da aurton Bilboko udalak antolatzen dauan Bilbao eleiz artea jaialdia, martxoaren 22tik 26ra Gizakundea eleizan. Collegium 1704, Calmus Ensemble, Ensemble il Caravagio, Barbara Hendricks eta Tiburtina Ensemble nazinoarteko taldeen emonaldiak 19:30etan izango dira. Sarrerak (8 euro), txartel-lehiatilan, Arriaga antzokiaren webean eta MUSIKA-MÚSICAren webean eskuratu daitekez. 

17.03.2024

Eleizbarrutiko asteko barriak

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
16.03.2024

Juan Mari Bautista: "Oraingoz, nire lekua han dago"

Martxoaren 19a Euskal Eleizbarrutietako Misinoei lotuta dagoan eguna da. Misinoetarako ordezkaritzak hainbat jarduera antolatzen dau egun horren inguruan. Guayaquileko (Ekuador) ipar-mendebaldean dagoan Monte Sinain misiolari dan Juan Mari Bautista Eleizbarrutiko abadea bisitan da Eleizbarrutian eta, besteak beste, Misinoen kanpainan parte hartzen dihardu bere lekukotasuna emonez.  Datorren martizenez, martxoak 19, Juan Mari Ermuko Santiago Apostolua parrokian izango da 19:00etatik aurrera. 

15.03.2024

Ez zara joan oraindik San Juan de Dios ospitaleko artisau-azoka solidariora?

Martxoaren 22ra arte egongo da zabalik San Juan de Dios ospitalean XIV. artisau-azoka solidarioa Liberiako Monroviako New Kru Town osasun-etxearen alde. Astelenetik barikura, 10:00etatik 17:00etara, bisitatu daiteke erakusketa eta sarrera doan da. Aurreko ekitaldietan lez, batu daiten diru guztia aitatutako osasun-etxera bialduko da Juan Ciudad GGKEaren bitartez. Martxoaren 8an, San Juan de Dios egunez zabaldu eben artisau-azoka.

15.03.2024

Juanjo Elezkanok "Txori kantari" bere diskoa aurkeztuko dau gaur Elorrion

Juanjo Elezkano eleizbarrutiko abade, musikagile eta abeslariak "Txori kantari" diskoa kaleratu barri dau. Abenduan aurkeztu zan Durangoko azokan eta azken asteetan Bilbao, Bermeo eta Gernikan egin da aurkezpena. Elorrion aurkeztuko dau gaur, 19:30etan, Sortze Garbia parrokian.

14.03.2024

Gotzainaren lehenengo batzarra lurraldeetako ekipo ministerialakaz

On Joseba Segura eleizbarrutiko gotzainak hasiera emon deutse gaur ekipo ministerialakaz eta pertsona esanguratsuakaz egingo dituan batzarrei. Pastoral Barrutietako (PB) egoeraren barri jasotea eta EEEa nork bere egin eta garatzeko irakurketaren nondik norakoak ezagutzeko dira batzarrok.

14.03.2024

Gaur, Otxarkoagan, poesia-errezitaldia "Garizuma-aldirako"

Gaur arratsaldez, 'BESTE BERBA BATZUK' Garizuma-aldirako poesia- eta musika-errezitaldia ospatuko da Otxarkoagako Justo eta Pastor Santuak eleizan, 19:30etan. Jose Serna Andres teologoak idatzita dago eta Carlos Gil teologoak aurkeztuko dau. 

14.03.2024

Eleizbarrutiko Misinoen deia "bide barrietara" lotzeko

Aurton, martxoaren 19ean, San Jose egunez, "Bide barriak / Muevos caminos" goiburuaren haritik ospatuko dan Misinoen kanpaina, desbardina izango da, ez da-eta jaieguna. Feli Martinek, egun honen inguruan idatzi dauan gutunean, eskaria egin dau: datorren domekan, martxoak 17, martitzenez, martxoak 19, Eleizbarrutietako Misinoen eguna dala gogoratu daitela. Kanpainaren inguruko barriak (lagungarri eta jarduerak): hemen.

13.03.2024

"Jesusen agerpen publikoa hildakoen aldarrikapen da, batez be ezezagun eta ahaztutakoena"

Atzo, Bilboko gotzainak Bilboko Aste Santuko pregoia emon eban, Kofradiek On Joseba Segura aukeratu eben "Bilbon jaiotako lehenengo gotzaina dalako eta euren agerpena eta barruko barrikuntza sustatu daualako". Kofradia gehienak fededunen alkarte pribatuak ziran eta gotzainak bultzada emon deutse fededunen alkarte publiko bihurtu daitezan, "euren jarduera publikoa" da-eta. Amaia Arregi jarduneko alkartea bertan zala ospatu zan ekitaldiari Luis Alberto Loyo katedraleko deanak egin eutsan sarrera. Ondoren, Luis Olaortua Penitentziazko Kofradien presidenteak aurkeztu eban gotzaina eta honek …

Emaitzak orrialdeka