29-08-2025 Martirio de Juan Bautista
Bizkeliza 5 Gaurkotasuna 5 Barriak
 

Barriak

Etiquetado como: Zalla

Barri-bilatzailea
-(r)en araberako bilaketa “...” Aurkitu dira 2046 Emaitzak.
-(r)en arabera ordenatu
Emaitzak orrialdeka
29.08.2025

Mañaria eta Abadiñoko erreguteak urteko azkenak

Abuztuko azken barikuro legez, Mañariko Jasokundeko parrokiako-alkarteak eukaristia ospatu dau Urkiolako santutegian. Amaitzerakoan, Felix eta Kontxiri oparitxoa emon gura izan deutsie datorren astetik aurrera etapa barri bati ekingo deutsie Ermuan-eta. Bihar, ikasturte liturgikoaren azken erregutea ospatuko da, Abadiñokoa, 11:30etan izango da eukaristia. 

29.08.2025

Eleizbarrutiko monumentuen katalogoa klik baten

Katalogoa orain dala lau hamarkada hasitako beste baten oinarritzen da, eta bere helburua espezialisten, ikertzaileen, baina, batez be, Bizkaiko gizartearen esku jartea da. Nerbioi Garaia eskualdetik hasi da eta datozen urteetan gure lurraldeko gainerako eskualdeetara hedatuko da. Gaur egungo teknologiari esker, oztoporik barik eskura daiteke altxor hori, modu erraz eta oso malguan, eta horrek balio erantsi handia adierazoten dau. Eta dana klik batean web baten bidez

28.08.2025

Bizkaiko Caritasen datu bankua publikoaren esku

Bizkaiko Caritasen Behatokiak gure inguruko pobreziarekin, zaurgarritasunarekin, gizarte-bazterkeriarekin eta desbardintasunagaz lotutako gai nagusiak aztertzen dauz. Horretarako, erakundeak egindako esku-hartze sozialean, FOESSA fundazinoak egindako Integrazinoari eta Behar Sozialei buruzko Inkestan (EINS) eta estadistika ofizial nagusien jarraipenean oinarritzen da. Ikasturtearen amaieran, erakundeak 2022-2024 aldiko datuak jarri dauz herritarren eskura.

27.08.2025

Bilboko Elizbarrutiaren 75. uteurrena modu birtualean

Bilboko Eleizbarrutiak 75. urteurrena ospatzen jarraitzen dau, etorkizuna sendotu gura daben ospakizun, oroitzapen, esperientzia eta mugarrien bidez. Egitarauak aurrera darrai zemendiaren 9ra arte luzatuko da, egun horretan egingo dalako amaiera ospakizun handia Santiago Katedralean. Datorren ikasturtean zehar, eleizbarrutiko historia jasoten dauen erakusketa ibiltariak Bizkaiko bikaritzetatik egingo dau aurrera. Komunikazino sailak mugarri nagusien bilduma monografikoa eskaintzen dau.

26.08.2025

Zabalik dago barriro kontsumo arduratsua sustatzen dauan dendea

Bidezko merkataritza sustatzen dauan Bilboko Kidendak zabaldu dauz ateak oporraldiaren ostean. Behin Aste Nagusia amaituta, 2002an zabaldutako dendea barriro dator uriburura. Ikasturtean zehar Alkarren Barri aldizkarian artikulu berezi batzuk idatzi dauz Jose Ignacio Iturmendi kolaboratzaileak bidezko merkataritzea gai nagusi dala. 

25.08.2025

Zaldibarko monja karmeldarrek mendeurrena ospatu dabe

Zapatu honetan, abuztuak 23, Zaldibarko monja karmeldarren monastegian ospatu da herrira heldu ziraneko mendeurreneko ospakizuna. Aita probintziala, Jon Korta izan zan ospakizun burua eta beragaz batera beste 14 karmeldar eta eleizbarrutiko hiru abade izan ziran: Alex Alonso lurralde bikarioa; Ernesto Bilbao komentuetako eleizbarrutko ordezkaria eta Agustin Garcia, Zaldibarko parrokoa.

24.08.2025

Hanoiko Eleizeak santu bizkaitarraren erlikia jaso dau

"Erlikia honek Europako Eleizearen eta Vietnameko Eleiza bizi eta ederraren arteko batasuna erakusten dau", adierazo eban atzo Bilboko gotzainka Berriotxokoa San Balentinen erlikien emote ekitaldian. Gotzainak milaka lagunen aurrean egin ebazan adierazpenak. Urte Santua ospatzen egozan erromesak joan ziran ospakizunera. So Kieneko parrokian. Elorrioko santuari paperezko boneta eta banbuzko makilea jari eutsizan gotzain izentau ebenean, gauez eta ezkutuan, kristinau izatea debekatuta egoalako. Martirioa jaso eban eta hil egin eben 1861eko azaroaren 1ean.  

24.08.2025

Gernikako Errenteriko monjek San Bartolome ospatuko dabe gaur

Ekiturtean zehar Gernikako Errenteriako monjek eta parrokiak 400. urteurreneko ekitaldiak ospatzen dihardue. Gaur, San Bartolome egunez, zaindariari eskainitako eleizan ospakizun berezia egingo da. Jose Mari Kortazar, lurralde bikarioa meza buru izango da baina irailetik aurrera, Bermeoko parrokien ardurea izango dau. 

23.08.2025

Bazenkian Bizkaian 900 monja eta fraile dagozana?

Urtean zehar, Alkarren Barri, Eleizbarrutiko aldizkariak atal berezia eskaini deutso CONFER-Bizkaiari, erlijiosoei akonpainamentua emoten deutsienei. Nahiz eta azken urteotan bokazino hau gero eta gitxiagok bizi daben, oraindino be 900 monja eta fraile inguru dagoz ekintzakor Bizkaian.

22.08.2025

Bizkaiko gazte batzuk Togon eta Bolivian misinoa biziz

Bilboko eleizbarrutian Iparra-Hegoa proiektua hasi zanetik, 400 gazte inguruk, batez be emakumeek, egin dabe ikastaroa. Horreen artetik 180 inguruk udako esperientzietan parte hartu dabe. Aurten, gazteek Togon eta Bolivian bizi izan dabe murgiltzea. Bizipenez eta gogoetaz beterik itzuli dira. Ainhoa Riañok Bizkaia Irratian egindako alkarrizketa batean adierazo dauenez, esperientzia aberasgarria da eta barriz pentsatzera konbidatzen dauelako.

Emaitzak orrialdeka