Barriak
Etiquetado como: Fraileak eta monjak
Mariaren Mirabeen 125. urteurrena, Portugaleten
1898.eko urriaren 15ean sortu zan Portugaleten Mariaren Mirabeak monjen alkartea. Gaur egun, herri bereko Gregorio Uzkiano kalean dago euren egoitza eta, bihar, on Joseba Segura gotzaina buru dala, Eukaristia ospatuko dabe euren kaperan goizeko 10:00etan, urteurren hori gogoratzeko.
Verbum Dei erakundeak kurtsoko jarduerak aurkeztu ditu
Verbum Dei Bizkaiko familia misiolariak "Hitzaren eskola" aurkeztu dau kurtso honetarako. Salmoen liburuaz baliatuz, hilean behin batuko dira Indautxuko Karmeneko Ama parrokian. Lehenengo saioa, datorren eguaztenez, urriak 18, ospatuko da 18:30eetatik 20:00etara. Gehiago jakiteko eta izena emoteko, 94 624 12 84 telefonora deitu (Inma Ochoa).
Domekaz, Margarita Maturana dohatsuaren eguna ospatuko da Berrizen
Uztailaren 23an, Margarita Maturana dohatsuaren eguna ospatuko da. Aurton, Eukaristia 17:00etan ospatuko da. Ondoren, San Lorentzo dantza-taldeak ondo etorria egingo deutso Errumaniako Doina Timisului folklore-taldeari Berrizeko Mesedetako Misiolarien komentuan. Euria egin ezkero, eskolako josatokian dantzatuko dabe.
Jose Angel Agirre Mendatako frailea Afrikara bueltatuko da
Jose Angel Agirre Mendatako jaberiar frailea datorren barikuz, uztailak 7, bueltatuko da Txadera (Afrika). Kortezubin dagoan jaberiarren seminarioan egin eban batxilergoa eta Gernikako institutuan jarraitu eban gero ikasten. Teologia-ikasketak Madrilen egin ebazan. Sierra Leonan hasi zan bere misino-esperientiza eta handik ihes egin behar izan eban gerra zala-eta. Han, …
Domekaz, "Pro Orantibus" klausurako ordenen eguna
Ekainaren 4an, Hirutasun Guztiz Santuaren egunez, Eleizak Pro Orantibus eguna ospatzen dau, klausurako ordenetako fraile eta monjak gogora ekarriz. Eleizbarrutian, gaur egun, ehun inguru dira klausurako 11 monasteriotan bizi diran monja eta fraileak.
Salestarren ospakizuna Maria Soroslearen egunez
Gaur, maiatzak 24, Maria Soroslearen eguna ospatzen da, egun handia salestarrentzat. Salestarrek hiru ikastetxe dabez Barakaldon, eta iaz euren urteurrenak ospatu ebezanez -Barakaldoko salestarrek 125 urte, Gurutzetako salestarrek 80 urte eta monja salestarrek 75 urte-, autorpena jaso eben udalaren aldetik. Gehiago jakiteko: hemen. Maiatzaren 15ean hasita, bederatziurrena …
Autorpena Jose Angel Ubieta Eleizbarrutiko abaderik edadetuenari
2022-2023 pastoral ekiturte honen amaieran, eleizbarrutiko hainbat kideren abadegintzaren urteurrenak ospatuko doguz. Aurton, 1953an abade egin ziranek Platinozko Ezteguak ospatuko dabez. 1963. urtean abade egin ziranek Diamantezko Ezteguak, 1973. urtean abade egindakoek Urrezko Ezteguak eta 1998. urtean ordenatutakoek Zidarrezko Ezteguak. Ospakizuna ekainaren 1an, eguenez, …
Mesedetakoen Loiuko ikastetxearen mendeurrena
Mesedetako Andra Mari ikastetxeak, agaur egun Loiun dagoanak, mendeurrena ospatzen dihardu. Ehungarren urteurrena ospatzeko antolatutako ekitaldien artean Eukaristia dago eta bihar -zapatua- ospatuko da goizeko 11:00etan, ikastetxeko kaperan, On Joseba Segura gotzaina buru dala.
Biziera erlijiosoaren astea
Gaur hasi eta bihar -eguena- arte, Biziera Erlijiosoaren XXIX. Asterako antolatutako jarduerak ospatuko dira Arrupe Etxean (Aita Lojendio. BIlbao). Aitatutako jarduerok Biziera Erlijiosorako Batzordeak, Loiola Zentroak eta Eleizbarrutiko Teologia eta Pastoraltza Institutuak (ETPI) koordinatuko dabez eta saioak arratsaldeko zazpietan hasiko dira.
Pasiotar monjen probintzia-talde barria
Eguenetik domekara, Kurutzeko San Pauloren Pasiotar Monjek euren kapitulu probintziala osatu dabe Berrizko Mesedetako Misiolarien gogarte etxean.
Asteburuan, Eleizbarrutietako Misinoen kanpaina
Euskal Eleizbarrutietako Misinoek datorren asteburuan ospatuko dabe euren urteroko kanpaina, "Alza la mirada / Ikus haratago" goiburuaren haritik. Goiburu honek dei egiten deusku gure ingurura ez ezik haratago be begiratu dagigun, errealitatea bere osotasunean ikusteko. Aurtengo kanpainarako antolatutako jardueren artean, martxoaren 18an, eguaztenez, arrataldeko 18:30etan eta Indautxuko Karmengo Ama parrokiako areto nagusian, zine-forum saioa izango da "Semillas de Kivu" dokumentalagaz, Kongoko Errepublika Demokratikoko emakumeek bizi daben egoera eta, lurralde osora hedatutako gatazkaren …
Emakumeak, ahotsak eta oroimena Eleiz Museoan
Martxoaren 8an ospatzen dan Emakumearen Nazinoarteko Eguna dala-eta, Bilboko Eleiz Museoak "Esku ikusezinak. Emakumeak, ahotsak eta oroimena artean" erakusketa aurkeztu dau. Soinu-ibilbidea da, entzutearen bidez artelanetara hurreratzeko. Ibilbide hau museoko aretoetako baten izango da martxoaren 31ra arte, egitasmoaren berariazk ikonoa daben QR kodeakaz.
Jaime Lopez Eguilazen irekitze-berbaldia Eleizako Liburuzainen Jardunaldietan
Jaime Lopez Egilaz Bilboko eleizbarrutiko Bibilitekako zuzendari izendatu barriak eskainiko dau irekitze-berbaldia Espainiako Eleizako Liburuzainen Alkartearen (EELA) XVIII. Jardunaldi Teknikoetan. Bihartik barikura arte luzatuko dira jardunaldiak. Lopez Eguilazek -EELAko diruzain be bada- Eleizako bibliotekak "gaur egun, ebanjelizazinorako eremu" dirala azalduko dau.
Portugaleteko alkartea bat eginda Garizuman
Hilero Portugalete PBko alkartea batzen dauan ekitaldia ospatu zan zapatu arratsaldez. Karmengo Ama ikastetxean batu ziran eta bertan hainbat jarduera burutu eben. Amaitzeko, Eukaristia ospatu eben Andra Mari basilikan.
Eleizbarrutiaren omenaldia emakumeari: autorpena, aldarrikapena eta kultura
Bilboko eleizbarrutiak aldarrikapena eta oroitzapena egiten dihardu Emakumearen Nazinoarteko Eguna dala-eta. Eleizbarrutiko hanbat parrokia eta erkundetan egin dabez ekitaldiak bardintasunaren aldeko borroka, dagoeneko gure artean ez diranen osoitzapena eta egunez egun alkartea eraikitzen dabenenganako esker ona buztartuz. Eleiz Museoan, "Emakumeak artean" erakusketa dago ikusgai; Balmasedan, Zornotzan, Sestaon, Igorren, Bermeon, BIlbon..., eta EBI EBI sareko 18 ikastetxeak dagozan lekuetan, M8 ospatu da.
HOAC eta EKO-ACG mobimentuen Garizumako erretiroa: "emakumearen bizitza, lana eta ahotsa jagon Eleizan"
HOAC eta EKO-ACG mobimentuen Garizumako erertiroa joan dan zapatuz, martxoak 7, ospatu zan Zorrotzako Mirarigilea parrokian. "Jainkoak begiratzen dauan lez begiratu. Bizitza onartu, lana jagon eta Eleiza zabaldu" goiburuaren haritik, "langile esparruko konpromiso militantearen inguruko otoitz, gogoeta eta alkarte bereizketarako gune lez" bizi izan zan. HOAC mobimentuko kontsiliario eta Astrabudua-Erandio PBko abade dan Pepelu Iglesiasek gidatu eban saioa.
Eleizbarrutiko Pastoral Kontseiluak martxoko ohiko saioa ospatu eban
Joan dan zapatuz, martxoak 6, gotzaina buru dala, eleizbarrutiko arlo desbardinetako ordezkariek osotzen daben Eleizbarrutiko Pastoral Kontseilua (EPK) bat zan Bilbon. Partaidetza zabala izan zan eta Bizkaiko Eleizaren bizitza eta geroari begira esanguratsuak diran gai nagusiak landu ebezan. Deustuko Unibertsitateko teologia-fakultatearen ordezkari barri dan Francisco Jose Ruizi egiaztagiria emon jakon eta hainbat urtez Vida ascendente / Bizian gora mobimentuaren ordezkari izan dan Tomy Rodriguez agurtu eben. Honen lekua, Maria Jesus Beascoechea presidente barriak hartuko dau.
San Juan de Dios hospitalitatea: "gizatasuna dakarren sentimentuak berresteko ekintzak"
San Juan de Dios eguneko (martxoak 8) ospakizunen barruan, On Joseba Segura gotzaina buru izan zan barikuz Santurtziko ospitaleko kaperan ospatu zan Eukaristian. HOmilian, San Juan de Dios hospitalitatearen karisma nabarmendu eban, "bere izateko eta maitatzeko era", 100 urteotan erakutsi dabezan "errrai hunkitzaileak, gizatasuna eragiten daben sentimentu horreen egia berresten daben ekintzak". Ospitaleko gizon eta emakumeen lanaren garrantzia azpimarratu eban eta baita eurei laguntzen deutsien boluntarioena be. Carlos Perez Buenoren zuzendaritzapean jardun etan Bizkaiko Erizaintzako …
Erlejino-askatsuna munduan txostenaren aurkezpena Bilbon
Laguntasuna Beharrizanean dan Eleizari Aita Santuaren Fundazinoak Erlejino-askatasuna munduan 2025eko txostena aurkezuko dau bihar, 19:00etan, Pilareko Andra Mari parrokian (Iparragirre, 58). On Joseba Segura Bilboko gotzainak, Jose Fernandez Crespo sustapenerako ACN Espainiako zuzendariak eta aita Patrick Akpabio Nigeriako abadeak esku-hartuko dabe ekitaldian.
Eleizbarrutiko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen.
Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org