Barriak
Etiquetado como: Fraileak eta monjak
CONFER erakundearen erretiroa: "bokazinoa, misterio, doe eta egiteko lez"
Bokazinoen aldeko Munduko Otoitz Egunaren eta Sorterriko Bokazinoen Egunaren bezperan, zapatuz, eta CONFER-lekaide eta lekaimeen batzordeak antolatuta, Pazko aldiko erretiroa ospatu zan Bilbon, Luis Mª Vegak gidatuta.
Misinoaren jardunaldia, Barnezabalen
Joan dan zapatuz, otsailak 1, Berrizko Mesedetako Misiolariek antolatutako misinoaren jardunaldia ospatu zan Berrizko Barnezabal etxean. Luis Mari Vega Eleizbarrutiko Teologia eta Pastoraltza Institutuko (ETPI) kide eta Bake eta Adiskidetzerako Eleizbarrutiko Batzordeko arduradunak eta Alicia Suso Caritas Bizkaia erakundeko kideek jardun eben eta, ostean, esperientzien mahaia …
Domekaz, biziera sagaratuak bere eguna ospatuko dau
Datorren domekaz, otsailak 2, Jaunaren Aurkezpenaren egunez, Biziera Sagaratuaren Munduko XXIX. Eguna ospatuko da. Aurton kontuan hartu dabe Jubileu Urtea eta "Itxaropenean erromes eta ereile" goiburua hartu da oinarritzat. On Joseba Segura gotzaina buru izango da Santiago katedralean arratsaldeko zazpietan ospatuko dan Eukaristian.
Aita Martzel Andrinua eta Aita Luis Baraiazarra euskal kulturan eredu izan diranak hil dira
Goizean goiz izan genduan Luis Baraiazarra Markina-Xemeingo karmeldar alkateko frailearen heriotza eta minutu gitxiren buruan gure barruan zirrara sentitu genduan Martzel Andrinua pasiotarraren heriotzaren barriagaz. Fraile biok eredu izan dira euskal kulturan eta biak ala biak nabarmendu ziran fedearen eta euskeraren arloan. Lehenengoak lan klasikoak itzuli ebazan batez be, …
'Verbum Dei' alkarteak kurtsorako jardueren egitaraua aurkeztu dau
'Verbum Dei' Misino-alkarteak dei egin dau 2024-2025 kurtsorako prestatu dabezan proposamen ebanjelizatzaile bietan parte hartzeko. Alde batetik, Hitzaren eskola aurkeztu dabe (hilaren bigarren eguaztenez) eta, bestetik, Otoitzerako taldea (hilaren azken eguaztenez). Jarduerok Indautxuko Karmeneko Ama eleizako lokaletan (5. solairua, ezk.) izango dira, 18:30etatik …
Gernikaldeak agur esango deutse Foruko frantziskotarrei
Orain dala 600 urte inguru heldu zan lehenengo alkartea Izarora eta 300 urte inguru izango dira Forura lekualdatu ziranetik. Orain, agur esango deutse behin betiko Foruko herriari eta San Martin parrokiari. Hori dala-eta, bihar zapatuz, Gernikaldeko eleiztarrek esker ona adierazoko deutse fraileei ospakizun baten. On Joseba Segura Bilboko gotzaina buru izango da ospakizunean.
Forutarren agurra frantziskotarrei
Atzo, San Inazio egunez, Forutarrek euren jaietako egun nagusia ospatu eben. Mezatan, herritarrek omenaldia eskaini eutsien 300 urte baino gehiago herrian izan dan ordeneko azken hiru fraileei. Mikel Magunazelaia alkateak opari bana emon eutsienJesus Mari Madariaga, Felix Bilbao eta Pedro Urriolabeitiari. Esker ona agertu eutsien herritarren izenean. Fraileak apur bat …
Lourdes Gorostola izango da aurrerantzean be Berrizko Mesedetako Misiolarien Koordinatzaile Nagusia
1959.eko otsailaren 27an Berriatuan jaio zan Lourdes Gorostola Arrieta 1977an sartu zan Berrizko Mesedetako Misiolarien ordenan eta 1986.eko abuztuaren 10ean egin eban betirako botoen profesa. 1988tik 1992ra Perun egon zan Institutuko gazteen heziketaren arduradun lez eta, 9 urtez Probintzial izan ondoren, 2018an Filo Hirotaren lekua hartu eban Koordinazino Nagusian. Atzo, …
Hirukoiztarren familiak Karrantza bisitatu eban
Martitzenez, ekainak 4, Algortako Kristo Eroslea parrokia alkarteak, AA Hirukoiztarrek eta eleiztarrek Karrantzako Presako San Martin parrokia bisitatu eben. 1616.eko irailaren 20an Aljerian martiritza jasan eban eta hil egin eben Juan de Palacios eta Santisteban XVI. gizaldiko (1560) fraile hirukoiztarraren jaioterria ezagutu eben, non bateatu eben eta non bizi izan ebazan …
Ospitaletako arreta espiritual eta erlijiosorako taldeen biltzarra San Juan de Dios ospitalean
Santurtziko San Juan de Dios ospitaleak bere sorreraren mendeurrena ospatzeko egiten diharduan ekitaldien barruan, atzo -martitzena-, Bilboko Eleizbarrutiko ospitaleetan Arreta Erlijioso eta Espiritualerako Zerbitzua (AEEZ) eskaintzen daben taldeak batu ziran bertan. Ospitale publiko zein pribatuetan pertsonaren alderdi espiritualaz arduratzen diran zerbitzuetako 17 ordezkarik …
Abesbatzak Begoñako basilikan
Bizkaitarrek asko estimatzen daben kultur ekintza ospatuko da beste behin be Begoñako Andra Mari basilikan. Hasi da Bizkaiko Abesbatzen 52. astea, hiru astez, Bizkaia osotik etorritako 51 abesbatzek musikaz beteko daben aldia. Otsailaren 13ra arte izango dira kontzertuak.
Zuzentasunerako argia, indarkeriarik ezaren eta bakearen aldeko eguna dala-eta, Eleizaren Doktrina Sozilaren eskutik
Langile Pastoraltzaren eta Migrazinoetarako Pastoraltzaren eskutik, 2013an Eleizbarrutiko Teologia eta Pastoraltza Institutuak martxan jarri eban eta urteotan hainbat formatu izan dauan ekimena berreskuratu dabe: Eleizaren Doktrina Sozialaren (EDS) argia. Urtarrileko hau, indarkeriarik ezaren eta bakearen aldeko urtarrilaren 30eko jardunaldian oinarrituta dago: hemen.
Asteburuan, eleizkizun ekumenikoa eta agurrak
Atzo, katedralean ospatu zan eleizkizun ekumenikoan, amaiera emon jakon Kristauen Batasunaren aldeko Otoitz Asteari. On Joseba Segura gotzaina eta hainbat Eleiza protestante eta ortodoxoetako ordezkariak buru izan ziran otoitzaldian. Lehenengo aldiz parte hartu eban Carlos Lopez Alkarte Anglikanoko gotzainak. Beste alde batetik, Eleizbarrutiagaz lotura estua izan eta erretiroa hartu daben lagun biren agurrak ospatu dira: Juan Manuel Gonzalez Cembellin Eleiz Museoko zuzendariarena eta Mabel Martinez Fede-zabalkunde eta Katekesirako ordezkaritzako kidearena.
Giro ona eta jente asko Santurtziko BIka egunean
Berrehun lagun inguru -gaztetxo, begirale, laguntzaile...- batu zan atzo Santurtzin, I. bikaritzako Bika egunean. Bikaritzako Pastoral Barrutietako (PB) eskaut taldeek, gaztetxoen taldeek eta jaunartzea ospatu dabenen taldeek parte hartu eben. Eleizbarrutiko ikastetxeak batzen dituan EBI sareko Patronato Ikastetxean alkartu ziran eta Ainhoa Castañeda eta Veronica Ruizek, zuzendari eta nortasunerako ikastetxeko arduradun hurrenez hurren, harrera egin eutsien eta partaideen esanetara egon ziran egun osoan.
Mandatudun laikoen erretiroa Larrean
Sasoi honetan ohikoa danez, eleizbarrutian mandatua daben laikoek gogo-jardunak egiten dabez. Hiru egunez, 40 lagun inguruk biziko dau esperientzia hau Zornotzako Larreako gogarte etxean.
Asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen.
Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Eleizbarrutiak lagungarriak eskeiniko ditu Garizuman "batera" joateko
"Batera" kurtsoko goiburua ardaztzat hartuta, Bilboko eleizbarrutiak pastoral eta liturgia bitartekoak jarriko ditu parrokia, alkarte eta fededunen eskura, otsailaren 18an hasiko dan Garizumako ibilbidean sakontzeko. Liturgiarako eleizbarrutiko ordezkaritzak prestatu ditu lagungarriok, grazia eta bihotz-barritzeko aldi honetan gogoeta, otoitza eta ospakizuna sustatzeko eta "alkartasuna ehuntzeko".
Ingeteam Convertersi emon deutse Marcelo Gangoiti saria
Gaur eguerdian, Marcelo Gangoiti sariaren XXIX. ekitaldia ospatu da Somorrostro ikastegian. 1996tik aurrera, Ezkerralde eta Meatze-inguruko enpresa barritzaile eta konprometituei emoten jake Bizkaian entzutetsua dan sari hau. Aurton, Ingeteam Converters enpresak jaso dau autorpena; "industria garapenari, enpleguaren sorerari egindako ekarpenagaitik eta lurraldeagazko konpromiso sendoagaitik".
Domekaz, otoitzaldi ekumenikoa katedralean
San Paulok Efesoarrei esandako "bat bakarra espiritua, bat bakarra itxaropena" berbak kontuan hartuta ospatuko da datorren domekaz, urtarrilak 25, 19:00etan, Kristauen Batasunaren aldeko Otoitz Asteari amaiera emongo deutsan otoitzaldi ekumenikoa. On Joseba Segura Bilboko gotzaina buru izango da eleizkizunean, Eleiza protestante eta ortodoxoetako hainbat ordezkarigaz batera. Lehenengo aldiz parte hartuko dau Oscar Lopez Alkrte anglikanoko gotzainak.
Josetxu Caniberen oroimenezko II. ekitaldia. Parte hartzerik nahi?
Datorren otsailaren 7an, bere urtebetetze egunaren inguruan (otsailak 4), Josetxu Caniberen oroimenezko 2. ekitaldia, hain zuzen be baba-jan solidarioa, ospatuko da eskolapioek BIlbon daukien ikastetxean. Parte hartzeko, zuek edo gura dauan edonork, 647 863 249 telefonora WhatsAppa bialdu edo deitu (Josu eta Aitor).