Barriak

Santiago katedraletik, 20:00etan.

Kultur arloko norbanako edo taldeei autorpena egiten deutsen "Carmelo Etxenagusia" Ohorezko Aitamenak hamar urte betetzen ditu, Bilboko eleizbarrutiaren 75. urteurrena betetzen dan urtean. IV. ekitaldi honetan aitamena jasoko dabe, liturgiarako lagungarriak itzultzen dituan "Euskal baliabideak taldeak", Inmaculada Gallastegik eta Juan Maria Iraolagoitiak (hil osteko aitamena) euskerazko komunikazinoan egindako ekarpenagaitik eta Antonio Linaza abadeak liturgiako musikari egindako ekarpenagaitik eta domekaz ETBtik euskeraz emoten daben meza sustatzen laguntzeagaitik. Ekitaldia bihar -martxoak …

Begoñako kofradiak eguerdian eskainitako prentsaurrekoan aurkeztu dau Garizuman ospatzen dan "Miserere" kontzertua. Begoñako basilikan izango da, datorren zapatuz, martxoak 22, iluntzeko zortzietan. Aurton, ongintzazko kontzertu honen bitartez batu daiten dirua Caritasek bideratuko dau Valentzian DANAk eragindako biktimei laguntzeko. 

Bilbao Uribilduko Kofradien Ermandadeak Borja Uriarte Uribe-Kosta Pastoral Barrutiko parrokoa izendatu dau Bilboko Aste Santuko pregoilari. Irakurketa, boxeoa, polizia-telesailak eta alkarte txikien ospakizunak gustuko dituan 32 urteko bilbotarra "apur bat lotsatuta dago" eskaera honen aurrean. Pregoia prestatuta dauala-eta, lasaiago dagoala dino. Hitzordua, hilaren 19an da, eguaztenez, San Jose Eguna, Santiago katedralean 20:00etan. Zuzenean emongo da web orrialde honen bitartez.

Kerman Lopez eleizbarrutiko bikario nagusiak jardungo dau bihar -martxoak 19, eguaztena-, Gobela-Galea Pastoral Barrutiak (PB) antolatu dituan Garizumako berbaldietan. Hain zuzen be, "Jubileu Urtea 2025" gaiaren harira hitz egingo dau. Biharko berbaldia zein gainerakoak Algortako Hirutasun Santua parrokian izango dira 19:30etan. 

Euskal eleizbarrutiek txandaka antolatzen dabe Caritas Euskadi erakundearen "Topaki" ekitaldia eta urton Caritas Bizkaia erakundea arduratu da Musikazaleen Bilboko Alkartean ospatu izan dan topaketaz.

Atzo ospatu zan Galdakaon IV. eta V. bikaritzetako Pastoral Barrutietako ume eta gazteen XIX. topaketa Galdakaon, Gazteen Lurraldeko Mahaiak antolatuta. Berrehun lagun inguruk parte hartu eban, batez be Kilimusi, Argizai, Inurri, Oiz Anboto, Gogotsuak, Arratia, Tabira eta Kosnoaga eskaut taldeetakoak. 

Asteburu bete-betea izan dabe Bilboko abandoko San Bizente Martiria parrokian. Barikus, Kristau Sarbidearen inguruko 30 lagun batu zan heziketa-saioan, Bengo-Leku lokaleltan, Manu Basanta Fede-zabalkunde eta Katekesirako ordezkaritzako kideak lagunduta. Gainera, asteburuan, parrokiako gazteek erretiroa egin dabe Begoñako gogarte etxean.

Asteburuann, IV., V. eta VI. bikaritzetako helduen erretiroa ospatu da Berrizko "Barnezabal" gogarte etxean. Gainera, gazteen misino-topaketa izan da Berrizen bertan, kasu honetan, Maturana aterpetxean eta Berrizko Mesedetako Misiolarien Misino-institutuak antolatuta, 15 urtetik gorako gazteentzat. Jarduera bateko zein besteko partaideak zapatuz alkartu ziran ospakizun berean. 

"Migrazinoak eragindako dolua eta familia gatazkak" goiburuaren haritik, heziketa-saioa izan zan atzo Sestaon, Pastoral Barrutiak (PB) antolatuta.