Noticias

1995 eta 2010 bitartean Bilboko gotzain izan zan Mons. Ricardo Blazquezek dohaintzan emondako liburuak batez be Teologia Dogmatikoaren, Oinarrizko Moralaren eta Eleizaren Historiaren ingurukoak dira

Atzo, 2022ko ekainak 1, Bilboko Gotzaitegiak Bilboko Heros eta Barrainkua kaleen arean kokatuta dagoan eta Bilboko Eleizbarrutiaren egoitza bakarra jasoko dauan lursailaren zati baten truke-eskriturak sinatu ebazan Murias S.A. enpresa eraikitzaileagaz. Aurrerantzean eraikinaren eraikuntzari ekingo jako eta lan horreen iraupena urte bi ingurukoa izango da. 

Fidencio Berrade Tanco eleizbarrutiko abadea atzo hil zan Bilbon. Bere arimaren aldeko hileta-eleizkizuna bihar –barikua- ospatuko da, arratsaldeko bostak eta erdietan, Sestaoko Andra Mariaren Deikundea parrokian.

Barriztauta dago eta bere betiko lekuan, Arteako ermitan, orain hiru urte apurtu eben Santiagoren irudia. XVII. mendean egurrez egindako pieza honi konponketa ugari egin behar izan deutsez egoera onean izteko. Santiago egunera arte, uztailaren 25era arte, izara batekin estaliko da eta egunean bertan bistaratuko da. Konponketa lanak Aurea enpresaren esku egon dira eta parrokiak berak ordainduko dauazan 3.000 euroko kostua eragin dabe,  

Uda honetan, Otoitza eta Bizitza Tailerrak Sevillan ospatuko dira uztailaren 3tik 8ra.

Aita Santuak gaurko audientzia publikoan Ukrainako herritarrak eta gerra honen ondorioz munduko herri pobreenei jatorkezan galtzeak euki dauz gogoan. Gariaren esportazinoei jarten dabilzan debekuak geratzeko deialdia egin dau. Bestalde, gaur emon dau jakitera Aita Santuak On Mario Izeta, Burgoseko artzapezpikua izango dala Gorengo Kultuaren eta Sakramentuen Emotearen Kongregazinoaren kide munduko beste 20 gotzain eta kardenalekin batera. 

Gaur `Lurraren oihua, gizateriaren oihua´ izenburua aintzat hartuta, Eleizako 23 gizarte erakundetako ordezkariak batu dira Bilbon. Hamabigarren topaketa honetan Gorka Bueno, Euskalerriko Unibertsitateko Irakasleak eta Ana Sofi Telletxeak, Caritaseko Azterketa eta Garapen arloko arduradunak gaiaren inguruko berbaldiak eskaini dabez. Norbere burua eta alkarren arteko zaintza eta lurra jagotea izan dira gaia josi dabenak. Hausnarketen oinarrian Aita Santuaren Laudato Si´ entziklikea egon da.

Alkarren Barri-Comunicación Eleizbarrutiko aldizkariaren ekaineko bertsino digitala kalean da. Egunokaz helduko da harpidedunen etxeetara eta parrokietara zein erakundeetara. Kurtsoaren azken zenbakiak Mendekoste eguna eta Espirituaren indarra dira azalean azaltzen diranak.

Portugaleteko Nazaret parrokiak 50. urteurrena ospatzen dihardu, hain zuzen be, herribilduak bere 700. urteurrena oapatzen dauan urtean. Gaur, gotzaina buru dala, Eukaristia ospatuko da 19:30etan, datozan hilabeteetan garatuko diran jarduerei hasiera emonez.

Eleiza Katolikoko, alkarte greko-katoliko ukrainarreko, Euskadiko Batzorde Ebanjelikoko, Filadelfiako Eleiza Ebanjelikoko, Eleiza Adbentistako, Assalam Meskitako, Bader Meskitako, Al Furkan Meskitako, Errekaldeko Meskitako, Mouridesen Kofradiako, Azken Egunetako Santuen Jesukristoren Eleizako, Baha’i Alkarteko, Alkarte Budistako eta Alkarte Taoistako ordezkariak batu ziran barikuz bakearen aldeko erlejinoarteko ekitaldian. Gainera, Foro honegaz alkarlanean jarduten dabe Deustuko Unibertsitateko Pedro Arrupe Giza Eskubideetarako Institutuak eta Ignacio Ellacuria Gizarte Fundazinoak.