Barriak

Martxoaren 19an, San Jose egunez, burutuko dan Eleizbarrutietako Misinoen kanpaina dala-eta, Misinoetarako Gernikaldeko taldeak ekitaldia antolatu dau eta bertan parte hartzera deitu. 2009tik hasita Ekuadorren misiolari izan dan eta orain dala hilabete eskas Eleizbarrutiko pastoralgintzan aritzeko bueltatu dan Paulino Ordaxek berbaldia eskainiko dau Gernikano Andra Mari parrokiako lokaletan, 19:30etan.

Martxoaren 19an burutuko dan Eleizbarrutietako Misinoen aurtengo kanpainan, Eleizbarrutiko hainbat misiolarik bere lekukotasuna emongo dau parrokia eta pastoral barrutietan. Esate baterako, Ekuadorreko Manabi Probintziako Calcetan misiolari dan Isa Matilla laikoak Garizuma-aldiko berbaldia eskainiko dau Balmasedako San Severino parrokian, gaur, 19:30etan.

Datorren barikuz, otsailak 23, Ciprien Melibi kamerndar abadeak "Grito africano, por el derecho a existir" bere liburua aurkeztuko dau Bilboko Karmeneko Ama parrokiako lokaletan (sarrera, Aretxabaleta kaleko 1 zenbakitik, 3.), 19:00etan. Saioa San Inazio Pastoral Barrutiak antolatu dau eta Jose Luis Villacorta abadeak gidatuko dau.

Bisitan da gure Eleizbarrutiak Guayaquileko (Ekuador) ipar-mendebaldean dagoan Monte Sinain misiolari dan Juan Mari Bautista Eleizbarrutiko abadea. San Jose egunaren inguruko misiolari-kanpainan lekukotasuna emonez parte hartuko dauan Juan Mari On Joseba Segura Bilboko gotzain eta Euskal Eleizbarrutietako Misinoetarako ordezkariagaz batzartu zan atzo -barikua.

"Nazana banatzen dot" goiburuaren haritik ospatuko da domekaz -urtarrilak 14- 'Ume misiolariak' jardunaldia. Feli Martin Misinoetarako Eleizbarrutiko ordezkariak egun honetarako idatzi dauan gutunean azaldu dauanez, "dei egiten jake neskato eta mutikoei dirana banatu daien eta pertsonen eskura jarri daiezan talentuak eta bizitza". Kanpainaren inguruan gehiago jakiteko: hemen

Gaur emongo jako hasiera Begoñako Misino-azokaren ekitaldi barriari. Abenduaren 10era arte egongo da zabalik basilikako eleizpan, Begoñako Misinoetarako taldeak sustatuta, eta batu daiten dirua misinoetara bialduko da. Hauxe da ordutegia: 11:00etatik 13:30etara eta 17:00etatik 19:30etara. Abenduaren 10ean, azken egunez, goizez bakarrik. 

Balmasedako Misinoak Hirugarren Mundua taldeak dei egin dau Abendualdi eta Gabonetan be laguntzen jarraitzeko, mundu osoan laguntzen dabezan egitasmoak garatu ahal izateko. Gabonetako loteria eskaintzen dihardue hirugarren urtez eta, gainera, liburuak batzen dabez Balmasedako San Severino eleizaren atarian jarritako kutxan, gero azoka solidarioa egiteko. Eta aurtengo barritasuna, jostailu-bilketa da.

Aurreko urteetan lez, Bilboko Gotzaitegiak munduan garatzen diharduan hainbat egitasmo solidariotara zuzendu dau Alkarkutxaren aurrekontuaren %1. Ekimena, Ebanjelizatzearen Eleizbarrutiko I. Egitasmoaren haritik sortu zan, dalako egitasmo horretan gizarte zuzentasunaren aldeko zenbait ekimen zehaztu zan-eta eta, besteak beste, hori honako ekintzen bidez gauzatzea proposatu: "Eleizbarrutiaren eta Eleizbarrutiko alkarte bakotxaren aurrekontuaren %0,7 Hirugarren Munduaren sustapen eta garapenerako izendatu". Proposamena eguneratu egin da eta 60.592,71 euro esleitu dira 19 egitasmorako.

Urriaren 16tik azaroaren 24ra batuko dabez abenduaren 2tik 10era ospatuo dan Begoñako Misino-azokan salgai jarteko gauzak. Azoka hau parrokiak Basilikako eleizparen azpian dituan lokaletan ospatuko da eta arkupeko lokaletan jasoko dabez gauzak, 17:30etatik 19:30etara. Gehiago jakiteko: 94 412 70 91. Misinoetarako Begoñako taldeko kide gehienak emakumeak dira eta 30 urte inguru daroaz azoka antolatzen. Mari Carmen Pradera eta Maite Nebredak bultzatu eben ekimen solidario hau eta, gaur egun be, horretan dihardue.

"Misinoa: arriskutik eraldaketara" goiburuaren haritik jardungo dau bihar -eguaztena-, Begoña Iñarra misiolariak Barria eraikinean (Plaza Barria, 4). Iñarra, Afrikako Andra Mariaren misiolaria da eta bere berbaldia Eleizbarrutietako Misinoen ordezkaritzak datorren domekaz, Eleizbarrutietako Misinoen 75. urteurrenaren barruan ospatuko dan DOMUND egunari lotuta antolatu dau,