Barriak

Xabier Goikouria bizkaitar misiolariak 58 urte daroaz Kongoko Errepublika Demokratikoan. Urteak joan, urteak etorri, makina bat egitasmo jarri dau martxan, beti be egoera eskasenean dagozanak, zailtasun gehien dabenak, lehenetsiz. Xabier beti dago lanerako prest, dana emonez eta hemendik jasoten dauan laguntza guztia eskertuz. Bere esanetan, "atzealdearen laguntzagaz, aurraldeak aurrera egin leike. Ezinbesteko doguz zuen laguntza eta lankidetza". Xabierrek Gabon-zorionak bialdu deuskuz. Gaurko egunez argitaratuko doguz, Jaunaren jaiotzaren egun honetan gertuago sentitu daigun eta, ahal …

Abenduaren 3an, martitzenez, ospatu zan San Frantzisko Xabier misinoen zaindariaren eguraren inguruan, Misino-heziketarako Madrileko Eskolako 16 ikasle erromes joango dira Xabierrera (Nafarroa) asteburu honetan (abenduak 7 eta 8).

Atzo arratsaldez ospatu zan Abandoko San Bizente Martiria parrokian (Belgo-Leku) Mufungaren Adiskdeak Fundazinoaren hamargarren urteurreneko ekitaldi nagusia. "Adiskide zintzo" autorpena emon jaken, Fundazinoari eskainitako laguntzagaitik, Feli Martin, Mertxe Agirre eta Olga Hoyos Eleizbarrutietako Misinoetarako ordezkaritzako kideei; Mikel Robledo Mufunfaren Adiskideak Fundazinoko kideari; Juanma Jubera Radio Popular-Herri Irratiko "Es posible" irratsailoaren arduradunari eta Dorleta Alberdi, Fernan Gorrotxategi eta Bego Kareaga Komunikabideetarako Bilboko Gotzaitegiko saileko kideei. 

Asteburuan, DOMUND, Eguna ospatuko dogu. Aukera ederra da gure Eleizbarrutiak munduko beste Eleiza eta herriakaz dauan konpromisoa agertzen daben pertsonak gogora ekarteko. Bizkaiko 150 misiolari inguruk jarduten dau 50 herrialde ingurutan, hango alkarteakaz bizitza eta egitekoa konpartituz. DOMUND Egunaren inguruan gehiago jakiteko eta lagungarriak eskuratzeko: hemen.

Aurton urriaren 22an -domeka-, "Zoaze eta gonbidatu guztiak jai-otordura / Id e invitad a todos al banquete" goiburuaren haritik, ospatuko dan DOMUD egunaren inguruko kanpainaren barruan, bihar -urriak 9, eguaztena-, Isabel Matilla misiolariak Ekuadorren bizi izandako esperientzia batera jarriko dau. Berbaldia Barria eraikinean (Plaza Barria 4, 1.) izango da 18:00etan. 

Abandoko San Bizente Martiria parrokiako Hego- Berria alkartasun eta misinoetarako taldeari eta Nekaldiaren Kofradiari esker, bidezko merkataritza jai-eremuan azaldu da. Kofradiarena dan Nekalditarrak txosnak lekua itzi dau, Aste Nagusian be 'bidezko' erosketak egin ahal izateko.

Berrizko Mesedetako Misiolariek asteotan Berrizen ospatzen diharduen XVII. Kapitulu Nagusia aprobetxatuz, hiru partaide Bilbon izan ziran zapatuz, Kongoko Errepublika Demokratikoko Mufunga, Likasi, Bunkeya eta Kanseniako misinoei laguntzen deutsen hogei lagun ingurugaz. 

1959.eko otsailaren 27an Berriatuan jaio zan Lourdes Gorostola Arrieta 1977an sartu zan Berrizko Mesedetako Misiolarien ordenan eta 1986.eko abuztuaren 10ean egin eban betirako botoen profesa. 1988tik 1992ra Perun egon zan Institutuko gazteen heziketaren arduradun lez eta, 9 urtez Probintzial izan ondoren, 2018an Filo Hirotaren lekua hartu eban Koordinazino Nagusian. Atzo, XVII. Kapitulu Nagusiaren amaieran, barriro aukeratu eben bizkaitarra datozan 6 urteetan karguan iraun daian. 

Datorren eguenez, ekainak 13, egun handia izango da Urkiolan. San Antonio eguna izanda, ehunka lagun etorriko da Bizkaiko hainbat lekutatik etorrita eta baita Gipuzkoa eta Arabatik be. Nekazaritza- eta ganadu-azoka egingo da eta mezak ospatuko dira orduoro goizeko 10:00etatik eguerdiko 13:00era. Eguerdiko 12:00etan ospatuko dan Meza Nagusian On Joseba Segura gotzaina izango da buru. Ekainaren 15ean, zapatuz, Arratiako errogatiba egingo da eta ekainaren 16an, domekaz, errepikapena. Felix Moreno Kontxigaz batera 'abade-etxeko' 'zaindari' danak sustrai sakonak dituan usadio horren inguruko …

Gaur hasten da Ermuko kulturarteko astea. Zazpigarren ekitaldi hau zazpi egunez garatuko da eta, besteak beste, Ermuko misinoetarako taldeak eta parrokiak parte hartuko dabe. Gaur arratsaldeko 18:00etan antzeztuko dan lanean parte hartuk dabe: 'Pasmi' taldearen 'Show must go on' antzezpena Lobianon.