Barriak

Gaurtik barikura arte -apirila 21- ospatuko da Espainiako Gotzainen Batzarraren 121. Osoko Bilkura eta On Joseba Segura Bilboko gotzaina be bertan izango da. Mons. Juan Jose Omella Bartzelonako artzapezpiku, kardinal eta EGBeko presidenteak eta Mons. Bernardito C. Auza nuntzio apostolikoak emongo deutse hasiera biltzarrari. 

Eguenetik domekara, Kurutzeko San Pauloren Pasiotar Monjek euren kapitulu probintziala osatu dabe Berrizko Mesedetako Misiolarien gogarte etxean. 

Otoitzaldiaren ostean, Iftar –baraua eten- konpartitu eben Ramadan eta Pazko-aldiak berezko dabezan jai eta senidetasunaz jantzitako mahaiaren inguruan.

Ikastetxe gehienetan, gaur itzuliko dira ikasleak ikasgeletara Aste Santuko oporraldia amaituta. Datorren barikura arte -apirilak 21- egongo da zabalik Batxiergoan aurre-matrikula egiteko epea, ikastegiotan: Somorrostro, Begoñazpi, San Viator, Avellaneda, San Fidel eta La Inmaculada, EBI Elizbarrutiko Ikastetxeak sarean. Aurre-matrikula, ikastetxean bertan, online, telefonoz, emailez edo Eusko Jaurlaritzaren bidez egin daiteke. Gehiago jakiteko eta hartu-emonerako: hemen

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Euskal Eleizbarrutietako Misinoek hainbat jarduera egiten dihardue 75. urteurrena ospatzeko. Askotariko ekitaldiak antolatu dabez eta bat baino gehiago martxoan garatu dan Misinoen kanpainaren barruan ospatu dabe eta bada datozan hilabeteetan egingo dan jardueraren bat. Misinoetarako Bilboko Ordezkaritzatik jakinarazo dabenez, urteurrenari buruzko panelak eskuragai dira, norbaitek jarduera edo ekitaldiren batean erabili gura izan ezkro. Zazpi hamarkada ingurutan, misino-egunetan erabili izan dan hainbat kartel jasoten daben 10 panelez osatuta dago. Eskaria egiteko, 94 401 36 99 telefonora …

Monja pasiotarrek atzo -eguena- emon eutsen hasiera XV. Kapitulu Probintzialari Berrizen. Domekara arte -apirilak 16- iraungo dau "'Memoria Passionis' dalakora deitu eta sagaratuak izatearen poza" goiburuaren ildotik egiten diharduen biltzarrak. Beste alde batetik, A. Jon Korta Arcelus aukeratu dabe Nafarroako San Joakin Probintziako Probintzial Nagusi, Larreako (Zornotza) Gogarte Etxean, apirilaren 12an egin eben kapitulu-saioan.

Aurreko kurtsoan, Alkarren Barri - Comunicación aldizkarian Bizkaiko eleizetako puntarengo organoen ingurukoak jaso ebazan. Gaur, Komunikazinorako Eleizbarrutiko sailak 'altxor' onenen bilduma egin dau.

Bihar -apirilak 14, barikua- ospatuko dan ekitaldian, hain bat proposamen garatuko da, Miguel Angel Esnaola Ekumenismorako Eleizbarrutiko ordezkariaren esanetan, "bizikidetasuna eragiteko erlejinoen arteko hartu-emon eta alkarbizitzaren bidez". Ordezkariak azaldu dauanez, "alkarregaz bakerako bidea eratzeko aukera da".

Datorren astelehenez, apirilak 17, zabalduko da errentaren autorpenak aurkezteko epea. Bilboko Eleizbarrutiak eta Bizkaiko Caritasek kanpaina jarri dabe martxan, bigarren urtez jarraian, C laukian X markatuz laguntza bikoiztu ahal izateko. Hori eginez, laguntza bikotxa emotan da, baina zergadunak ez dau gehiago ordaintzen. Ahaleginak batzeko bidea da eta ahulenez arduratzen diran erakundeei laguntzeko aukera emoten dau. Kostu beraz, bi halako emoten da.