25-02-2024 Domingo, II semana - cuaresma
Bizkeliza 5 Lehenengo Orrialdea 5 Elorrioko gazte biren lekukotzak Portugaletik
02.08.2023

Elorrioko gazte biren lekukotzak Portugaletik

Gaur Bizkaia Irratian alkarrizketea egin deutsie Maria Orbegozo eta MIguel Crespori. Biak ala biak pozik azaldu dira bizitzen dagozan esperientziagaitik. Miguelek lehenengoz hartzen dau parte. Burgosen egon da ikasten aurton abade baten etxean eta berak emon eutsan honen barri. Mariarentzat ez da lehenengo aldia. Beste batzuetan be hartu dau parte Jardunaldietan eta gustura bizi dauz egunok. Astelehenean heldu zan Portugalera Bilboko Elizbarrutiko taldeagaz.

Gaur goizean emon dabe euren lekukotzea Bizkaia Irratian Miguel Crespok eta Maria Orbegozok. Pozik Portugalen munduko milazak gazte katolikogaz batera bizitzen dagozan esperientziagaitik.

Miguel Crespo pozik eta gustura egunokaz. Esperientzia bizitzeko konbitea egin eutsan Burgoseko abade batek eta holan animau zan.

Uztailean heldu zan Portugalera Viseuko Eleizbarrutian aldez aurretiko egunak bizitzera. Errezatzeaz gain turismoa egiteko eta jente ugari ezagutzeko aukerea izan dau bidaia honetan. Atzo Joseba Segura gotzainagaz egon zan topaketan hartu eban parte. Arratsaldean hasierako mezatan egon zan. 

María Orbegozo da Gazteen Munduko Egunetara joan dan beste bat. Berau be Elorriokoa. Aurretik be hartu dau parte beste honelako ekitaldi batzuetan. Gustura eta pozik dago bizitzen ari dan esperientziagaitik. Beste lagun batzukaz joan da Portugalera. Oso interesatuta dago gaur Osoko ekologiaren inguruan emongo dan katekesian.

Bittor Madariaga, Elizbarrutko Gazteria arlokoa da. Egunok “oso intentsoak” dirala dino. Batez be dagoan jendetza piloa nabarmentzen dau eta bizitzen ari diran esperientzia.

Aita Santua heldu da Portugalera

Gaur goizean heldu da hegazkina. Beragaz batera kazetariak joan dira hegaldian. Agenda bete-betea eukiko dau egunotan Frantziskok.

Hoy, tras las catequesis de la mañana los participantes de la JMJ tienen el día libre