Klaratarrak itzal handikoak izan dira Gernika-Lumon. Klausurako monja honeek 600 urtez egon dira Gernikan eta joan dan martxoaren 18an gernikarrek agur esan eutsien esker oneko mezan parte hartuz.
Gaur aurkeztuko da ‘Agur Santa Clara’ ikus-entzunezkoa eta egileek azaldu dabenez, Gernikako Batzar-etxearen ondoan dagoan komentuan gizaldiak emon dabezan klatatarreik izten daben “hustasunezko sentimentua jaso” gura izan dabe.
Alkarteari buruzko bitxikeriaren bat
Gernikako klaratarren alkarteak, otoitz egiteaz gainera, baeban beste egitekoren bat edo beste be, esate baterako, alkarterako eta sakristiarako jantziak jostea. Edo, askok ez dakian arren, eurek prestatzen eben “kalitatezko” txokolatea prestatzea batzarkideentzat, laguntzaileentzat eta Bizkaiko Batzar Nagusien batzarrak zirala-eta ospatzen ziran jokoetan parte hartzen ebenentzat. Inork ez daki ondo nondik datorren ohitura hau, 1829tik 1854ra arteko kontuak baino ez dira-eta gordeten.
Gernikako bonbardaketaren eraginez biztutako suteek suntsitu egin ebezan komentuko artxibo gehienak.
Gontzal Mendibil musikagile eta abeslariaren kontzertua
Beste alde batetik, bihar -zapatua-, Caritas Bizkaia erakundearen aldeko kontzertua ospatuko da Lizeo antzokian iluntzeko 20:00etan.
🎶𝗚𝗮𝗯𝗼𝗻𝗲𝘁𝗮𝗸𝗼 𝗸𝗼𝗻𝘁𝘇𝗲𝗿𝘁𝘂 𝗯𝗲𝗿𝗲𝘇𝗶𝗮 @caritas_bizkaia 𝗲𝘁𝗮 @GontzalMendibil|𝗲𝗻 𝗲𝘀𝗸𝘂𝘁𝗶𝗸
— Bizkaia Irratia (@BizkaiaIrratia) December 27, 2023
📍Abenduaren 30ean izango da Gernika-Lumoko Lizeon Antzokian (20:00)https://t.co/f35wQos5XM
Gontzal Mendibilek Kurutzeko San Joanen olerkiak -Luis Baraiazarra karmeldarrak itzulitakoak- abestuko ditu.
Abeslaria pozik eta “harrituta” agertu da diskoak izan dauan harrera onagaitik, izan be, hainbat kontzertu eskaini dau Bizkaian. Bihar, Gernika-Lumon aurkeztuko dau abesbatza biren laguntzagaz.
