Noticias

Sergio Buiza eta Alex Andreu abadeak buru izango dira, gaur, Pobeñako Ntra. Sra. del Socorro ermitan, goizeko 6:00etatik 11:00ak arte egingo diran ospakizunetan. Hamaiketako ospakizunaren ostean, Ama Birjina prozesinoan eroango dabe San NIkolas parrokiara eta bertan ospatuko da eguneko azken Eukaristia.

VI. EEEak proposatzen dauan guztitik alkarte edo erakunde bakotxean zer egin erabagitzeko, lau koloretako (erronka bakotxeko bat) karta-sorta (kolore bakotxeko 12 karta) aurkeztuko da. Ospatu, iragarri, zerbitzatu eta alkartea dira aurkezten diran lau erronkak.

Biihar, irailak 7, arratsaldeko zazpiretan, Iurretako Ibarretxe Kultur Etxean Eleiz Museoko zuzendariak, Juan Manuel Gonzalez Cembelinek berbaldia emongo dau. “Erdiaroko janariak" izango da gazteleraz eskainiko dauen hitzaldiaren izenburua. Horren ostean, “Ihurrieta 1072” urteurreneko aldizkaria aurkeztuko da. Amaitzeko, hitzaldian aipatutako janaritariko batzuk dastatzeko aukerea izango da. Era honetara, amaierea emongo jake Iurreta agiri baten idatziz lehenengoz agertu zaneko 950 urte beteten dirala-ta antolatu dabezan ekitaldiei.

Taldeak Munich bisitatuko dau eta baita Neuschwansteineko gaztelua eta eleiza barrokoa eta Andechseko eta Wieskircheko monasterioak be. Dachaura be joango dira kontzentrazino-esparrua ezagutzera eta Nurembergera, kasu honetan, gaztelua, eleizak, nazismoari buruzko museoa eta ospakizun-zentroa ikustera.

Irailaren 24an emongo jako hasiera kurtsoari, jesuitek Indautxun daukien ikastetxean ospatuko dan ‘Goazen!’ ekitaldi publikoagaz: “La fuerza del testimonio – Lekuan lekuko”, Zeuok be egingo dozue autormen, ze hasieratik Neugaz zagoze (Jn 15, 27).

Raimunda de Amondarain, Ramona de Arregi eta Maria Teresa Verdes izan ziran, besteak beste sasoi baten espioitza lanak egin ebezanak. Hirurek be lotura zuzena izan eben Bilbogaz. Raimunda adibidez, `La palanca´ deritxon kalean ibilten zan artista modura. Kabaretera modura `La Sultana´ ezizena erabilten eban. Inglaterrara joan zan eta agente bikoitz modura ibili zan I Mundu Gerran. Ramona Julian de Areilzagaz ezkondu zan Abandoko San Bizente parrokian eta bigarren karlistadetan espioi modura ibili zan. Maria Teresa Verdesek, kartzelaratuen eta atzerrian egoan Jaurlaritzaren arteko …

Gotzon Goioaga uztailaren 28an hil zan eta bere arimaren aldeko mezea bihar –domekea- ospatuko da Otxandion, 12:30etan. Abuztuaren 8an hil zan Johnny Vargasen aldeko oroimenezko meza datorren zapatuz, irailak 10, ospatuko da eguerdiko 12:00etan, Gurutzetako parrokian.

Azken hamar urteotan ordenatu diran Bartzelonako artxidiozesiko 30 abade bisitan izan dira Bilboko Eleizbarrutian abuztuaren 29tik irailaren 2ra, pandemiak eragindako urte biko etenaldiaren ostean urteroko erromesaldia berreskuratuta.

Web honetan jakitera emon dogunez, irailaren 24an emongo jako hasiera kurtsoari ‘Goazen!’ ekitaldiagaz. Biharamunean, irailak 25, kurtsoko lehenengo jardunaldiak izango dira: Bizkaiko parrokien eta Caritasen aldeko baterako kanpaina eta Etorkin eta Errefuxiatuaren Munduko Eguna.

Gaur Kreazioaren zainketaren munduko otoitz eguna ospatzen dau Eleizeak. Horren harira, Gotzain Konferentziatik mezu bat kaleratu dabe. Honetan, krisi energetikoa, bakea, eta kreazioaren zainketen harteko harremanen inguruan hausnartzen dabe.