Juanjo Elezkano abeslari eta abadeak Bizkaia Irratian egin deutsen alkarrizketan adierazo dauanez, bideo solidarioaren doinua 10 urtez egon da bere buruan “gordeta”. Orain, ordua heldu da eta Lontzo Zugazaga abadearen laguntzagaz, “egia bihurtu da”. Abesti honen bidez, errefuxiatu eta etokinei lagundu gura jake.
Beste hainbat laguntza
Lagun askoren laguntza izan dau Elezkanok bideoklipa grabatzeko. Azaldu dauanez, “itsasontzia aurkitu behar izan dogu, asegurua kontratatu, hainbat etorkin grabazinora gonbidatu, orkestrazinoa prestatu…”. Esker ona adierazoten deutse guztiei ‘Aita Mari’ itsasontziarentzat diru-laguntza lortu gura dauan egitasmo honetan parte hartzeagaitik.
Abestiaren izenburua, galdera da. ‘Nor zaitut?’. Abadearen esanetan, “danok gara pertsona pobre askoren oinazearen gaizkide, axolagabe agertzen gara-eta euren egoeraren aurrean”.
Egitasmoari lagundu gura deutsanak migranodearena.org webaren bidez egin leike.
