“Espiritualtasunaren zaintza gizarte-ossun arretan” goiburuaren haritik, Javier Alutiz koordinatzaileak eta Marisa Arias AEEZrako Gurutzetako taldeko kideak garatu eben saioa, ordutegi bitan errepikatuta.
Alutiz eta Ariasek gaixoen eta euren familien beharrizan erlijioso eta espiritualak asetzeari begira, taldeak dauan egitekoa, ikuspuntua eta esku-hartzeko era aurkeztu eutsiezan profesionalei.
Zenbait bitarteko be proposatu eben, ospitalean jarduten daben profesionalek beharrizan horreek antzeman daiezan eta gaixo eta senideei zerbitzu honen barri emon deieen.
Aurkezpenaren ostean, alkarrizketan jardun eben eta Marisa Ariasen esanetan, “guztiz aberasgarria izan zan”. Amaieran azaldu ebanez, taldean poz-pozik egozan emon eutsen aukeragaitik eta “profesionalen erantzunagaitik”.
