Barriak

Caritas Tabirak Zidarrezko Ezteguan ospatzen dihartu "25 urte, abegia, itxaropena eta aukera eskainiz" goiburuaren haritik. Hogeta bost urteotan, Caritas Tabirak askotariko erronkei egin izan deutse aurre, "beti be konprometitutako boluntarioen lan nekaezinagaz". Apirilean, erakusketa ibiltaria jarri zan martxan, egitasmo eta egitarauen bidez Caritas Tabiraren lana sustatzeko eta urteurreneko ekitaldi nagusia bihar -zapatua- izango da Maristen Durangoko ikastetxean, 10:30etatik 13:30etara.

Atzo, 102 urte bete ziran Diego Berguices Otxarkoaga ikastegiaren fundatzaile izan zana jaio zanetik. Hori dala-eta, ikastegia zabaldu zanetik 60 urte bete diranean, heziketa alkarteak ospakizuna egin eban. Fundatzailea gogora ekarteaz batera, omenaldia egin eutsen 60 urteko ibilbidean ikastegiaren hazkundean esku-hartu dauan hainbat laguni. Era berean, lanbide heziketarako ikastegiaren bizitzako unerik nabarmenenak jasoten dituan liburua aurkeztu zan.

Lan Pastoraltzarako Gotzainen Batzarreko sailak orain dala 30 urte argitaratu eban «Eleiza osoaren Langile Pastoraltza» agiria. Urteurren hori ospatzekok hainbat ekimen jarri dau martxan, idazkiaren puntu nagusiak nabarmentzeko. Gotzainen Batzarraren Osoko Bilkurak onartu eban agiria, 1994ko azaroaren 18an eta langile eta lan eremuan Eleizaren pastoralgintzaren oinarri izan da urteotan. Amaiera lez, azaroaren 23 eta 24an Lan Pastoraltzaren XXX. Jardunaldiak ospatuko dira Ávilan, non, besteak beste, "Langile eta lan munduko aurpegiak" erakusketa ibiltaria aurkeztuko dan. Bilboko …

Erretiroa ospatuko da gaur arratsaldeko seietan Mariaren Legioa mobimentuaren lokaletan (Sombrereria, 12. 1. ezk., Bilboko Alde Zaharrean). Ekitaldi irekia da eta mobimentuko kid ez diranek be parte hartu leikie. Frank Duff euren fundatzailearen inguruko saioa izango da eta Hitzaren ospakizuna be egingo dabe.

2025.eko urtarrilaren 1ean beteko dira 100 urte Deustu eta Begoñako eleizateak Bilbogaz bat egin ebenetik. Datorren zapatuz, azaroak 23, ospatuko dan kontzertua antolatu da, besteak beste, urteurren hori ospatzeko. Begoñako basilikan izango da, 20:00etan hasita; sarrera doan da leku guztiak bete arte.

Gaur, azaroak 20, Umeen Eskubideen Munduko Eguna ospatzen da. Hori dala-eta, Adin Txikikoen Babeserako eta Sexu Gehiegikerien Prebentzinorako Bilboko Eleizbarrutiko Batzordeak, joan dan kurtsoan Deustuko Unibertsitateagaz batera egindako galdeketaren haritik, lagungarriak prestatu dabez inguru seguruak antzeman eta sustatzeari begira. Arduradunen esanetan, "erantzun 'egokiak' ezagutzera emoteko eta adin txikikoen babesaren inguruan kontzientzia sortzen jarraitzeko era da".

Datorren zapatuz, azaroak 23, "Familiaren ezkutua" tailerra ospatuko da 17:00etatik 19:00etara, Abandoko San BIzente Martiria eta Xabierko San Frantzisko parrokiek antolatuta, bigarren honetako 2. solairuko lokaletan (Juan Ajuriagerra, 42).

Azaroaren 30ean, zapatuz, bigarren eskuko jostailuen azoka solidarioaren aurtengo ekitaldia ospatuko da Barakaldoko Herriko plazan. 2001etik hasita egiten da azoka hau eta bakarrik pandemian geratu zan ospatu barik. Bertan batu daiten dirua Caritasek Barakaldon dauan gizarte jantokirako izango da, bigarren aldiz, izan be, 2013an be jantokiko arduradunen esku itzi eben dirua, orduan, 15.000 euro.

Migueli kantautoreak kontzertua eskainiko dau datorren barikuz, azaroak 22, Muskizeko Meatzari aretoan, 19:30etan, Gatz eta Argi komunitatearen eskutik. Komunitateko kideek dei egin dabe kantautorearen kontzertura -sarrera doan- koateko. Euren esanetan, "urte asko daroaz musikari lotuta eta bere umorea, gizarte konpromisoa eta biziaren aldeko grina kontzertuetan be agertzen da".

Gaurtik aurrera, terrorismoaren eta indarkeria politikoaren biktimak gogoratzeko eskultura barria dago Bizkaian. Erakundeetako ordezkaritza zabalak parte hartu dau lehendakaria eta alkatea buru dirala ospatu dan ekitaldian. Biltoko Eleizbarrutia ordezkatuz, Kerman Lopez bikario nagusia izan da, Gotzainen Batzarraren Osoko Bilkuran parte hartzen diharduan gotzainaren izenean. Galo Bilbao Bake eta Adiskidetzerako Bilbao Foroko eta Bake eta Adiskidetzerako Eleizbarrutiko Batzordeko kidea izan da plakan jasoten diran biktimen izenak irakurri dituan lagunetako bat. Dori Monasterio eta Ines Nuñez …