Barriak

Aste honetan -joan dan domeka gauetik bihar arte-, Eleizbarrutiko Seminarioko kideek gogo-jardunak egiten dihardue Ziortza-Zenarruzako zistertar monasterioan. Juanjo Iragorri jesuita da laguntzailea eta bihar-barikua, On Joseba Segura Eleizbarrutiko gotzainak Eukaristia ospatuko dau eguerdian eta amaiera emongo deutse gogo-jardunei.

"Bidezko Merkataritza: Ekuadorreko ekoizleen erronka eta proposamenak", goiburuaren inguruan jardungo dabe Maria Jesus Perez eta Marina Sampredo MAQUITA Fundazinoko kideek. Saioa, bihar, otsailak 26, izango da, 11:00etatik 12:00etara Kidendan (Epalzaren alarguna, 6, etxabea). Sarrera libre.

Gaur arratsaldez ospatuko dabez, 'Bizkaia isilik' ekimenaren eskutik, 2023ko lehenengo bilkurak. Hilaren azken eguaztenez ohikoa danez, etorkin eta errefuxiatuek jasaten dabezan bidegabekeriak salatzeko batuko dira. Ohiko lekuetan izango da, 19:30etan: Bilbon, Arriaga plazan; Portugaleten, Gregorio Uzquiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpean; Balmasedan, San Severino plazan eta Getxon, Telletxe plazan, metroaren ondoan. 

EBI Eleizbarrutiko ikastetxeen sarean txertatuta dagoan Somorrostro ikastegiak aurkeztu dauan "BucovIA" egitasmoari -Adimen artifizialaren tresna gelan eskola jazarpenaren zantzuak antzemateko- saria emon deutse heziketa-barrikuntzaren sailean, kalitatearen arloan barrikuntzari emoten jakozan sarien XVI. ekitaldian. Jon Barrueco Somorrostro ikastegiko irakaslea izan da egitasmoaren buru. Eurakaz batera, Donostiako Nazaret ikastetxeak eta Bilboko Zabalburu ikastetxeak parte hartu dabe. 

Gaur goizean inaugurau dau alkateak, gotzainagaz eta On Diego Berguicesen lobeagaz Otxarkoagako parrokoaren izena daroan plazatxoa. Auzoan bertan izan da ekitaldia eta udaleko zinegotzi batzuk eta eskolako irakasle eta ikasleak ez eze, auzotar ugari be hurreratu da tokira. 

Eleiz eremu bakotxean zehaztu diran ekintzen iraulketaren amaierarako hilabete falta danean, Egitasmorako batzorde teknikoak esker ona adierazo eta parte hartzera deitu dau. Lekuan lekuko jardueran Eleizbarrutian batera jarri ondoren, aitatutako batzordeak proposamen guztiak batuko ditu, beranduago agiria Gotzain Kontseiluan aurkezteko.

Domingo Pedro Saez Sola joan dan zapatuz, urtarrilak 21, hilzan Bilbon, 91 urte ebazala. Bere arimaren aldeko hileta-eleizkizuna gaur -astelehena- ospatuko da, 19:00etan, Abandoko San Bizente Martiria parrokian. 

Atzo -domeka-, Kristauen Batasunaren aldeko Otoitz Asteari lotutako otoitzaldi ekumenikoa ospatu zan Santiago katedralean, On Joseba Segura gotzaina buru zala. Eleizkizuna zuzenean emon zan web honetan. Ospakizuna osorik: hemen. Hurrengo deialdia Mendekoste inguruan izango da Ezkerraldeko Eleiza Ebanjeliko batean (oraindik ez da zehaztu ze eleizatan).

Zapatuz, Bizkaiko HOACek Eleizbarrutiko Batzar Nagusia ospatu eban, hain zuzen be, HOACetik azaldu dabenez, "topaketa, ospakizuna eta alkarrizketa, bizitza eta fedea batera jarteko eta angileen eremuan gaur egun bizi dan egoera eta egiteko ebanjelizatzaileak aurrez aurre jarten deuskuzan erronkak kontuan hartuta, urtean zehar garatuko diran helburu eta jarduerak zehazteko". Egun berean, zapatuz, Adin Txikikoen Babeserako eta Sexu Gehiegikerien Prebentzinorako Batzordearen ekimenez, saioa ospatu zan Zornotzako Andra Mari parrokian, eleiz inguruan gertatu daitekezan sexu gehiegikeriak …

Urtarrilean hasita, eta Eleiz Museoaren laguntzagaz, "Alkarren Barri / Comunicación" Eleizbarrutiko aldizkariak gure eleizetako arrosa-leihorik interesgarrienetako batzuen inguruko artikuluak aurkeztuko ditu. Lehenengoa, Santiago katedraleko arrosa-leihoari eskainita dago.